- Джерни букъусу кёкге къонмаз.
- Байлыкъдан саулукъ ашхыды.
- Ариуну – ауруу кёб.
- Тойгъан джерге джети къайт.
- Бичгенде ашыкъма, тикгенде ашыкъ.
- Эм ашхы къайын ана мамукъ бла башынгы тешер.
- Къолунгдан къуймакъ ашатсанг да, атаны борчундан къутулмазса.
- Тас болгъан бычакъны сабы – алтын.
- Джогъун бар этген, барын бал этген.
- Кесине гебен этелмеген, биреуге черен эте эди.
- Юйюнгден чыкъдынг – кюнюнгден чыкъдынг.
- Байлыкъ болгъан джерде, тынчлыкъ джокъду.
- Окъуу – билимни ачхычы, окъуу – дунияны бачхычы.
- Аз сёлешген, къайгъысыз турур.
- Адамны сабийин сюйген джюреги, бычакъча, джитиди.
- Эр сокъур болсун, къатын тилсиз болсун.
- Ашлыкъны арба юйге келтирир, чана базаргъа элтир.
- Аман адам этегингден тутса, кес да къач.
- Эртде тургъан джылкъычыны эркек аты тай табар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Иги болса, тамадама – махтау, аман болса, меннге – айыб.
- Келинин тута билмеген, къул этер, къызын тута билмеген, тул этер.
- Джырчы ёлсе, джыры къалыр.
- Зар адамны насыбы болмаз.
- Чомартны къолун джокълукъ байлар.
- Къыйынлы джети элни къайгъысын этер.
- Аджалсыз ёлюм болмаз.
- Кёзюнде тереги болгъан, чёбю болгъаннга кюле эди.
- Кимни – тили, тиши онглу, кимни – къолу, иши онглу.
- Бети къызарыучу адамны, джюреги харам болмаз.
- Этек чакъмакълары баш джаргъан, сёлешген сёзлери таш джаргъан.
- Эл тойса, тоймагъан, эл къойса, къоймагъан.
- Чыбыкълыкъда бюгюлмеген, къазыкълыкъда бюгюлмей эди.
- Аш хазыр болса, иш харам болур.
- Аманнга да, игиге да оноусуз къатышма.
- Тенгни тенглиги джашай барсанг билинир.
- Къарт айтханны этмеген, къартаймаз.
- Чакъырылмагъан къонакъ къачан кетерин сормаз.
- Аманны эки битли тону болур, бирин сеннге кийдирир, бирин кеси киер.
- Ана – юйню кюн джарыгъы.
- Азыкълы ат арымаз, къатыны аман джарымаз.
- Джашлыкъ этмеген, башлыкъ этмез.
- Минг тенг да азды, бир джау да кёбдю.
- Айтхан сёзюне табылгъан.
- Элни кючю – эмеген.
- Ачлыкъ отха секиртир.
- Намысы болмагъанны, сыйы болмаз.
- Ёлген ийнек сютлю болур.
- Бермеген къол, алмайды.
- Сагъышы джокъ – джукъучу, акъылы джокъ – къаугъачы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72