- Кимни – тили, тиши онглу, кимни – къолу, иши онглу.
- Эки итни арасына сюек атма, эки адамны арасында сёз чыгъарма.
- Хансыз джомакъ болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Ёпкелегенни ашы татлы болады.
- Уясында не кёрсе, учханында аны этер.
- Байлыкъ тауусулур, билим тауусулмаз.
- Сагъыш – къартлыкъгъа сюйюмчю.
- Адамны сыфатына къарама, сёзюне къара.
- Чомартны къолун джокълукъ байлар.
- Сабыр джетер муратха, сабырсыз къалыр уятха.
- Тин – байлыгъынг, терен саулугъунг.
- Босагъа таш юйге кирмей эди, тыбыр таш эшикге чыкъмай эди.
- Къуру гыбыт бек дыгъырдар.
- Ашхы – джыяр, аман – джояр.
- Тенгинг джокъ эсе – изле, бар эсе – сакъла!
- Аджалсыз ёлюм болмаз.
- Джигер – джаннга къыйынлыкъ.
- Татлы тилде – сёз ариу, чемер къолда – иш ариу.
- Сагъышы джокъ – джукъучу, акъылы джокъ – къаугъачы.
- Айырылмаз джууугъунга, унутмаз сёзню айтма.
- Сормай – алма, чакъырылмай – барма.
- Ышармагъан – кюлмез, кюлмеген – къууанчны билмез.
- Болджал ишни бёрю ашар.
- Ханы къызы буюгъа-буюгъа киштик болду.
- Аман къатын алгъан, арыр, иги къатын алгъан джарыр.
- Аш кетер да бет къалыр.
- Агъач халкъгъа алтынды, иссиликге салкъынды.
- Айранын берсенг, челегин да къызгъанма.
- Хазыр ашха – терен къашыкъ.
- Чабакъгъа акъыл, табагъа тюшсе келеди.
- Эркишини аманы тиширыуну джылатыр.
- Тёзгеннге, джабылгъан эшик ачылыр.
- Аллахха ийнаннган кишини, Аллах онгдурур ишин.
- Джырына кёре эжиую.
- Джаралыны джастыгъында сау ёлюр.
- Тилчи бир сагъатха айлыкъ хата этер.
- Аякъларынгы джууургъанынга кёре узат.
- Кёзю сокъурдан – къоркъма, кёлю сокъурдан – къоркъ.
- Бозанг болмагъан джерге, къалагъынгы сукъма.
- Чакъырылгъанны аты, чакъырылмагъанны багъасы болур.
- Тыш элде солтан болгъандан эсе, кесинги элде олтан болгъан игиди!
- Окъ къызбайны джокълайды.
- Къонакъ аз олтурур, кёб сынар.
- Булут кёкге джарашыу, уят бетге джарашыу.
- Ачыу алгъа келсе, акъыл артха къалады.
- Чыкълы кюнде чыкъмагъан, чыкъса къуру кирмеген.
- Адебсиз адам – джюгенсиз ат.
- Гыдай эчки суугъа къараб, мюйюзле кёрмесе, джашма алкъын, дегенди.
- Ишлерге уял да, ашаргъа табма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72