- Къыйынлы джети элге оноу этер.
- Уруну арты – къуру.
- Байлыкъ адамны сокъур этер.
- Билгенни къолу къарны джандырыр.
- Тойчу джашха къарама, къойчу джашха къара.
- Кёкдеги болмаса, джердегин кёрмейди.
- Мухардан ач ычхынмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Аман адамны тепсинге олтуртсанг, къызынгы тилер.
- Тилсиз миллет джокъ болур.
- Бети бедерден, намыс сакълама.
- Джерни букъусу кёкге къонмаз.
- Ёксюзню къалачы уллу кёрюнюр.
- Айырылмаз джууугъунга, унутмаз сёзню айтма.
- Душманны тышы – акъ, ичи – къара.
- Ишлегенден, къарагъан уста.
- Эм уллу байлыкъ – джан саулукъ.
- Азыгъы аз, алгъа къабар, аты аман, алгъа чабар.
- Мал ёлсе, сюек къалыр, адам ёлсе, иши къалыр.
- Аман киши кеси юйюнде – къонакъ.
- Къуру гыбыт бек дыгъырдар.
- Къыз чыгъаргъан – къызыл къымжа.
- Тас болгъан бычакъны сабы – алтын.
- Адамны адамлыгъы къыйынлыкъда айгъакъланады.
- Къайгъы тюбю – тенгиз.
- Къанны къан бла джуума, аманны аман бла къуума.
- Тай асырагъан, атха минер.
- Телиге акъыл салгъандан эсе, ёлгеннге джан салырса.
- Минг тенг да азды, бир джау да кёбдю.
- Суу кетер, таш къалыр.
- Тамбла алтындан бюгюн багъыр ашхы.
- Къыйынлы джети элни къайгъысын этер.
- Сютню башын джалагъан къутулур, тюбюн ичген тутулур.
- Нёгерсизни джолу узун.
- Игилик игилик бла сингдирилиучю затды.
- Оюмсуз атлагъан, аджалсыз ёлюр.
- Чомарт джарлы болмаз.
- Босагъагъа джууукъ орун болса, ашыгъыб тёрге озма.
- Ариу сёз – къылычдан джити.
- Атлыны кёрсе, джаяуну буту талыр.
- Аууз сакълагъан – джан сакълар.
- Бети – къучакълар, джюреги – бычакълар.
- Ашлыкъ – бюртюкден, джюн – тюкден.
- Чарсда алчыны эл кёреди.
- Ётюрюкден тюбю джокъ, кёлтюрюрге джиби джокъ.
- Къайтырыкъ эшигинги, къаты уруб чыкъма.
- Кёб къычыргъандан – къоркъма, тынч олтургъандан – къоркъ.
- Джарлыны тону джаз битер.
- Ашха уста, юйюнде болсун
- Билим къая тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72