- Джашынгы кесинг юретмесенг, джашау юретир.
- Кёрмегеннге кебек – танг, битмегеннге сакъал – танг.
- Къоркъакъны кёзю экили кёрюр.
- Мухар, кеси тойса да, кёзю тоймаз.
- Ёгюзню мюйюзюнден тутадыла, адамны сёзюнден тутадыла.
- Бойнуму джети джерден кессенг да, мен ол ишни этеллик тюлме.
- Игини сыйлагъан адетди.
- Бозаны арты дауур болур.
- Аллахдан тилесенг, кёб тиле.
- Келинни – келгинчи, бёркню кийгинчи кёр.
- Элге къуллукъ этмеген, элге ие болмаз.
- Окъуу – билимни ачхычы, окъуу – дунияны бачхычы.
- Болджал ишни бёрю ашар.
- Ойнай билмеген, уруб къачар.
- Джашлыкъ этмеген, башлыкъ этмез.
- Чомартны къолу берекет.
- Намысы болмагъанны, сыйы болмаз.
- Бети бедерден, намыс сакълама.
- Аз сёлешген, къайгъысыз турур.
- Таукел тауну аудурур.
- Ёлюк кебинсиз къалмаз.
- Термилгенинги табмазса, кюлгенинге тюберсе.
- Къайгъы тюбю – тенгиз.
- Уясында не кёрсе, учханында аны этер.
- Тилчи бир сагъатха айлыкъ хата этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашына кёре табагъы, балына кёре къалагъы.
- Ишин билген, аны сыйын чыгъарады.
- Таш бла ургъанны, аш бла ур.
- Ойнаб айтсанг да, эслеб айт.
- Байлыкъ адамны сокъур этер.
- Борчунг бар эсе, хурджунунга ойлаб узал.
- Билмезни кёзю кёрмез, этмезни къулагъы эшитмез.
- Эрине къаргъыш этген къатын, эрнин къабар.
- Ариу джол аджал келтирмез.
- Аджаллыгъа окъсуз шкок атылыр.
- Татлы тилде – сёз ариу, чемер къолда – иш ариу.
- Кёб джат да, бек чаб.
- Аман адам элни бир-бирине джау этер.
- Кенгеш болса, уруш болмаз.
- Юйюнгден чыкъдынг – кюнюнгден чыкъдынг.
- Минг тенг да азды, бир джау да кёбдю.
- Адеб базарда сатылмаз.
- Къалгъан ишге къар джауар.
- Орундукъ тюбюнде атылсам да, орта джиликме, де да айлан.
- Тенгинг джокъ эсе – изле, бар эсе – сакъла!
- Байлыкъдан саулукъ ашхыды.
- Тенгни тенглиги джашай барсанг билинир.
- Ким бла джюрюсенг, аны кёзю бла кёрюнюрсе.
- Билмейме деген – бир сёз
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72