- Акъыл неден да кючлюдю.
- Тойгъан антын унутур.
- Ач къалгъандан, кеч къалгъан къолай.
- Сабий болмагъан джерде, мёлек болмаз.
- Юй ишлеген балта эшикде къалыр.
- Рысхы – насыбха къор.
- Керти сёзге тёре джокъ.
- Акъылсызны джууукъгъа алма, акъыллыны кенгнге салма.
- Аджаллыгъа окъсуз шкок атылыр.
- Агъач – джерни чырайы, кийим – эрни чырайы.
- Къазанчы аман болса, къазаны къайнамаз.
- Аллахдан тилесенг, кёб тиле.
- Аш кетер да бет къалыр.
- Къыз тиширыу кеси юйюнде да къонакъды.
- Насыблы элин сюер, насыбсыз кесин сюер.
- Тёзген – тёш ашар!
- Эл элде бирер малынг болгъандан эсе, бирер тенгинг болсун.
- Ётген ёмюр – акъгъан суу.
- Ёпкелегенни ашы татлы болады.
- Аджалсыз ёлюм болмаз.
- Кеси юйюмде мен да ханма.
- Тас болгъан бычакъны сабы – алтын.
- Бир онгсуз адам адет чыгъарды, деб эштирик тюлсе.
- Игилик игилик бла сингдирилиучю затды.
- Ёнгкюч къууана барыр, джылай келир.
- Къолунгдан къуймакъ ашатсанг да, атаны борчундан къутулмазса.
- Биреуню тёрюнден, кесинги эшик артынг игиди.
- Билимли ёлмез, билимсиз кёрмез.
- Сагъышы джокъ – джукъучу, акъылы джокъ – къаугъачы.
- Орну джокъну – сыйы джокъ.
- Аман къатын сабий табса, бий болур…
- Кийимни бир кюнню аясанг, минг кюннге джарар.
- Хар сёзню орну барды.
- Джашда акъыл джокъ, къартда къарыу джокъ.
- Джаханимни кёрмей, джандетге кёл салмазса.
- Хансыз джомакъ болмаз.
- Ётюрюк хапар аякъ тюбю бла джюрюйдю.
- Акъыл бла адеб эгизледиле.
- Мен да «сен», дейме, сен да «кесим», дейсе.
- Билимсиз иш бармаз.
- Ишни ахырын ойламай, аллын башлама.
- Ачлыкъда тары гырджын халыуадан татлы.
- Аууздан келген, къолдан келсе, ким да патчах болур эди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чомартха хар кюн да байрамды.
- Джахил болса анасы, не билликди баласы?
- Къазанда болса, чолпугъа чыгъар.
- Адеб джокъда, намыс джокъ.
- Акъыллы айтыр эди, акъылсыз къоймайды.
- Кесине оноу эте билмеген, халкъына да эте билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72