- Ашына кёре табагъы, балына кёре къалагъы.
- Таугъа чыгъаллыкъ эсенг, тюзде къалма.
- Ёзденликни кёбю ётюрюк.
- Aдам боллукъ, сыфатындан белгили.
- Айтылгъан буйрукъ, сёгюлмез
- Къозулугъунда тоймагъан, къойлугъунда тоймаз.
- Бичгенде ашыкъма, тикгенде ашыкъ.
- Билим къая тешер.
- Агъач халкъгъа алтынды, иссиликге салкъынды.
- Игиге айтсанг – билир, аманнга айтсанг – кюлюр.
- Кёб джат да, бек чаб.
- Ёксюзню тилеги къабыл болур.
- Дуния аламаты сен эсенг да, игиме деб айтма.
- Айтхан сёзюне табылгъан.
- Ач да бол, токъ да бол – намысынга бек бол.
- Чомарт къолда мал къалмаз.
- Адамны бетине къарама, адетине къара.
- Джыйырма къойну юч джыйырма эбзе кюте эди.
- Айран тёгюлсе, джугъусу къалыр.
- Джангызны оту джарыкъ джанмаз!
- Билгенни къолу къарны джандырыр.
- Окъугъан – асыу, окъумагъан – джарсыу.
- Мухар, кеси тойса да, кёзю тоймаз.
- Бёрю да ач къалмасын, эчки да ашалмасын.
- Узун джолну барсанг, бюгюн келирсе, къысха джолну барсанг, тамбла келирсе.
- Уллу суу бла уллу ауруудан башынгы сакъла.
- Эл ауузу – элек, анга ийнаннган – халек.
- Айранын берсенг, челегин да къызгъанма.
- Къайгъыны сюйген, къайгъы табар.
- Джарашыу сюйген – джалынчакъ.
- Эр сокъур болсун, къатын тилсиз болсун.
- Кимни – тили, тиши онглу, кимни – къолу, иши онглу.
- Къан бла кирген, джан бла чыгъар.
- Сагъышы джокъ – джукъучу, акъылы джокъ – къаугъачы.
- Ишлегенде эринме, ишде чолакъ кёрюнме.
- Таукел къуру къалмаз.
- Юйюнгден чыкъдынг – кюнюнгден чыкъдынг.
- Джарлы тюеге минсе да, ит къабар.
- Ашда уялгъан – мухар, ишде уялгъан – хомух.
- Ашхы сёз таш тешер.
- Гыдай эчки суугъа къараб, мюйюзле кёрмесе, джашма алкъын, дегенди.
- «Ма», - дегенни билмесенг, «бер», - дегенни билмезсе.
- Джумушакъ терекни къурт ашар.
- Сабий болмагъан джерде, мёлек болмаз.
- Ханы къызы буюгъа-буюгъа киштик болду.
- Билмейме деген – бир сёз
- Кийимни бичсенг, кенг бич, тар этген къыйын тюлдю.
- Арпа, будай – ащды, алтын, кюмюш а – ташды.
- Аманны эки битли тону болур, бирин сеннге кийдирир, бирин кеси киер.
- Ариуну – ауруу кёб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72