- Юйюнг бла джау болгъандан эсе, элинг бла джау бол.
- Байлыкъ адамны сокъур этер.
- Эрине къаргъыш этген къатын, эрнин къабар.
- Харам къарнашдан, халал тенг ашхы.
- Сютден ауузу кюйген, суугъа юфгюре эди.
- Мени джылытмагъан кюн, меннге тиймесин!
- Терслик кетер, тюзлюк джетер.
- Башы ишлегенни, ауузу да ишлер.
- Къазанда болса, чолпугъа чыгъар.
- Тин – байлыгъынг, терен саулугъунг.
- Ёлюр джаннга, ёкюл джокъ.
- Ач келгенни – тойдур, кеч келгенни – къондур.
- Хатерли къул болур.
- Акъыл неден да кючлюдю.
- Уллу айтханны этмеген – уллаймаз.
- Иги джашны ышаны – аз сёлешиб, кёб тынгылар.
- Таш ата билмеген, башына урур.
- Сёз – кюмюш, джыр – алтын.
- Къонакъны къачан кетерин сорма, къачан келлигин сор.
- Кимни – тили, тиши онглу, кимни – къолу, иши онглу.
- Насыб бютеу халкъны юлюшюдю.
- Адеб базарда сатылмаз.
- Эл ауузу – элия.
- Бойнуму джети джерден кессенг да, мен ол ишни этеллик тюлме.
- Кютгени беш эчки, сызгъыргъаны уа, джерни джарады.
- Чомартны къолун джокълукъ байлар.
- Джети тилни билген джети кишиди.
- Кёлю джокъну – джолу джокъ.
- Тюзню ётмеги тюзде къалса да, тас болмаз.
- Ач къарным, тынч къулагъым.
- Арыгъан къош чамчы болур.
- Уллу къазанда бишген эт, чий къалмаз.
- Эски джаугъа ышанма.
- Ата Джуртун танымагъан, атасын да танымаз.
- Таукел тауну аудурур.
- Ариуну – ауруу кёб.
- Джаш къарыу бла кючлю, къарт акъыл бла кючлю.
- Ашын ашагъанынгы, башын да сыйла.
- Зар адам ашынгы ашар, кесинги сатар.
- Ким бла джюрюсенг, аны кёзю бла кёрюнюрсе.
- Гыдай эчки суугъа къараб, мюйюзле кёрмесе, джашма алкъын, дегенди.
- Этим кетсе да, сюегим къалыр.
- Сабий кёргенин унутмаз.
- Кюл тюбюндеги от кёрюнмейди.
- Алим болгъандан эсе, адам болгъан къыйынды.
- Ойнай-ойнай кёз чыгъар.
- Келинин тута билмеген, къул этер, къызын тута билмеген, тул этер.
- Ёгюзню мюйюзюнден тутадыла, адамны сёзюнден тутадыла.
- Гитче джилтин уллу элни джандырыр.
- Ханы къызы буюгъа-буюгъа киштик болду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72