Эльбрусоид :: Форум :: Архив форумов

Чакъырылмагъан къонакъ къачан кетерин сормаз.
Бастасын ашагъан, хантусун да ичер.
Кёзюнде тереги болгъан, чёбю болгъаннга кюле эди.
Мухар, кеси тойса да, кёзю тоймаз.
Эшекни не къадар тюйсенг да, ат болмаз.
Кёзю сокъурдан – къоркъма, кёлю сокъурдан – къоркъ.
Ётюрюкден тюбю джокъ, кёлтюрюрге джиби джокъ.
Къая джолда джортма, ачыкъ сёзден къоркъма.
Тенгинг джокъ эсе – изле, бар эсе – сакъла!
Башы джабылгъан челекге, кир тюшмез.
Чарсда алчыны эл кёреди.
Бермеген къол, алмайды.
Аш берме да, къаш бер.
Ач – эснер, ат – кишнер.
Махтаннган къыз, тойда джукълар.
Айтхан сёзюне табылгъан.
Ауругъан – джашаудан умутчу.
Ашха уста, юйюнде болсун
Адебни адебсизден юрен.
Уясында не кёрсе, учханында аны этер.
Къан бла кирген, джан бла чыгъар.
Минг тенг да азды, бир джау да кёбдю.
Биреуге кёлтюрген таягъынг, кесинги башынга урур.
Къыз чыгъаргъан – къызыл къымжа.
Аманнга да, игиге да оноусуз къатышма.
Ашаса, ашамаса да, бёрюню ауузу – къан.
Аджаллыгъа окъсуз шкок атылыр.
Къарт айтханны этмеген, къартаймаз.
Насыб бютеу халкъны юлюшюдю.
Бал – татлы, балдан да бала – татлы.
Ана къойну – балагъа джандет.
Тенги кёбню джау алмаз, акъылы кёбню дау алмаз.
Эли джокъну – кёлю джокъ.
Кёбге таш атма.
Джюрекге ариу – кёзге да ариу.
Ачыу алгъа келсе, акъыл артха къалады.
Аууз сакълагъан – джан сакълар.
Орну джокъну – сыйы джокъ.
Кёб джат да, бек чаб.
Иги болса, тамадама – махтау, аман болса, меннге – айыб.
Аз сёлеш, кёб ишле.
Хар сёзню орну барды.
Ким бла джюрюсенг, аны кёзю бла кёрюнюрсе.
Экеулен сёлеше тура эселе, орталарына барыб кирме.
Кёз – сюйген джерде, къол – ауругъан джерде.
Ёгюзню мюйюзюнден тутадыла, адамны сёзюнден тутадыла.
Атынг аманнга чыкъгъандан эсе, джанынг тамагъынгдан чыкъсын.
Джан саулукъ бермей, сан саулукъ бермезсе.
Мени джылытмагъан кюн, меннге тиймесин!
Эркиши – от, тиширыу – суу.

Логин:
Пароль:
	Запомнить меня на этом компьютере

Забыли свой пароль?
Регистрация