Эльбрусоид :: Форум :: Архив форумов

Къыз тиширыу кеси юйюнде да къонакъды.
Къатын къылыкъсыз, эр тынчлыкъсыз.
Башы джабылгъан челекге, кир тюшмез.
Къобан да къуру да къобханлай турмайды, адам да къуру да патчахлай турмайды.
Аман къатын алгъан, арыр, иги къатын алгъан джарыр.
Термилгенинги табмазса, кюлгенинге тюберсе.
Адамны сыфатына къарама, сёзюне къара.
Биреуню эскиси биреуге джангы болмайды.
Сибиртки да сыйлы болду, кюрек да кюнлю болду.
Келинин тута билмеген, къул этер, къызын тута билмеген, тул этер.
Эрни эр этерик да, къара джер этерик да, тиширыуду.
Аманны къуугъан, аманлыкъ табар.
Хар адамгъа кеси миннген тау кибик.
От кюйдюрген, сау болса да, тот кюйдюрген, сау болмаз.
Ашда – бёрю, ишде – ёлю.
Ач, тоймам, дейди, тойгъан, ач болмам, дейди.
Тёзген – тёш ашар!
Ётюрюкчюню шагъаты – къатында.
Кесинге джетмегенни, кёб сёлешме.
Аш кетер да бет къалыр.
Сангырау къулакъ эл бузар.
Адамны артындан къара сабан сюрме.
Арбаз къынгырды да, ийнек сауалмайма.
Нарт сёз къарт болмаз.
Бозанг болмагъан джерге, къалагъынгы сукъма.
Тёрени джагъы джокъ.
Билим ат болуб да чабар, къуш болуб да учар.
Окъугъан – асыу, окъумагъан – джарсыу.
Кёрмегеннге кебек – танг, битмегеннге сакъал – танг.
Намысы болмагъанны, сыйы болмаз.
Джаш къарыу бла кючлю, къарт акъыл бла кючлю.
Къазанчы аман болса, къазаны къайнамаз.
Садакъачыны джаны – къапчыгъында.
Байны оноуу, джарлыгъа джарамаз.
Байлыкъ келсе, акъыл кетер.
Алтыннга тот къонмаз.
Терек ауса, отунчу – кёб.
Кёб джашагъан – кёб билир.
Кёпюр салгъан кеси ётер, уру къазгъан кеси кетер.
Ишни ахырын ойламай, аллын башлама.
Кёбден умут этиб, аздан къуру къалма.
Адамны аты башхача, акъылы да башхады.
Мураты болгъанны джюрек тебюую башхады.
Ашлыкъны арба юйге келтирир, чана базаргъа элтир.
Атлыны кёрсе, джаяуну буту талыр.
Гырджын – тепсини тамадасы.
Аманнга игилик этсенг, юйюнге сау бармазса.
Ашаса, ашамаса да, бёрюню ауузу – къан.
Рысхы – насыбха къор.
Байлыкъ адамны сокъур этер.

Логин:
Пароль:
	Запомнить меня на этом компьютере

Забыли свой пароль?
Регистрация