- Ата Джуртун танымагъан, атасын да танымаз.
- От этилмеген джерден тютюн чыкъмайды.
- Кесинге джетмегенни, кёб сёлешме.
- Чабакъгъа акъыл, табагъа тюшсе келеди.
- Окъумагъан сокъурду, сокъур ташха абыныр!
- Хата – гитчеден.
- Ёлюк кебинсиз къалмаз.
- Къатыны харакетли болса, эри къымсыз болур.
- Ауругъан – джашаудан умутчу.
- Сакъ юйюне сау барыр.
- Къарт бла баш аша, джаш бла аякъ аша.
- Тойгъанлыкъ къойгъа джарашады.
- Къаллай салам берсенг, аллай джууаб алырса.
- Мухардан ач ычхынмаз.
- Эки элинги тыйсанг, джети элде махталырса.
- Адеб джокъда, намыс джокъ.
- Тамчы таш тешер.
- Кийимни бичсенг, кенг бич, тар этген къыйын тюлдю.
- Тили узунну, намысы – къысха.
- Ана къойну – балагъа джандет.
- Мени джылытмагъан кюн, меннге тиймесин!
- Къазанда болса, чолпугъа чыгъар.
- Джогъун бар этген, барын бал этген.
- Тилде сюек болмаса да, сюек сындырыр.
- Ётюрюкню башын керти кесер.
- Арпа, будай – ащды, алтын, кюмюш а – ташды.
- Аманнга да, игиге да оноусуз къатышма.
- Тилсиз миллет джокъ болур.
- Джарлы джети элни сёзюн этер.
- Джиби бир къат джетмей эди да, эки къат тарта эди.
- Иги – алгъыш этер, аман – къаргъыш этер.
- Ата джурт – алтын бешик.
- Тыш элде солтан болгъандан эсе, кесинги элде олтан болгъан игиди!
- Намысы болмагъанны, сыйы болмаз.
- Къая джолда джортма, ачыкъ сёзден къоркъма.
- Ёнгкюч къууана барыр, джылай келир.
- Малны кют, джерни тюрт.
- Урама да – ёледи, сатама да – келеди.
- Джыланны къуйругъундан басарынг келсе, аны башы болгъанын унутма.
- Бюгюн дуния кибик, тамбла ахыратды.
- Таугъа чыгъаллыкъ эсенг, тюзде къалма.
- Этни да ашады, бетни да ашады.
- Келинин тута билмеген, къул этер, къызын тута билмеген, тул этер.
- Кёб ант этген, кёб ётюрюк айтыр.
- Эки итни арасына сюек атма, эки адамны арасында сёз чыгъарма.
- Къызбайны юйюне дери сюрсенг, батыр болур.
- Кёрмегеннге кебек – танг, битмегеннге сакъал – танг.
- Босагъа таш юйге кирмей эди, тыбыр таш эшикге чыкъмай эди.
- Чомарт бергенин айтмаз.
- Мал ёлсе, сюек къалыр, адам ёлсе, иши къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72