- Тили узунну, намысы – къысха.
- Ашда – бёрю, ишде – ёлю.
- Тин – байлыгъынг, терен саулугъунг.
- Къазанда болса, чолпугъа чыгъар.
- Ата Джуртча джер болмаз, туугъан элча эл болмаз.
- «Ма», - дегенни билмесенг, «бер», - дегенни билмезсе.
- Аджалсыз ёлюм болмаз.
- Адамны сабийин сюйген джюреги, бычакъча, джитиди.
- Аш иеси бла татлыды.
- Тамырсыз терекге таянма – джыгъылырса.
- Адамны сыфатына къарама, сёзюне къара.
- Кёбню кёрген – кёб билир.
- Махтаннган къыз, тойда джукълар.
- Мал кёб болса, джууукъ кёб болур.
- Айныгъанлы алты кюн, тогъайгъанлы тогъуз кюн.
- Ачлыкъ отха секиртир.
- Таугъа чыгъаллыкъ эсенг, тюзде къалма.
- Ётюрюк хапар аякъ тюбю бла джюрюйдю.
- Джахил болса анасы, не билликди баласы?
- Дуния малгъа сатылма, кесингден телиге къатылма.
- Кёпюр салгъан кеси ётер, уру къазгъан кеси кетер.
- Ёлген ийнек сютлю болур.
- Уллу къашыкъ эрин джыртар.
- Сакъламагъан затынга джолукъсанг, не бек къууанаса, не бек ачыйса.
- Дуния аламаты сен эсенг да, игиме деб айтма.
- Къарнынг тойгъунчу аша да, белинг талгъынчы ишле.
- Ач къарным, тынч къулагъым.
- Ёгюзню мюйюзюнден тутадыла, адамны сёзюнден тутадыла.
- Игиге айтсанг – билир, аманнга айтсанг – кюлюр.
- Ишлерге уял да, ашаргъа табма.
- Къазанны башы ачыкъ болса, итге уят керекди.
- Адеб базарда сатылмаз.
- Битмегеннге сакъал – танг.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашха уста, юйюнде болсун
- Ашаса, ашамаса да, бёрюню ауузу – къан.
- Оюмсуз атлагъан, аджалсыз ёлюр.
- Суугъа – чабакъ, къаягъа – ыргъакъ.
- Элиб деген, элге болушур.
- Кийимни бичсенг, кенг бич, тар этген къыйын тюлдю.
- Кёл – къызбай, къол – батыр.
- Окъугъан озар, окъумагъан тозар.
- Кимни – тили, тиши онглу, кимни – къолу, иши онглу.
- Байлыкъ адамны сокъур этер.
- Адам боллукъ, атламындан белгили болур.
- Тешик этген тынчды, аны джамагъан къыйынды.
- Нёгер болсанг, тенг бол, тенг болмасанг, кенг бол.
- Онгсузну – джакъла, тенгликни – сакъла.
- Къолу уллу – асыу, аягъы уллу – джарсыу.
- Иги – алгъыш этер, аман – къаргъыш этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72