- Тенги кёбню джау алмаз, акъылы кёбню дау алмаз.
- Кёб джашагъан – кёб билир.
- Сагъышы джокъ – джукъучу, акъылы джокъ – къаугъачы.
- Халкъны джырын джырласанг, халкъ санга эжиу этер.
- Къралынгы – душмандан, башынгы от бла суудан сакъла.
- Чакъырылмай келген къонакъ сыйланмай кетер.
- Джарлы тюеге минсе да, ит къабар.
- Мал ёлсе, сюек къалыр, адам ёлсе, иши къалыр.
- Аллахха ийнаннган кишини, Аллах онгдурур ишин.
- Адамгъа аман кюн соруб келмейди.
- Тулпарлыкъ, билекден тюл – джюрекден.
- Уллу айтханны этмеген – уллаймаз.
- Ёлюр джаннга, ёкюл джокъ.
- Ашлыкъ – бюртюкден, джюн – тюкден.
- Кюл тюбюндеги от кёрюнмейди.
- Къазанчы аман болса, къазаны къайнамаз.
- Къонакъ хазыр болгъанлыкъгъа, къонакъбай хазыр тюлдю.
- Арба аугъандан сора, джол кёргюзтюучю кёб болур.
- Джашда акъыл джокъ, къартда къарыу джокъ.
- Тойгъанлыкъ къойгъа джарашады.
- Къарт айтханны этмеген, къартаймаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Бойнуму джети джерден кессенг да, мен ол ишни этеллик тюлме.
- Джол бла сёзню къыйыры джокъ.
- Ана – юйню кюн джарыгъы.
- Азыкъ аз болса, эртде орун сал.
- Къумурсхала джыйылсала, пилни да джыгъадыла.
- Сормай – алма, чакъырылмай – барма.
- Ачылгъан эт джабылыр, кёрген кёз унутмаз.
- Хар сёзню орну барды.
- Ач бёрюге мекям джокъ.
- Ёзденликни джайгъан – джокълукъ.
- Джырына кёре эжиую.
- Ата – баланы уясы.
- Ач къалгъандан, кеч къалгъан къолай.
- Элни кючю – эмеген.
- Махтаннган къыз, тойда джукълар.
- Бек ашыкъгъан меннге джетсин, дегенди аракъы.
- Чомарт бергенин айтмаз.
- Къартны бурнун сюрт да, оноугъа тут.
- Ат басханны джер билед.
- Келгинчи, къонакъ уялыр, келгенден сора, къонакъбай уялыр.
- Алгъанда – джууукъ, бергенде – джау.
- Джумушакъ терекни къурт ашар.
- Аджашхан тёгерек айланыр.
- Къар – келтирди, суу – элтди.
- Окъугъанны бети джарыкъ.
- Чомартны къолун джокълукъ байлар.
- Ёлген эшек бёрюден къоркъмайды.
- Намыс болмагъан джерде, насыб болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72