- Уллу къазанда бишген эт, чий къалмаз.
- Къобан да къуру да къобханлай турмайды, адам да къуру да патчахлай турмайды.
- Тюзню ётмеги тюзде къалса да, тас болмаз.
- Татлы тилде – сёз ариу, чемер къолда – иш ариу.
- Тёзген – тёш ашар!
- Акъыллы – эл иеси, тели – эл баласы.
- Эринчекге кюн узун.
- Терслик кетер, тюзлюк джетер.
- Джарашыу сюйген – джалынчакъ.
- Тамчы таш тешер.
- Къарт айтханны этмеген, къартаймаз.
- Ашарыкъда сайлагъаннга – чий гырджын.
- Ач къарынны, токъ билмез
- Чомартны къолу берекет.
- Нарт сёз къарт болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Къонагъынгы артмагъын алма да, алгъышын ал.
- Джылкъыдан – ат чыгъар, тукъумдан – джаш чыгъар.
- Ашда уялгъан – мухар, ишде уялгъан – хомух.
- Айтхан сёзюне табылгъан.
- Аллахха ийнаннган кишини, Аллах онгдурур ишин.
- Азыкълы ат арымаз, къатыны аман джарымаз.
- Тёрде – темир таякълы, къаяда – чыпчыкъ аякълы.
- Тиширыусуз юй – отсуз от джагъа.
- Насыблы элин сюер, насыбсыз кесин сюер.
- Тыш элде солтан болгъандан эсе, кесинги элде олтан болгъан игиди!
- Айранын берсенг, челегин да къызгъанма.
- Малны кют, джерни тюрт.
- Ачыкъ джюрекге джол – ачыкъ.
- Бал ашаргъа сюе эсенг, чибин ургъаннга тёз.
- Ёмюрлюк шохлукъну джел элтмез.
- Къайгъыны сюйген, къайгъы табар.
- Сыфатында болмагъаны, суратында болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джыйырма къойну юч джыйырма эбзе кюте эди.
- Ач да бол, токъ да бол – намысынга бек бол.
- Джигер – джаннга къыйынлыкъ.
- Ач отунчуну ачыуу – бурнунда.
- Ёлген эшек бёрюден къоркъмайды.
- Иги адам абынса да, джангылмаз.
- Юйюнгден чыкъдынг – кюнюнгден чыкъдынг.
- Эки итни арасына сюек атма, эки адамны арасында сёз чыгъарма.
- Тулпарлыкъ, билекден тюл – джюрекден.
- Арба аугъандан сора, джол кёргюзтюучю кёб болур.
- Ётюрюкню къуйругъу – бир тутум.
- Къан бла кирген, джан бла чыгъар.
- Байлыкъ келсе, акъыл кетер.
- Мураты болгъанны джюрек тебюую башхады.
- Ариу джол аджал келтирмез.
- Окъугъанны бети джарыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72