- Рысхысына кёре, джаш ёсер, къышлыгъына кёре, мал ёсер.
- Ариу сёз – къылычдан джити.
- Къар – келтирди, суу – элтди.
- Эринчекге кюн узун.
- Кесинге джетмегенни, кёб сёлешме.
- Халкъны джырын джырласанг, халкъ санга эжиу этер.
- Атынг аманнга чыкъгъандан эсе, джанынг тамагъынгдан чыкъсын.
- Къулакъдан эсе, кёзге ышан.
- Чомартха Тейри да борчлуду.
- Чыкълы кюнде чыкъмагъан, чыкъса къуру кирмеген.
- Айтылгъан буйрукъ, сёгюлмез
- Адебсиз адам – джюгенсиз ат.
- Болджал ишни бёрю ашар.
- Ата Джуртча джер болмаз, туугъан элча эл болмаз.
- Адам туугъан джеринде, ит тойгъан джеринде.
- Ашха уста, юйюнде болсун
- Джигер – джаннга къыйынлыкъ.
- Башсыз урчукъ тюзюне айланмаз.
- Тели турса – той бузар.
- Аман киши кеси юйюнде – къонакъ.
- Оюмсуз атлагъан, аджалсыз ёлюр.
- Келинни – келгинчи, бёркню кийгинчи кёр.
- Джангыз торгъай джырламаз.
- Сыфатында болмагъаны, суратында болмаз.
- Ашхы атаны – джашы ашхы, ашхы ананы – къызы ашхы.
- Джарлыны тону джаз битер.
- Ётюрюкчюню шагъаты – къатында.
- Акъыл къартда, джашда тюйюлдю – башдады.
- Ишге юренсин къоллары, халкъ бла болсун джоллары.
- Нарт сёз – тилни бети.
- Алтыда кюлмеген, алтмышда кюлмез.
- Эки итни арасына сюек атма, эки адамны арасында сёз чыгъарма.
- Эркишини аманы тиширыуну джылатыр.
- Тойну къарнашы – харс, джырны къарнашы – эжиу.
- Зар адамны насыбы болмаз.
- Къарын къуру болса, джюрек уру болур.
- Чарсда алчыны эл кёреди.
- Сабий болмагъан джерде, мёлек болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Урунуу – насыбны анасы.
- Ач уят къоймаз.
- Къонакъ болсанг, ийнакъ бол.
- Сёз садакъдан кючлюдю.
- Садакъачыны джаны – къапчыгъында.
- Джюрекге ариу – кёзге да ариу.
- Тёрдеги кюлсе, эшикдеги ышарыр.
- Кенгеш болса, уруш болмаз.
- Тёзгеннге, джабылгъан эшик ачылыр.
- Танг атмайма десе да, кюн къоярыкъ тюйюлдю.
- Мени джылытмагъан кюн, меннге тиймесин!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72