Эльбрусоид :: Форум :: Архив форумов

Келинни – келгинчи, бёркню кийгинчи кёр.
Ата – баланы уясы.
Аманнга игилик этсенг, юйюнге сау бармазса.
Байлыкъдан саулукъ ашхыды.
Арба аугъандан сора, джол кёргюзтюучю кёб болур.
Чакъырылмагъан къонакъ тёрге атламаз.
Чабакъгъа акъыл, табагъа тюшсе келеди.
Тик ёргени, тик энгишгеси да болады.
Сормай – алма, чакъырылмай – барма.
Тай асырагъан, атха минер.
Хар ишни да аллы къыйынды.
Адеби болмагъан къыз – тузсуз хант.
Эки къатын алгъан – эки ташны ортасына башын салгъан.
Аман эсирсе, юйюн ояр.
Тиширыусуз юй – отсуз от джагъа.
Атлыны кёрсе, джаяуну буту талыр.
Арбаз сайлама да, хоншу сайла.
Тамырсыз терекге таянма – джыгъылырса.
Адеб этмеген, адеб кёрмез.
Босагъа таш юйге кирмей эди, тыбыр таш эшикге чыкъмай эди.
Эшекни не къадар тюйсенг да, ат болмаз.
Ач уят къоймаз.
Бети къызарыучу адамны, джюреги харам болмаз.
Зар адам ашынгы ашар, кесинги сатар.
Кёб джашагъан – кёб билир.
Къонакъ болсанг, ийнакъ бол.
Ач отунчуну ачыуу – бурнунда.
Билмегенинги, билгеннге сор.
Чабакъсыз кёлге къармакъ салгъанлыкъгъа, чабакъ тутмазса.
Татлы сёз – балдан татлы.
Билмезни кёзю кёрмез, этмезни къулагъы эшитмез.
Таш ата билмеген, башына урур.
Иши джокъну, сыйы джокъ.
Ышармагъан – кюлмез, кюлмеген – къууанчны билмез.
Ёксюзню къалачы уллу кёрюнюр.
Чакъырылмай келген къонакъ сыйланмай кетер.
Кийимни бир кюнню аясанг, минг кюннге джарар.
Чыбыкълыкъда бюгюлмеген, къазыкълыкъда бюгюлмей эди.
Гыдай эчки суугъа къараб, мюйюзле кёрмесе, джашма алкъын, дегенди.
Кесине оноу эте билмеген, халкъына да эте билмез.
Бал ашаргъа сюе эсенг, чибин ургъаннга тёз.
Ачыкъ джюрекге джол – ачыкъ.
Ойнай билмеген, оюн бузар.
Уллу атлама – абынырса, уллу къабма – къарылырса.
Къозулугъунда тоймагъан, къойлугъунда тоймаз.
Акъыллы айтыр эди, акъылсыз къоймайды.
Ана кёлю – балада, бала кёлю – талада.
Таугъа чыгъаллыкъ эсенг, тюзде къалма.
Илму – джашауну джолу.
Къайтырыкъ эшигинги, къаты уруб чыкъма.

Логин:
Пароль:
	Запомнить меня на этом компьютере

Забыли свой пароль?
Регистрация