- Байлыкъдан саулукъ ашхыды.
- Адам къыйынлыгъын кёлтюрюр, зауукълугъун кёлтюрмез.
- Оюмсуз атлагъан, аджалсыз ёлюр.
- Къарт болгъан джерде, берекет болур, сабий болгъан джерде, оюн болур.
- Арба аугъандан сора, джол кёргюзтюучю кёб болур.
- Аманны эки битли тону болур, бирин сеннге кийдирир, бирин кеси киер.
- Джети тилни билген джети кишиди.
- Эртде тургъан бла эртде юйленнген сокъуранмаз.
- Биреу къой излей, биреу той излей.
- Хар зат кесини орнуна иги.
- Ауузу бла къуш тута айланады.
- Айыбны суу бла джууалмазса.
- Къонагъы джокъну – шоху джокъ.
- Сыфатында болмагъаны, суратында болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашын ашагъанынгы, башын да сыйла.
- Тиширыусуз юй – отсуз от джагъа.
- Нёгерсизни джолу узун.
- Чомарт къолда мал къалмаз.
- Кёлю джокъну – джолу джокъ.
- Биреуню эскиси биреуге джангы болмайды.
- Сагъыш – къартлыкъгъа сюйюмчю.
- Тёзген – тёш ашар!
- Кёб джат да, бек чаб.
- Эл ауузу – элия.
- Шапа кёб болса, аш татымсыз болур.
- Кёб джашагъан – кёб билир.
- Ким бла джюрюсенг, аны кёзю бла кёрюнюрсе.
- Бал ашаргъа сюе эсенг, чибин ургъаннга тёз.
- Башланнган иш битер, къымылдагъан тиш тюшер.
- Артына баргъанны, къатына барма.
- Арбаз къынгырды да, ийнек сауалмайма.
- Чыбыкълыкъда бюгюлмеген, къазыкълыкъда бюгюлмей эди.
- Ойнай-ойнай кёз чыгъар.
- Билгенни къолу къарны джандырыр.
- Ичимден чыкъды хата, къайры барайым сата?
- Aдам боллукъ, сыфатындан белгили.
- Джиби бир къат джетмей эди да, эки къат тарта эди.
- Ёмюрлюк шохлукъну джел элтмез.
- Азыкълы ат арымаз, къатыны аман джарымаз.
- Айранны сюйген, ийнек тутар.
- Суу да къайтады чыкъгъан джерине.
- Минг тенг да азды, бир джау да кёбдю.
- Окъ къызбайны джокълайды.
- Окъугъан озар, окъумагъан тозар.
- Телиге акъыл салгъандан эсе, ёлгеннге джан салырса.
- Ач отунчуну ачыуу – бурнунда.
- Мал тутхан – май джалар.
- Эм уллу байлыкъ – джан саулукъ.
- Ач бёрюге мекям джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72