- Къоркъакъны кёзю экили кёрюр.
- Джети тилни билген джети кишиди.
- Мухарны эси – ашарыкъда.
- Джылыгъа джылан илешир.
- Тенги кёбню джау алмаз, акъылы кёбню дау алмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Къатын къылыкъсыз, эр тынчлыкъсыз.
- Иги адамны бир сёзю эки болмаз.
- Кеси юйюмде мен да ханма.
- Кёл ашады да, кеси ашады.
- Юреннген ауруу къалмаз.
- Къарнынг тойгъунчу аша да, белинг талгъынчы ишле.
- Аджаллыгъа окъсуз шкок атылыр.
- Экеу тутушса, биреу джыгъылыр.
- Кёзню ачылгъаны – иги, ауузну джабылгъаны – иги.
- Аз сёлешген, къайгъысыз турур.
- Ач, тоймам, дейди, тойгъан, ач болмам, дейди.
- Ёзденликни джайгъан – джокълукъ.
- Иши джокъну, сыйы джокъ.
- Ариу – кёзге, акъыл – джюрекге.
- Джангызны оту джарыкъ джанмаз!
- Чомарт бергенин айтмаз.
- Ишлегенден, къарагъан уста.
- Насыб бютеу халкъны юлюшюдю.
- Тойгъандан сора, ашны сёкме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эски джаугъа ышанма.
- Къайгъыны сюйген, къайгъы табар.
- Ач къалгъандан, кеч къалгъан къолай.
- От этилмеген джерден тютюн чыкъмайды.
- Хансыз джомакъ болмаз.
- Ашда – бёрю, ишде – ёлю.
- Къыйынлы джети элге оноу этер.
- Аллахдан тилесенг, кёб тиле.
- Чыбыкълыкъда бюгюлмеген, къазыкълыкъда бюгюлмей эди.
- Илму – джашауну джолу.
- Бозанг болмагъан джерге, къалагъынгы сукъма.
- Эл бла кёргенинг эрелей.
- Иги сёз – джаннга азыкъ, аман сёз башха – къазыкъ.
- Джумушакъ сёз къаты таякъны сындырыр.
- Ариу джол аджал келтирмез.
- Артына баргъанны, къатына барма.
- Акъыллы эркиши атын махтар, акъылсыз эркиши къатынын махтар.
- Байны къызы баймакъ болса да, юйде къалмаз!
- Акъыл неден да кючлюдю.
- Ана къойну – балагъа джандет.
- Къуру гыбыт бек дыгъырдар.
- Дуния малгъа сатылма, кесингден телиге къатылма.
- Хар зат кесини орнуна иги.
- Къызгъанчдан ычхыныр, мухардан ычхынмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72