- Джогъун бар этген, барын бал этген.
- Къолунгдан къуймакъ ашатсанг да, атаны борчундан къутулмазса.
- Хар адамгъа кеси миннген тау кибик.
- Асхат ашлыкъ сата, юйдегиси ачдан къата.
- Къатын къылыкъсыз, эр тынчлыкъсыз.
- Ана кёлю – балада, бала кёлю – талада.
- Къозулугъунда тоймагъан, къойлугъунда тоймаз.
- Шайтан алдады, тюзлюк къаргъады.
- Къошда джокъгъа – юлюш джокъ.
- Акъыл аздырмаз, билим тоздурмаз.
- Адамны сабийин сюйген джюреги, бычакъча, джитиди.
- Тилде сюек болмаса да, сюек сындырыр.
- Джумушакъ сёз къаты таякъны сындырыр.
- Таула не мийик болсала да, аууш табылыр.
- Адамны бетине къарама, адетине къара.
- Адамны адамлыгъы къыйынлыкъда айгъакъланады.
- Ач отунчуну ачыуу – бурнунда.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кесине оноу эте билмеген, халкъына да эте билмез.
- Билим – акъылны чырагъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёксюзню къалачы уллу кёрюнюр.
- Битмегеннге сакъал – танг.
- Байдан умут эте, джарлыдан ёгюз багъасы къорады.
- Ач уят къоймаз.
- Сакъалы текени да бар, мыйыгъы киштикни да бар.
- Джылыгъа джылан илешир.
- «Ма», - дегенни билмесенг, «бер», - дегенни билмезсе.
- Джангыз торгъай джырламаз.
- Къаллай салам берсенг, аллай джууаб алырса.
- Къонакъ аз олтурур, кёб сынар.
- Малны кют, джерни тюрт.
- Урама да – ёледи, сатама да – келеди.
- Билим насыб берир, билим джолну керир.
- Джарлы тюеге минсе да, ит къабар.
- Эки къатын алгъанны къулагъы тынгнгаймаз.
- Адеб этмеген, адеб кёрмез.
- Ашатыргъа иш – ашхы, ишлетирге аш – ашхы.
- Башы ишлегенни, ауузу да ишлер.
- Арыгъан къош чамчы болур.
- Суу ичген шауданынга тюкюрме.
- Сагъышы джокъ – джукъучу, акъылы джокъ – къаугъачы.
- Аман адамны тепсинге олтуртсанг, къызынгы тилер.
- Билим ат болуб да чабар, къуш болуб да учар.
- Джырчы джырчыгъа – къарнаш.
- Ауузу аманнга «иги», деме.
- Огъурлуну сёзю – суу, огъурсузну сёзю – уу.
- Бозаны арты дауур болур.
- Джашлыкъ этмеген, башлыкъ этмез.
- Таукелге нюр джауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72