- Насыблы элин сюер, насыбсыз кесин сюер.
- Шекер бла туз – бир болмаз, ушамагъан – юй болмаз.
- Хантына кёре тузу, юйюне кёре къызы.
- Ариуну – ауруу кёб.
- Чомартны къолу берекет.
- Билим – акъылны чырагъы.
- Адам боллукъ, атламындан белгили болур.
- Хар сёзню орну барды.
- Ургъан суудан башынгы сакъла.
- Сакъалы текени да бар, мыйыгъы киштикни да бар.
- Тойгъандан сора, ашны сёкме.
- Иги – алгъыш этер, аман – къаргъыш этер.
- Джюрек кёзден алгъа кёрюр.
- Ёксюзню къалачы уллу кёрюнюр.
- Абынмазлыкъ аякъ джокъ, джангылмазлыкъ джаякъ джокъ.
- Ичимден чыкъды хата, къайры барайым сата?
- Ашатыргъа иш – ашхы, ишлетирге аш – ашхы.
- Намыс сатылыб алынмайды.
- Айран тёгюлсе, джугъусу къалыр.
- Чакъырылмай келген къонакъ сыйланмай кетер.
- Айраннга суу къош, телиге джол бош.
- Джиби бир къат джетмей эди да, эки къат тарта эди.
- Махтаннган къыз, тойда джукълар.
- Адам сёзюнден белгили.
- Окъуусуз билим – джокъ, билимсиз кюнюнг – джокъ.
- Атынг аманнга чыкъгъандан эсе, джанынг тамагъынгдан чыкъсын.
- Къарнынг тойгъунчу аша да, белинг талгъынчы ишле.
- Чомартха хар кюн да байрамды.
- Тилчи бир сагъатха айлыкъ хата этер.
- Ашхы адам – халкъ байлыгъы, ашхы джер – джашау байлыгъы.
- Тенги кёбню джау алмаз, акъылы кёбню дау алмаз.
- Билеги кючлю, бирни джыгъар, билими кючлю, мингни джыгъар.
- Тили узунну, намысы – къысха.
- Эри аманны, къатыны – аман.
- Башы ишлегенни, ауузу да ишлер.
- Айтылгъан сёз ызына къайтмаз.
- Ашлыкъны арба юйге келтирир, чана базаргъа элтир.
- Акъыллы айтыр эди, акъылсыз къоймайды.
- Аман адам элни бир-бирине джау этер.
- Ат басханны джер билед.
- Сабий кёргенин унутмаз.
- Иги адам абынса да, джангылмаз.
- Кёкдеги болмаса, джердегин кёрмейди.
- Ашын ашагъанынгы, башын да сыйла.
- Кёб джат да, бек чаб.
- Адебни адебсизден юрен.
- Айранны сюйген, ийнек тутар.
- Юре билмеген ит, къонакъ келтирир.
- Хар ишни да аллы къыйынды.
- Атадан ёксюз – бир ёксюз, анадан ёксюз – эки ёксюз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72