- Сагъышы джокъ – джукъучу, акъылы джокъ – къаугъачы.
- Адамгъа аман кюн соруб келмейди.
- Кёзю сокъурдан – къоркъма, кёлю сокъурдан – къоркъ.
- Арбаз сайлама да, хоншу сайла.
- Къанны къан бла джуума, аманны аман бла къуума.
- Башсыз урчукъ тюзюне айланмаз.
- Джюрекге ариу – кёзге да ариу.
- Сёз – кюмюш, джыр – алтын.
- Таугъа чыгъаллыкъ эсенг, тюзде къалма.
- Аман адам этегингден тутса, кес да къач.
- Бал чибинни ургъаны – ачы, балы – татлы.
- Чакъырылмай келген къонакъ сыйланмай кетер.
- Алтыда кюлмеген, алтмышда кюлмез.
- Къан бла кирген, джан бла чыгъар.
- Ашлыкъны арба юйге келтирир, чана базаргъа элтир.
- Джаш болсун, къыз болсун, акъылы, саны тюз болсун.
- Рысхы – сют юсюнде кёмюк кибикди.
- Ана къойну – балагъа джандет.
- Кютгени беш эчки, сызгъыргъаны уа, джерни джарады.
- Кёкдеги болмаса, джердегин кёрмейди.
- Ашхы болсанг, атынг чыгъар, аман болсанг, джанынг чыгъар.
- Ачлыкъ отха секиртир.
- Иги адам абынса да, джангылмаз.
- Этек чакъмакълары баш джаргъан, сёлешген сёзлери таш джаргъан.
- Къарнынг бла ёч алма.
- Билими азны – ауузунда кирит.
- Сабийликде юретмесенг, уллу болса – тюзелмез.
- Огъурлуну сёзю – суу, огъурсузну сёзю – уу.
- Келинни – келгинчи, бёркню кийгинчи кёр.
- Эркишиге тары кебек танг кёрюнюр.
- Рысхысына кёре, джаш ёсер, къышлыгъына кёре, мал ёсер.
- Билмейме деген – бир сёз
- Адам сёзге тынгыла, акъыл сёзню ангыла.
- Иги джашны ышаны – аз сёлешиб, кёб тынгылар.
- Эли джокъну – кёлю джокъ.
- Шайтан алдады, тюзлюк къаргъады.
- Ёлмесенг да, къарт дамы болмазса?
- Адеб джокъда, намыс джокъ.
- Минг тенг да азды, бир джау да кёбдю.
- Тенгинг джокъ эсе – изле, бар эсе – сакъла!
- Акъыл къартда, джашда тюйюлдю – башдады.
- Эки элинги тыйсанг, джети элде махталырса.
- Иги болса, тамадама – махтау, аман болса, меннге – айыб.
- Чабар ат – джетген къыз.
- Байлыкъдан саулукъ ашхыды.
- Билмегенинги, билгеннге сор.
- Адам туугъан джеринде, ит тойгъан джеринде.
- Ашына кёре табагъы, балына кёре къалагъы.
- Эл ауузу – элия.
- Арбаз къынгырды да, ийнек сауалмайма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72