- Кёб къычыргъандан – къоркъма, тынч олтургъандан – къоркъ.
- Ач, тоймам, дейди, тойгъан, ач болмам, дейди.
- Джыгъылгъанны сырты джерден тоймаз.
- Ёнгкюч къууана барыр, джылай келир.
- Чыкълы кюнде чыкъмагъан, чыкъса къуру кирмеген.
- От кюйдюрген, сау болса да, тот кюйдюрген, сау болмаз.
- Джетген къыз джерли эшекни танымаз.
- Арпа, будай – ащды, алтын, кюмюш а – ташды.
- Кютгени беш эчки, сызгъыргъаны уа, джерни джарады.
- Тюкюрюк баш джармаз, налат кёз чыгъармаз!
- Ата джурт – алтын бешик.
- Тамырсыз терекге таянма – джыгъылырса.
- Кенгеш болса, уруш болмаз.
- Ариуну – ауруу кёб.
- Иги сеники эсе да, сюйген кесимикин этеме.
- Окъугъан – асыу, окъумагъан – джарсыу.
- Ашыкъгъанны этеги бутуна чырмалыр.
- Азыкъ аз болса, эртде орун сал.
- Ач келгенни – тойдур, кеч келгенни – къондур.
- Бёрю да ач къалмасын, эчки да ашалмасын.
- Ёпкелегенни ашы татлы болады.
- Тёгюлген тюгел джыйылмайды.
- Ариу сёзде ауруу джокъ.
- Къонакъ кёб келюучю юйню, къазаны отдан тюшмез.
- Эм ашхы къайын ана мамукъ бла башынгы тешер.
- Эрине къаргъыш этген къатын, эрнин къабар.
- Терек ауса, отунчу – кёб.
- Аз айтсам, кёб ангылагъыз.
- Къонакъны къачан кетерин сорма, къачан келлигин сор.
- Адам туугъан джеринде, ит тойгъан джеринде.
- Джаным-тиним – окъуу, билим.
- Ач къарным, тынч къулагъым.
- Ашлыкъ – бюртюкден, джюн – тюкден.
- Къолунгдан къуймакъ ашатсанг да, атаны борчундан къутулмазса.
- Сакъламагъан затынга джолукъсанг, не бек къууанаса, не бек ачыйса.
- Ариу сёз джыланны орнундан чыгъарыр.
- Къуллукъчума, деб махтанма, къуллукъ – хаух джамчыды!
- Къыйынлы джети элни къайгъысын этер.
- Сагъыш – къартлыкъгъа сюйюмчю.
- Къарыусузгъа кюлме, онгсузгъа тийме.
- Ашыкъгъан cуу, тенгизге джетмез.
- Айтханы чапыракъдан ётмеген.
- Ач бёрюге мекям джокъ.
- Борчунг бар эсе, хурджунунга ойлаб узал.
- Аш берме да, къаш бер.
- Кюн кёрмеген, кюн кёрсе, кюндюз чыракъ джандырыр.
- Чёбню кёлтюрсенг, тюбюнден сёз чыгъар.
- Тюзлюк тас болмайды.
- Кёкдеги болмаса, джердегин кёрмейди.
- Керилген да, ургъан кибикди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72