- Ишлегенде эринме, ишде чолакъ кёрюнме.
- Телини эшигин, махтау джабар.
- Ишлерге уял да, ашаргъа табма.
- Мухардан ач ычхынмаз.
- Чомартны къолу берекет.
- Халкъны юйю – туугъан джери.
- Туз, гырджын аша, тюзлюк бла джаша.
- Ётюрюк хапар аякъ тюбю бла джюрюйдю.
- Аз сёлешген, къайгъысыз турур.
- Ичимден чыкъды хата, къайры барайым сата?
- Аш хазыр болса, иш харам болур.
- Кимни – тили, тиши онглу, кимни – къолу, иши онглу.
- Гыдай эчки суугъа къараб, мюйюзле кёрмесе, джашма алкъын, дегенди.
- Тилчи бир сагъатха айлыкъ хата этер.
- Джюрекден джюрекге джол барды.
- Ашаса, ашамаса да, бёрюню ауузу – къан.
- Кёрмегеннге кебек – танг, битмегеннге сакъал – танг.
- Урама да – ёледи, сатама да – келеди.
- Тенги кёбню джау алмаз, акъылы кёбню дау алмаз.
- Ёлген аслан – сау чычхан.
- Биреуню къыйынлыгъы бла кесинге джол ишлеме.
- Тыш элде солтан болгъандан эсе, кесинги элде олтан болгъан игиди!
- Тёрени джагъы джокъ.
- Экеулен сёлеше тура эселе, орталарына барыб кирме.
- Хар сёзню орну барды.
- Душманны тышы – акъ, ичи – къара.
- Джюз элде джюз ёгюзюм болгъандан эсе, джюз джууугъум болсун.
- Акъдан къара болмаз.
- Булут кёкге джарашыу, уят бетге джарашыу.
- Башланнган иш битер, къымылдагъан тиш тюшер.
- Къызын тута билмеген, тул этер, джашын тута билмеген, къул этер.
- Юй кюйдю да, кюйюз чыкъды, ортасындан тюйюш чыкъды.
- Алгъанда – джууукъ, бергенде – джау.
- Дуния малгъа сатылма, кесингден телиге къатылма.
- Бал – татлы, балдан да бала – татлы.
- Байлыкъдан саулукъ ашхыды.
- Эшекге миннген – биринчи айыб, андан джыгъылгъан – экинчи айыб.
- Джарлы эскисин джамаса, къууаныр.
- Аманны эки битли тону болур, бирин сеннге кийдирир, бирин кеси киер.
- Тёзген – тёш ашар!
- Ач къарным, тынч къулагъым.
- Ашхы тенг джолгъа салыр, аман тенг джолдан тайдырыр.
- Джаханимни кёрмей, джандетге кёл салмазса.
- Эри аманны, къатыны – аман.
- Сууда джау джокъ, кёб сёзде магъана джокъ.
- Къолу уллу – асыу, аягъы уллу – джарсыу.
- Ётюрюкден тюбю джокъ, кёлтюрюрге джиби джокъ.
- Билимсиз иш бармаз.
- Айранын берсенг, челегин да къызгъанма.
- Аман къатын алгъан, арыр, иги къатын алгъан джарыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72