- Джангызны оту джарыкъ джанмаз!
- Чабакъгъа акъыл, табагъа тюшсе келеди.
- Эл бла кёргенинг эрелей.
- Насыб бютеу халкъны юлюшюдю.
- Ана кёлю – балада, бала кёлю – талада.
- Гугурук къычырмаса да, тангны атары къалмаз.
- Айырылгъанланы айю ашар, бёлюннгенлени бёрю ашар.
- Къайтырыкъ эшигинги, къаты уруб чыкъма.
- Арпа, будай – ащды, алтын, кюмюш а – ташды.
- Ётюрюкчюню шагъаты – къатында.
- Босагъа таш юйге кирмей эди, тыбыр таш эшикге чыкъмай эди.
- Къарнынг бла ёч алма.
- Алма терегинден кери кетмез.
- Тенгни тенглиги джашай барсанг билинир.
- Арбаз сайлама да, хоншу сайла.
- Ариу сёз аурууунгу алыр.
- Намысы джокъну – дуниясы джокъ.
- Ёксюзню къалачы уллу кёрюнюр.
- Аджалсыз ёлюм болмаз.
- Биреу ашаб къутулур, биреу джалаб тутулур.
- Ёнгкюч къууана барыр, джылай келир.
- Къонакъ болсанг, ийнакъ бол.
- Кёлсюзден сёзсюз тууар.
- Джолунга кёре – джюрюшюнг, джагъанга кёре – юлюшюнг.
- Джиби бир къат джетмей эди да, эки къат тарта эди.
- Ишлемеген – тишлемез.
- Башсыз урчукъ тюзюне айланмаз.
- Ата Джуртча джер болмаз, туугъан элча эл болмаз.
- Акъыл аздырмаз, билим тоздурмаз.
- Ариу сёз – къылычдан джити.
- Окъугъан – асыу, окъумагъан – джарсыу.
- Юреннген ауруу къалмаз.
- Мал тутхан – май джалар.
- Босагъагъа джууукъ орун болса, ашыгъыб тёрге озма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бал ашаргъа сюе эсенг, чибин ургъаннга тёз.
- Миллетни бойну – базыкъ, аны бла кюрешген – джазыкъ.
- Битмегеннге сакъал – танг.
- Ауузу бла къуш тута айланады.
- Билмезни кёзю кёрмез, этмезни къулагъы эшитмез.
- Чёбню кёлтюрсенг, тюбюнден сёз чыгъар.
- Ана къойну – балагъа джандет.
- Къазанда болса, чолпугъа чыгъар.
- Аш кетер да бет къалыр.
- Джыгъылгъанны сырты джерден тоймаз.
- Биреуню къыйынлыгъы бла кесинге джол ишлеме.
- Бетинги сатма, малынгы сат.
- Ашхы адам – халкъ байлыгъы, ашхы джер – джашау байлыгъы.
- Аякъларынгы джууургъанынга кёре узат.
- Тамчы таш тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72