- Къызын тута билмеген, тул этер, джашын тута билмеген, къул этер.
- Айныгъанлы алты кюн, тогъайгъанлы тогъуз кюн.
- Къуллукъчума, деб махтанма, къуллукъ – хаух джамчыды!
- Ишлегенде эринме, ишде чолакъ кёрюнме.
- Тойгъан антын унутур.
- Аууздан келген, къолдан келсе, ким да патчах болур эди.
- Кёб къычыргъандан – къоркъма, тынч олтургъандан – къоркъ.
- Къыз тиширыу кеси юйюнде да къонакъды.
- Тенгни тенглиги джашай барсанг билинир.
- Адамны сабийин сюйген джюреги, бычакъча, джитиди.
- Юй кюйдю да, кюйюз чыкъды, ортасындан тюйюш чыкъды.
- Къобан да къуру да къобханлай турмайды, адам да къуру да патчахлай турмайды.
- Уллу айтханны этмеген – уллаймаз.
- Къыз келсе, джумуш эте келеди, къатын келсе, ушакъ эте келеди.
- Башланнган иш битер, къымылдагъан тиш тюшер.
- Окъугъан – асыу, окъумагъан – джарсыу.
- Тили узунну, намысы – къысха.
- Намысы болмагъанны, сыйы болмаз.
- Аш иеси бла татлыды.
- Келлик заман – къартлыкъ келтирир, кетген заман – джашлыкъ ёлтюрюр.
- Элде адам къалмаса, ит тахтагъа минер.
- Тёрде – темир таякълы, къаяда – чыпчыкъ аякълы.
- Кёрмегеннге кебек – танг, битмегеннге сакъал – танг.
- Аджашхан тёгерек айланыр.
- Таякъ этден ётер, тил сюекден ётер.
- Ата – баланы уясы.
- Кёл ашады да, кеси ашады.
- Сакъалы текени да бар, мыйыгъы киштикни да бар.
- Байдан умут эте, джарлыдан ёгюз багъасы къорады.
- Кёзню ачылгъаны – иги, ауузну джабылгъаны – иги.
- Адебсиз адам – джюгенсиз ат.
- Элге къуллукъ этмеген, элге ие болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Къралынгы – душмандан, башынгы от бла суудан сакъла.
- От этилмеген джерден тютюн чыкъмайды.
- Мал тутхан – май джалар.
- Эрине къаргъыш этген къатын, эрнин къабар.
- Кёб джашагъан – кёб билир.
- Бозаны арты дауур болур.
- Аз сёлешген, къайгъысыз турур.
- Эркиши – от, тиширыу – суу.
- Хата – гитчеден.
- Эшекни не къадар тюйсенг да, ат болмаз.
- Аман эсирсе, юйюн ояр.
- Адеб этмеген, адеб кёрмез.
- Джигер – джаннга къыйынлыкъ.
- Телини эшигин, махтау джабар.
- Джаралыны джастыгъында сау ёлюр.
- Аман киши кеси юйюнде – къонакъ.
- Чакъырылмагъан къонакъ – орунсуз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72