- Кёб джашагъан – кёб билир.
- Ётюрюкню къуйругъу – бир тутум.
- Азыкъ аз болса, эртде орун сал.
- Къарт айтханны этмеген, къартаймаз.
- Накъырда – кертини келечиси.
- Тюзню ётмеги тюзде къалса да, тас болмаз.
- Кёб ант этген, кёб ётюрюк айтыр.
- Джашны джигитлиги сорулур, къызны джигерлиги сорулур.
- Мал ёлсе, сюек къалыр, адам ёлсе, иши къалыр.
- Ойнай-ойнай кёз чыгъар.
- Акъыллы – эл иеси, тели – эл баласы.
- Терслик кетер, тюзлюк джетер.
- Къошда джокъгъа – юлюш джокъ.
- Сагъышы джокъ – джукъучу, акъылы джокъ – къаугъачы.
- Байдан умут эте, джарлыдан ёгюз багъасы къорады.
- Бек анасы джыламаз.
- Игини сыйлагъан адетди.
- Чабакъ башындан чирийди.
- Ишге юренсин къоллары, халкъ бла болсун джоллары.
- Дженгил джетерикме деб, узун джолну къоюб, къысхасын барма.
- Алтыда кюлмеген, алтмышда кюлмез.
- Ёлюр джаннга, ёкюл джокъ.
- Экиндини кеч къылсанг, чабыб джетер ашхам.
- Къарнынг тойгъунчу аша да, белинг талгъынчы ишле.
- Биреу къой излей, биреу той излей.
- Къартны бурнун сюрт да, оноугъа тут.
- Тау башында, тау болмаз, джангыз терек, бау болмаз.
- Ат басханны джер билед.
- Айырылгъанланы айю ашар, бёлюннгенлени бёрю ашар.
- Игиге айтсанг – билир, аманнга айтсанг – кюлюр.
- Аз сёлешген, къайгъысыз турур.
- Тилчиден кери бол.
- Тёзген – тёш ашар!
- Тойгъа барсанг, тоюб бар, эски тонунгу къоюб бар.
- Ач уят къоймаз.
- Юре билмеген ит, къонакъ келтирир.
- Битмегеннге сакъал – танг.
- Ач къарным, тынч къулагъым.
- Аджаллыгъа окъсуз шкок атылыр.
- Тил джюрекге джол ишлейди.
- Джуртун къоругъан озар.
- Бети къызарыучу адамны, джюреги харам болмаз.
- Джаш къарыу бла кючлю, къарт акъыл бла кючлю.
- Джырчы джырчыгъа – къарнаш.
- Башсыз урчукъ тюзюне айланмаз.
- Адам сёзге тынгыла, акъыл сёзню ангыла.
- Къобан да къуру да къобханлай турмайды, адам да къуру да патчахлай турмайды.
- Сёз – кюмюш, джыр – алтын.
- Уясында не кёрсе, учханында аны этер.
- Тешик этген тынчды, аны джамагъан къыйынды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72