- Насыб бютеу халкъны юлюшюдю.
- Кёрмегеннге кебек – танг, битмегеннге сакъал – танг.
- Телиге от эт десенг, юйюнге от салыр.
- Хар ишни да аллы къыйынды.
- Эки къатын алгъанны къулагъы тынгнгаймаз.
- Адебсиз адам – джюгенсиз ат.
- Ачылгъан эт джабылыр, кёрген кёз унутмаз.
- Огъурлуну сёзю – суу, огъурсузну сёзю – уу.
- Ауурну тюбю бла, дженгилни башы бла джюрюген.
- Ач уят къоймаз.
- Ёпкелегенни ашы татлы болады.
- Таукел адам тау тешер.
- Аман адамны тепсинге олтуртсанг, къызынгы тилер.
- Ётген ёмюр – акъгъан суу.
- Мухарны эси – ашарыкъда.
- Иги джашны ышаны – аз сёлешиб, кёб тынгылар.
- Босагъа таш юйге кирмей эди, тыбыр таш эшикге чыкъмай эди.
- Хансыз джомакъ болмаз.
- Акъылсызны джууукъгъа алма, акъыллыны кенгнге салма.
- Сескекли кесин билдирир.
- Эл элде бирер малынг болгъандан эсе, бирер тенгинг болсун.
- Чомарт къонакъ юй иесин сыйлар.
- Къобан да къуру да къобханлай турмайды, адам да къуру да патчахлай турмайды.
- Къатын байлыкъны сюер, эр саулукъну сюер.
- Къызбайны юйюне дери сюрсенг, батыр болур.
- Кёб джашагъан – кёб билир.
- Ичимден чыкъды хата, къайры барайым сата?
- Ачлыкъда тары гырджын халыуадан татлы.
- Билгенни къолу къарны джандырыр.
- Билмезни кёзю кёрмез, этмезни къулагъы эшитмез.
- Бозаны арты дауур болур.
- Къонагъынгы артмагъын алма да, алгъышын ал.
- Суу кетер, таш къалыр.
- Джашда акъыл джокъ, къартда къарыу джокъ.
- Эм ашхы къайын ана мамукъ бла башынгы тешер.
- Агъач халкъгъа алтынды, иссиликге салкъынды.
- Ишленмеген джаш – джюгенсиз ат, ишленмеген къыз – тузсуз хант.
- Ашыкъгъан cуу, тенгизге джетмез.
- Джарашыу сюйген – джалынчакъ.
- Къартха ушагъан джаш – акъыллы, джашха ушагъан къарт – тели.
- Илму – джашауну джолу.
- Ата Джуртуму башы болмасам да, босагъасында ташы болайым.
- Башда акъыл болмаса, эки аякъгъа кюч джетер.
- Чакъырылгъанны аты, чакъырылмагъанны багъасы болур.
- Адамны адамлыгъы къыйынлыкъда айгъакъланады.
- Ётюрюк хапар аякъ тюбю бла джюрюйдю.
- Ашхылыкъ джерде джатмайды, аманлыкъ суугъа батмайды.
- Ата Джуртча джер болмаз, туугъан элча эл болмаз.
- Бюгюн дуния кибик, тамбла ахыратды.
- Ашыкъгъанны этеги бутуна чырмалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72