- Игини сыйлагъан адетди.
- Джашда акъыл джокъ, къартда къарыу джокъ.
- Адамгъа аман кюн соруб келмейди.
- Къошда джокъгъа – юлюш джокъ.
- Тёзгеннге, джабылгъан эшик ачылыр.
- Тиширыусуз юй – отсуз от джагъа.
- Къайтырыкъ эшигинги, къаты уруб чыкъма.
- Къартны сыйын кёрмеген, къартлыгъында сыйлы болмаз.
- Джарашыу сюйген – джалынчакъ.
- Иги адам абынса да, джангылмаз.
- Насыблы элин сюер, насыбсыз кесин сюер.
- Киштикге къанат битсе, чыпчыкъ къалмаз эди.
- Намысы джокъну – дуниясы джокъ.
- Ариу сёз аурууунгу алыр.
- Тас болгъан бычакъны сабы – алтын.
- Берекет берсин деген джерде, берекет болур.
- Бир онгсуз адам адет чыгъарды, деб эштирик тюлсе.
- Аурууну келиую тынч, кетиую – къыйын.
- Арбаз къынгырды да, ийнек сауалмайма.
- Къонакъ кёб келюучю юйню, къазаны отдан тюшмез.
- Сютден ауузу кюйген, суугъа юфгюре эди.
- Акъыллы эркиши атын махтар, акъылсыз эркиши къатынын махтар.
- Ашха уста, юйюнде болсун
- Эшекге миннген – биринчи айыб, андан джыгъылгъан – экинчи айыб.
- Иги сеники эсе да, сюйген кесимикин этеме.
- Акъыл сабырлыкъ берир.
- Иесиз малны бёрю ашар.
- Джукъу тёшек сайламайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тёрени джагъы джокъ.
- Адеби болмагъан къыз – тузсуз хант.
- Тёгюлген тюгел джыйылмайды.
- Окъуусуз билим – джокъ, билимсиз кюнюнг – джокъ.
- Ана кёлю – балада, бала кёлю – талада.
- Хунаны тюбюн къазсанг, юсюнге ауар.
- Байлыкъ тауусулур, билим тауусулмаз.
- Ётюрюкню къуйругъу – бир тутум.
- Джарлы джети элни сёзюн этер.
- Олтуруб кёрюнмей эди да, ёрге туруб кёрюне эди.
- Кёб ант этген, кёб ётюрюк айтыр.
- Тюзню ётмеги тюзде къалса да, тас болмаз.
- Дуния аламаты сен эсенг да, игиме деб айтма.
- Къарт айтханны этмеген, къартаймаз.
- Кюн – узун, ёмюр – къысха.
- Эркиши – от, тиширыу – суу.
- Этни да ашады, бетни да ашады.
- Джумушакъ сёз къаты таякъны сындырыр.
- Хаухну атма, ёнгкючню сатма.
- Къонакъ хазыр болгъанлыкъгъа, къонакъбай хазыр тюлдю.
- Адам туугъан джеринде, ит тойгъан джеринде.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72