- Гыдай эчки суугъа къараб, мюйюзле кёрмесе, джашма алкъын, дегенди.
- Дууулдаса – бал чибин, къонса – къара чибин.
- Тёрде – темир таякълы, къаяда – чыпчыкъ аякълы.
- Адам сёзюнден белгили.
- Чыбыкълыкъда бюгюлмеген, къазыкълыкъда бюгюлмей эди.
- Къая джолда джортма, ачыкъ сёзден къоркъма.
- Эринчекни эр алмаз, эр алса да, кёл салмаз, кёл салса да, кёб бармаз!
- Акъдан къара болмаз.
- Хоншуну тауугъу къаз кёрюнюр, келини къыз кёрюнюр.
- Джарлы джети элни сёзюн этер.
- Ашхы тенг джолгъа салыр, аман тенг джолдан тайдырыр.
- Эм уллу байлыкъ – джан саулукъ.
- Рысхы – сют юсюнде кёмюк кибикди.
- Эллинг бла джау болсанг да, юйюнг бла джау болма.
- Адамны артындан къара сабан сюрме.
- Суугъа – таянма, джаугъа – ийнанма.
- Иги джашны ышаны – аз сёлешиб, кёб тынгылар.
- Ауругъанны сау билмез, ач къарынны токъ билмез.
- Чёбню кёлтюрсенг, тюбюнден сёз чыгъар.
- Кийимни бичсенг, кенг бич, тар этген къыйын тюлдю.
- Кёб джат да, бек чаб.
- Тойгъа барсанг, тоюб бар, эски тонунгу къоюб бар.
- Кёлсюзден сёзсюз тууар.
- Адеб джокъда, намыс джокъ.
- Ойнаб айтсанг да, эслеб айт.
- Рысхысына кёре, джаш ёсер, къышлыгъына кёре, мал ёсер.
- Бермеген къол, алмайды.
- Ишлегенден, къарагъан уста.
- Ач къарынны, токъ билмез
- Джырына кёре эжиую.
- Бозаны арты дауур болур.
- Миллетни бойну – базыкъ, аны бла кюрешген – джазыкъ.
- Тил – кесген бычакъ, сёз – атылгъан окъ.
- Ачлыкъда тары гырджын халыуадан татлы.
- Къонакъ болсанг, ийнакъ бол.
- Къонакъ аман болса, къонакъбай джунчур
- Хатерли къул болур.
- Кюл тюбюндеги от кёрюнмейди.
- Джумушакъ терекни къурт ашар.
- Джаш къарыу бла кючлю, къарт акъыл бла кючлю.
- Чомартны къолу берекет.
- Сабыр джетер муратха, сабырсыз къалыр уятха.
- Келинин тута билмеген, къул этер, къызын тута билмеген, тул этер.
- Аманнга да, игиге да оноусуз къатышма.
- Бал ашаргъа сюе эсенг, чибин ургъаннга тёз.
- Орну джокъну – сыйы джокъ.
- Мени джылытмагъан кюн, меннге тиймесин!
- Ёлюк кебинсиз къалмаз.
- Башы ишлегенни, ауузу да ишлер.
- Ёзденликни джайгъан – джокълукъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72