- Бал чибинни ургъаны – ачы, балы – татлы.
- Эр сокъур болсун, къатын тилсиз болсун.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джыланны къуйругъундан басарынг келсе, аны башы болгъанын унутма.
- Тойгъан антын унутур.
- Баргъанынга кёре болур келгенинг.
- Кютгени беш эчки, сызгъыргъаны уа, джерни джарады.
- Гугурук къычырмаса да, тангны атары къалмаз.
- Тилде сюек болмаса да, сюек сындырыр.
- Къобан да къуру да къобханлай турмайды, адам да къуру да патчахлай турмайды.
- Башынга джетмегенни сорма.
- Джырчы ёлсе, джыры къалыр.
- Экеулен сёлеше тура эселе, орталарына барыб кирме.
- Алтыда кюлмеген, алтмышда кюлмез.
- Этек чакъмакълары баш джаргъан, сёлешген сёзлери таш джаргъан.
- Къонакъ болсанг, ийнакъ бол.
- Тиширыусуз юй – отсуз от джагъа.
- Адамны сыфатына къарама, сёзюне къара.
- Келгинчи, къонакъ уялыр, келгенден сора, къонакъбай уялыр.
- Къолу уллу – асыу, аягъы уллу – джарсыу.
- Арбаз сайлама да, хоншу сайла.
- Къартны бурнун сюрт да, оноугъа тут.
- Аман адамны тепсинге олтуртсанг, къызынгы тилер.
- Эм уллу байлыкъ – джан саулукъ.
- Адам сёзюнден белгили.
- Аманнга да, игиге да оноусуз къатышма.
- Акъыллы эркиши атын махтар, акъылсыз эркиши къатынын махтар.
- Аджал соруб келмез, келсе, къайтыб кетмез.
- Ауругъан – джашаудан умутчу.
- Сангырау къулакъ эл бузар.
- Джашда акъыл джокъ, къартда къарыу джокъ.
- Кёбден умут этиб, аздан къуру къалма.
- Тешик этген тынчды, аны джамагъан къыйынды.
- Чакъырылмай келген къонакъ сыйланмай кетер.
- Экиндини кеч къылсанг, чабыб джетер ашхам.
- Билимсиз иш бармаз.
- Ишлегенде эринме, ишде чолакъ кёрюнме.
- Къарны аманнга къазан такъдырма, къолу аманнга от джакъдырма.
- Чакъырылгъанны аты, чакъырылмагъанны багъасы болур.
- От кюйдюрген, сау болса да, тот кюйдюрген, сау болмаз.
- Къонакъ аман болса, къонакъбай джунчур
- Бал ашаргъа сюе эсенг, чибин ургъаннга тёз.
- Башсыз урчукъ тюзюне айланмаз.
- Ата – баланы уясы.
- Итли къонакъ джарашмаз.
- Кюл тюбюндеги от кёрюнмейди.
- Ачлыкъда тары гырджын халыуадан татлы.
- Кийим тукъум сордурур.
- Дууулдаса – бал чибин, къонса – къара чибин.
- Джыйырма къойну юч джыйырма эбзе кюте эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72