- Ачлыкъ отха секиртир.
- Эллинг бла джау болсанг да, юйюнг бла джау болма.
- Битмегеннге сакъал – танг.
- Бозаны арты дауур болур.
- Адеб базарда сатылмаз.
- Джашда акъыл джокъ, къартда къарыу джокъ.
- Эки къатын алгъан – эки ташны ортасына башын салгъан.
- Къонакъны къачан кетерин сорма, къачан келлигин сор.
- Къызгъанчдан ычхыныр, мухардан ычхынмаз.
- Къыз келсе, джумуш эте келеди, къатын келсе, ушакъ эте келеди.
- Аманны къуугъан, аманлыкъ табар.
- Ойнай билмеген, уруб къачар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къызбайны юйюне дери сюрсенг, батыр болур.
- Мен да «сен», дейме, сен да «кесим», дейсе.
- Телиге акъыл салгъандан эсе, ёлгеннге джан салырса.
- Эм уллу байлыкъ – джан саулукъ.
- Къызны минг тилер, бир алыр.
- Кёз – сюйген джерде, къол – ауругъан джерде.
- Соргъан айыб тюлдю, билмеген айыбды.
- Тюзлюк шохлукъну бегитир.
- Къайгъы тюбю – тенгиз.
- Аз айтсам, кёб ангылагъыз.
- Сютден ауузу кюйген, суугъа юфгюре эди.
- Байма, деб да, къууанма, джарлыма, деб да, джылама.
- Тюкюрюк баш джармаз, налат кёз чыгъармаз!
- Телиге от эт десенг, юйюнге от салыр.
- Сёлеш деб шай берген, тохта деб, сом берген.
- Акъыл бла адеб эгизледиле.
- Джылкъыдан – ат чыгъар, тукъумдан – джаш чыгъар.
- Адамны аты башхача, акъылы да башхады.
- Бал чибинни ургъаны – ачы, балы – татлы.
- Кийим тукъум сордурур.
- Азыгъы аз, алгъа къабар, аты аман, алгъа чабар.
- Урама да – ёледи, сатама да – келеди.
- Эл ауузу – элия.
- Ёлген эшек бёрюден къоркъмайды.
- Ашхы адам – халкъ байлыгъы, ашхы джер – джашау байлыгъы.
- Ишин билген, аны сыйын чыгъарады.
- Тыш элде солтан болгъандан эсе, кесинги элде олтан болгъан игиди!
- Къонакъ болсанг, ийнакъ бол.
- Аманны эки битли тону болур, бирин сеннге кийдирир, бирин кеси киер.
- Джашлыкъ этмеген, башлыкъ этмез.
- Байлыкъдан саулукъ ашхыды.
- Билимсиз иш бармаз.
- Къулакъдан эсе, кёзге ышан.
- Адамгъа аман кюн соруб келмейди.
- Болджал ишни бёрю ашар.
- Тили узунну, намысы – къысха.
- Къызын тута билмеген, тул этер, джашын тута билмеген, къул этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72