- Чоюнну башы ачыкъ болса, итге уят керекди.
- Ата Джуртча джер болмаз, туугъан элча эл болмаз.
- Эл элде бирер малынг болгъандан эсе, бирер тенгинг болсун.
- Сескекли кесин билдирир.
- Къулакъдан эсе, кёзге ышан.
- Сёз сёзню айтдырыр.
- Соргъан айыб тюлдю, билмеген айыбды.
- Ауузу аманнга «иги», деме.
- Аджаллыгъа окъсуз шкок атылыр.
- Биреуню эскиси биреуге джангы болмайды.
- Ишин билген, аны сыйын чыгъарады.
- Ишлегенде эринме, ишде чолакъ кёрюнме.
- Ауузу бла къуш тута айланады.
- Мухар, кеси тойса да, кёзю тоймаз.
- Къарын къуру болса, джюрек уру болур.
- Хунаны тюбюн къазсанг, юсюнге ауар.
- Рысхысына кёре, джаш ёсер, къышлыгъына кёре, мал ёсер.
- Элни кючю – эмеген.
- Тойгъанлыкъ къойгъа джарашады.
- Экиндини кеч къылсанг, чабыб джетер ашхам.
- Иши джокъну, сыйы джокъ.
- Къызгъанчдан ычхыныр, мухардан ычхынмаз.
- Билимсиз иш бармаз.
- Кёзюнде тереги болгъан, чёбю болгъаннга кюле эди.
- Эшекге миннген – биринчи айыб, андан джыгъылгъан – экинчи айыб.
- От этилмеген джерден тютюн чыкъмайды.
- Эте билген, этген этеди, эте билмеген, юретген этеди!
- Тилде сюек болмаса да, сюек сындырыр.
- Гитче джилтин уллу элни джандырыр.
- Тюз сёз баргъан сууну тыяр.
- Джарлыны эшигин махтагъан джабар.
- Намысы джокъну – дуниясы джокъ.
- Ашарыкъда сайлагъаннга – чий гырджын.
- Итли къонакъ джарашмаз.
- Тас болгъан бычакъны сабы – алтын.
- Бозанг болмагъан джерге, къалагъынгы сукъма.
- Ишлегенден, къарагъан уста.
- Адамны бетине къарама, адетине къара.
- Башда акъыл болмаса, эки аякъгъа кюч джетер.
- Джигер – джаннга къыйынлыкъ.
- Сыфатында болмагъаны, суратында болмаз.
- Адам къаллай бир ишленмесе, аллай бир кесин уллу кёреди.
- Джюрек кёзден алгъа кёрюр.
- Ойнай билмеген, уруб къачар.
- Кирсизни – саны таза, халалны – къаны таза.
- Айыбны суу бла джууалмазса.
- Тойгъандан сора, ашны сёкме.
- Эл бла кёргенинг эрелей.
- Айранын берсенг, челегин да къызгъанма.
- Тенгни тенглиги джашай барсанг билинир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72