- Ач къарынны, токъ билмез
- Ким бла джюрюсенг, аны кёзю бла кёрюнюрсе.
- Чабакъсыз кёлге къармакъ салгъанлыкъгъа, чабакъ тутмазса.
- Нафысынгы айтханын этме, намысынгы айтханын эт.
- Ат да турмайды бир териде.
- Бойнуму джети джерден кессенг да, мен ол ишни этеллик тюлме.
- Малны кют, джерни тюрт.
- Чабар ат – джетген къыз.
- Кюл тюбюндеги от кёрюнмейди.
- Кёзню ачылгъаны – иги, ауузну джабылгъаны – иги.
- Келгинчи, къонакъ уялыр, келгенден сора, къонакъбай уялыр.
- Келлик заман – къартлыкъ келтирир, кетген заман – джашлыкъ ёлтюрюр.
- Ёлген аслан – сау чычхан.
- Джаз бир кюнню джатсанг, къыш талай кюнню абынырса.
- От этилмеген джерден тютюн чыкъмайды.
- Къарт бла баш аша, джаш бла аякъ аша.
- Тамчы таш тешер.
- Джылыгъа джылан илешир.
- Ургъан суудан башынгы сакъла.
- Ёнгкюч къууана барыр, джылай келир.
- Айныгъанлы алты кюн, тогъайгъанлы тогъуз кюн.
- Мадар болса, къадар болур.
- Адамны сыфатына къарама, сёзюне къара.
- Сабий болмагъан джерде, мёлек болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёлген эшек бёрюден къоркъмайды.
- Битмегеннге сакъал – танг.
- Иги – алгъыш этер, аман – къаргъыш этер.
- Телини эшигин, махтау джабар.
- Ашаса, ашамаса да, бёрюню ауузу – къан.
- Бал ашаргъа сюе эсенг, чибин ургъаннга тёз.
- Накъырда – кертини келечиси.
- Ауузу бла къуш тута айланады.
- Чакъырылмагъан къонакъ къачан кетерин сормаз.
- Ёзденликни джайгъан – джокълукъ.
- Ариу джол аджал келтирмез.
- Бетинги сатма, малынгы сат.
- Эл тойса, тоймагъан, эл къойса, къоймагъан.
- Эркишини аманы тиширыуну джылатыр.
- Чёбню кёлтюрсенг, тюбюнден сёз чыгъар.
- Джаным-тиним – окъуу, билим.
- Къарыусузгъа кюлме, онгсузгъа тийме.
- Тил – миллетни джаны.
- Соргъан айыб тюлдю, билмеген айыбды.
- Акъыллы – эл иеси, тели – эл баласы.
- Къонакъ хазыр болгъанлыкъгъа, къонакъбай хазыр тюлдю.
- Айранын берсенг, челегин да къызгъанма.
- Чакъырылмагъан къонакъ тёрге атламаз.
- Тойгъан джерден туугъан джер игиди.
- Джогъун бар этген, барын бал этген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72