- Билимсиз иш бармаз.
- Душманны тышы – акъ, ичи – къара.
- Байлыкъ болгъан джерде, тынчлыкъ джокъду.
- Эки элинги тыйсанг, джети элде махталырса.
- Сууда джау джокъ, кёб сёзде магъана джокъ.
- Тёгюлген тюгел джыйылмайды.
- Билеги кючлю, бирни джыгъар, билими кючлю, мингни джыгъар.
- Кёбню кёрген – кёб билир.
- Оюмсуз атлагъан, аджалсыз ёлюр.
- Сагъышы джокъ – джукъучу, акъылы джокъ – къаугъачы.
- Тил – миллетни джаны.
- Адеб базарда сатылмаз.
- Ашаса, ашамаса да, бёрюню ауузу – къан.
- Тойгъандан сора, ашны сёкме.
- Ашда – бёрю, ишде – ёлю.
- Нафысынгы айтханын этме, намысынгы айтханын эт.
- Эли джокъну – кёлю джокъ.
- Чалманны аллы къалай башланса, арты да алай барады.
- Башда акъыл болмаса, эки аякъгъа кюч джетер.
- Джарлыны эшигин махтагъан джабар.
- Рысхы – сют юсюнде кёмюк кибикди.
- Окъуу – билимни ачхычы, окъуу – дунияны бачхычы.
- Чомартха хар кюн да байрамды.
- Таула не мийик болсала да, аууш табылыр.
- Эки итни арасына сюек атма, эки адамны арасында сёз чыгъарма.
- Къонагъы джокъну – шоху джокъ.
- Атынг аманнга чыкъгъандан эсе, джанынг тамагъынгдан чыкъсын.
- Таукел къуру къалмаз.
- Къозулугъунда тоймагъан, къойлугъунда тоймаз.
- Алим болгъандан эсе, адам болгъан къыйынды.
- Эри аманны, къатыны – аман.
- Къалгъан ишге къар джауар.
- Иесиз малны бёрю ашар.
- Иги сёз – джаннга азыкъ, аман сёз башха – къазыкъ.
- Эл элде бирер малынг болгъандан эсе, бирер тенгинг болсун.
- Аман адамны тепсинге олтуртсанг, къызынгы тилер.
- Башы ишлегенни, ауузу да ишлер.
- Аш берме да, къаш бер.
- Джангызны оту джарыкъ джанмаз!
- Къан бла кирген, джан бла чыгъар.
- Шекер бла туз – бир болмаз, ушамагъан – юй болмаз.
- Тешигини къатында, чычхан да батыр болур.
- Къызбайны юйюне дери сюрсенг, батыр болур.
- Тай асырагъан, атха минер.
- Арбаз сайлама да, хоншу сайла.
- Ата Джуртун танымагъан, атасын да танымаз.
- Къралынгы – душмандан, башынгы от бла суудан сакъла.
- Ана къойну – балагъа джандет.
- Босагъагъа джууукъ орун болса, ашыгъыб тёрге озма.
- Тамбла алтындан бюгюн багъыр ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72