- Биреуню тёрюнден, кесинги эшик артынг игиди.
- Къошда джокъгъа – юлюш джокъ.
- Термилгенинги табмазса, кюлгенинге тюберсе.
- Къонакъ кёб келюучю юйню, къазаны отдан тюшмез.
- Тил – миллетни джаны.
- Тау башында, тау болмаз, джангыз терек, бау болмаз.
- Ач келгенни – тойдур, кеч келгенни – къондур.
- Уллу атлама – абынырса, уллу къабма – къарылырса.
- Шекер бла туз – бир болмаз, ушамагъан – юй болмаз.
- Къайгъы тюбю – тенгиз.
- Тилде сюек болмаса да, сюек сындырыр.
- Тюкюрюк баш джармаз, налат кёз чыгъармаз!
- Эшекге миннген – биринчи айыб, андан джыгъылгъан – экинчи айыб.
- Ашатыргъа иш – ашхы, ишлетирге аш – ашхы.
- Бети бедерден, намыс сакълама.
- Намыс сатылыб алынмайды.
- Ач, тоймам, дейди, тойгъан, ач болмам, дейди.
- Ауузу аманнга «иги», деме.
- Байлыкъ адамны сокъур этер.
- Бек ашыкъгъан меннге джетсин, дегенди аракъы.
- Башсыз урчукъ тюзюне айланмаз.
- Джыйырма къойну юч джыйырма эбзе кюте эди.
- Адам сёзге тынгыла, акъыл сёзню ангыла.
- Кёзню ачылгъаны – иги, ауузну джабылгъаны – иги.
- Юйлю уругъа ит чабмаз.
- Ёгюзню мюйюзюнден тутадыла, адамны сёзюнден тутадыла.
- Ариу сёз джыланны орнундан чыгъарыр.
- Билгенни къолу къарны джандырыр.
- Биреуге аманлыкъны тилеме да, кесинге ашхылыкъны тиле.
- Аш хазыр болса, иш харам болур.
- Тойгъан джерден туугъан джер игиди.
- Тойгъан джерге джети къайт.
- Кирсизни – саны таза, халалны – къаны таза.
- Байлыкъ келсе, акъыл кетер.
- Таукел къуру къалмаз.
- Тынгылагъан тынгы бузар.
- Тёрдеги кюлсе, эшикдеги ышарыр.
- Игиге айтсанг – билир, аманнга айтсанг – кюлюр.
- Къонагъынгы артмагъын алма да, алгъышын ал.
- Баш – акъыл ючюн, акъылман – халкъ ючюн.
- Ач къалгъандан, кеч къалгъан къолай.
- Мал ёлсе, сюек къалыр, адам ёлсе, иши къалыр.
- Тойгъан антын унутур.
- Чакъырылмагъан къонакъ – орунсуз.
- Ариу – кёзге, акъыл – джюрекге.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёлген эшек бёрюден къоркъмайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Элиб деген, элге болушур.
- Ашха уста, юйюнде болсун
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72