- Чабакъсыз кёлге къармакъ салгъанлыкъгъа, чабакъ тутмазса.
- Борчунг бар эсе, хурджунунга ойлаб узал.
- Намысы болмагъанны, сыйы болмаз.
- Къайгъыны сюйген, къайгъы табар.
- Оюмсуз атлагъан, аджалсыз ёлюр.
- Мени джылытмагъан кюн, меннге тиймесин!
- Эшекни не къадар тюйсенг да, ат болмаз.
- Чарсда алчыны эл кёреди.
- Хазыр ашха – терен къашыкъ.
- Ашхы болсанг, атынг чыгъар, аман болсанг, джанынг чыгъар.
- Арбаз сайлама да, хоншу сайла.
- Таугъа чыгъаллыкъ эсенг, тюзде къалма.
- Кёзю сокъурдан – къоркъма, кёлю сокъурдан – къоркъ.
- Тилчи бир сагъатха айлыкъ хата этер.
- Айранны сюйген, ийнек тутар.
- Тамчы таш тешер.
- Сангырау къулакъ эл бузар.
- Чомарт бергенин айтмаз.
- Аман хансны – урлугъу кёб.
- Тёгюлген тюгел джыйылмайды.
- Ашыкъгъанны этеги бутуна чырмалыр.
- Сабий кёргенин унутмаз.
- Тюкюрюк баш джармаз, налат кёз чыгъармаз!
- Тилде сюек болмаса да, сюек сындырыр.
- Ариу сёз – джаннга азыкъ, аман сёз – башха къазыкъ.
- Ишни аллы бла къууанма да, арты бла къууан.
- Мадар болса, къадар болур.
- Джашлыкъ этмеген, башлыкъ этмез.
- Джарлы эскисин джамаса, къууаныр.
- Джаханимни кёрмей, джандетге кёл салмазса.
- Байлыкъ тауусулур, билим тауусулмаз.
- Ёлген ийнек сютлю болур.
- Джылар джаш, атасыны сакъалы бла ойнар.
- Зар адамны насыбы болмаз.
- Къыз чыгъаргъан – къызыл къымжа.
- Эм ашхы къайын ана мамукъ бла башынгы тешер.
- Тил бла келеди джыр да.
- Термилгенинги табмазса, кюлгенинге тюберсе.
- Илму – джашауну джолу.
- Сабийликде юретмесенг, уллу болса – тюзелмез.
- Къонакъ болсанг, ийнакъ бол.
- Уллу суу бла уллу ауруудан башынгы сакъла.
- Кютгени беш эчки, сызгъыргъаны уа, джерни джарады.
- Кёб джат да, бек чаб.
- Суу ичген шауданынга тюкюрме.
- Башсыз урчукъ тюзюне айланмаз.
- Къоркъакъны кёзю экили кёрюр.
- Билген билмегенни юретген адетди.
- Чыбыкълыкъда бюгюлмеген, къазыкълыкъда бюгюлмей эди.
- Къазанда болса, чолпугъа чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72