- Акъыллы башны – тили къысха.
- Тёзген – тёш ашар!
- Ётюрюкню башын керти кесер.
- Хантына кёре тузу, юйюне кёре къызы.
- Къыз чыгъаргъан – къызыл къымжа.
- Джыгъылгъанны сырты джерден тоймаз.
- Халкъгъа джарагъан, джарлы къалмаз.
- Ёлюк кебинсиз къалмаз.
- Эллинг бла джау болсанг да, юйюнг бла джау болма.
- Байлыкъ болгъан джерде, тынчлыкъ джокъду.
- Айран ичген – къутулду, джугъусун джалагъан – тутулду.
- Хар зат кесини орнуна иги.
- Чакъырылмагъан къонакъ тёрге атламаз.
- Аджашхан тёгерек айланыр.
- Айранын берсенг, челегин да къызгъанма.
- Ишни аллы бла къууанма да, арты бла къууан.
- Керти сёзге тёре джокъ.
- Ёлюр джаннга, ёкюл джокъ.
- Тик ёргени, тик энгишгеси да болады.
- Аман киши кеси юйюнде – къонакъ.
- Джолунга кёре – джюрюшюнг, джагъанга кёре – юлюшюнг.
- Уллу суу бла уллу ауруудан башынгы сакъла.
- Дуния малгъа сатылма, кесингден телиге къатылма.
- Аллахдан тилесенг, кёб тиле.
- Адам къыйынлыгъын кёлтюрюр, зауукълугъун кёлтюрмез.
- Къобан да къуру да къобханлай турмайды, адам да къуру да патчахлай турмайды.
- Халкъны джырын джырласанг, халкъ санга эжиу этер.
- Нарт сёз – тилни бети.
- Таугъа чыгъаллыкъ эсенг, тюзде къалма.
- Душманны тышы – акъ, ичи – къара.
- Ачылгъан эт джабылыр, кёрген кёз унутмаз.
- Ышармагъан – кюлмез, кюлмеген – къууанчны билмез.
- Эрине къаргъыш этген къатын, эрнин къабар.
- Джаш къарыу бла кючлю, къарт акъыл бла кючлю.
- Мен да «сен», дейме, сен да «кесим», дейсе.
- Минг тенг да азды, бир джау да кёбдю.
- Аманны тукъумуна къарама, игини тукъумун сорма.
- Тилсиз миллет джокъ болур.
- Биреуге аманлыкъны тилеме да, кесинге ашхылыкъны тиле.
- Бек анасы джыламаз.
- Юй ишлеген балта эшикде къалыр.
- Таукел къуру къалмаз.
- Адеби болмагъан къыз – тузсуз хант.
- Аманнга игилик этсенг, юйюнге сау бармазса.
- Гырджын – тепсини тамадасы.
- Гугурук къычырмаса да, тангны атары къалмаз.
- Артына баргъанны, къатына барма.
- Байлыкъ келсе, акъыл кетер.
- Азыкълы ат арымаз, къатыны аман джарымаз.
- Эринчекни эр алмаз, эр алса да, кёл салмаз, кёл салса да, кёб бармаз!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72