- Къонакъ аман болса, къонакъбай джунчур
- Чакъырылмагъан къонакъ – орунсуз.
- Къатыны харакетли болса, эри къымсыз болур.
- Мен да «сен», дейме, сен да «кесим», дейсе.
- Акъыллы эркиши атын махтар, акъылсыз эркиши къатынын махтар.
- Чабакъгъа акъыл, табагъа тюшсе келеди.
- Сёлеш деб шай берген, тохта деб, сом берген.
- Келинин тута билмеген, къул этер, къызын тута билмеген, тул этер.
- Окъугъанны бети джарыкъ.
- Тенгинг джокъ эсе – изле, бар эсе – сакъла!
- Уясында не кёрсе, учханында аны этер.
- Ач, тоймам, дейди, тойгъан, ач болмам, дейди.
- Байны къызы баймакъ болса да, юйде къалмаз!
- Хата – гитчеден.
- Тенгни тенглиги джашай барсанг билинир.
- Атлыны кёрсе, джаяуну буту талыр.
- Джашда акъыл джокъ, къартда къарыу джокъ.
- Тёзгеннге, джабылгъан эшик ачылыр.
- Къартны бурнун сюрт да, оноугъа тут.
- Олтуруб кёрюнмей эди да, ёрге туруб кёрюне эди.
- Эм ашхы къайын ана мамукъ бла башынгы тешер.
- Хар зат кесини орнуна иги.
- Чакъырылмай келген къонакъ сыйланмай кетер.
- Туз, гырджын аша, тюзлюк бла джаша.
- Къарнынг тойгъунчу аша да, белинг талгъынчы ишле.
- Ёлюр джаннга, ёкюл джокъ.
- Тил – кесген бычакъ, сёз – атылгъан окъ.
- Къуллукъчума, деб махтанма, къуллукъ – хаух джамчыды!
- Башда акъыл болмаса, эки аякъгъа кюч джетер.
- Къарын къуру болса, джюрек уру болур.
- Къоркъакъны кёзю экили кёрюр.
- Джуртун къоругъан озар.
- Бет бетге къараса, бет да джерге къарар.
- Мадар болса, къадар болур.
- Джылыгъа джылан илешир.
- Ариу сёз – джаннга азыкъ, аман сёз – башха къазыкъ.
- Артына баргъанны, къатына барма.
- Этек чакъмакълары баш джаргъан, сёлешген сёзлери таш джаргъан.
- Джашлыкъ этмеген, башлыкъ этмез.
- Ашхы болсанг, атынг чыгъар, аман болсанг, джанынг чыгъар.
- Халкъны джырын джырласанг, халкъ санга эжиу этер.
- Чакъырылмагъан къонакъ къачан кетерин сормаз.
- Къарнынг ауруса, ауузунгу тый
- Адам сёзюнден белгили.
- Ашарыкъда сайлагъаннга – чий гырджын.
- Экиндини кеч къылсанг, чабыб джетер ашхам.
- Тёрде – темир таякълы, къаяда – чыпчыкъ аякълы.
- Баш болса, бёрк табылыр.
- Ишлемеген – тишлемез.
- Намысы болмагъанны, сыйы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72