Эльбрусоид :: Форум :: Архив форумов

Ёнгкюч къууана барыр, джылай келир.
Эркишини аманы тиширыуну джылатыр.
Орундукъ тюбюнде атылсам да, орта джиликме, де да айлан.
Кенгеш болса, уруш болмаз.
Терслик кетер, тюзлюк джетер.
Чабакъ башындан чирийди.
Окъугъан озар, окъумагъан тозар.
Азыкъ аз болса, эртде орун сал.
Биреуге кёлтюрген таягъынг, кесинги башынга урур.
Чоюнну башы ачыкъ болса, итге уят керекди.
Айтхан – тынч, этген – къыйын.
Эки къатын алгъанны къулагъы тынгнгаймаз.
Мухарны эси – ашарыкъда.
Эртде тургъан бла эртде юйленнген сокъуранмаз.
Гитче джилтин уллу элни джандырыр.
Алтыннга тот къонмаз.
Джарашыу сюйген – джалынчакъ.
Алгъанда – джууукъ, бергенде – джау.
Аман киши кеси юйюнде – къонакъ.
Арпа, будай – ащды, алтын, кюмюш а – ташды.
Телини эшигин, махтау джабар.
Окъугъан – асыу, окъумагъан – джарсыу.
Таукел адам тау тешер.
Эл ауузу – элия.
Садакъачыны джаны – къапчыгъында.
Бети – къучакълар, джюреги – бычакълар.
Эрине къаргъыш этген къатын, эрнин къабар.
Джарлыны тону джаз битер.
Джиби бир къат джетмей эди да, эки къат тарта эди.
Ашда уялгъан – мухар, ишде уялгъан – хомух.
Экиндини кеч къылсанг, чабыб джетер ашхам.
Акъыл аздырмаз, билим тоздурмаз.
Окъдан джара эртде-кеч болса да бителир, сёз джара, ёмюрге къалыр.
Шапа кёб болса, аш татымсыз болур.
Арба аугъандан сора, джол кёргюзтюучю кёб болур.
Джаралыны джастыгъында сау ёлюр.
Байлыкъдан саулукъ ашхыды.
Сыфатында болмагъаны, суратында болмаз.
Алим болгъандан эсе, адам болгъан къыйынды.
Тамбла алтындан бюгюн багъыр ашхы.
Къолу уллу – асыу, аягъы уллу – джарсыу.
Биреу ашаб къутулур, биреу джалаб тутулур.
Баргъанынга кёре болур келгенинг.
Намыс сатылыб алынмайды.
Юй ишлеген балта эшикде къалыр.
Ётюрюкчюню шагъаты – къатында.
Ата – билек, ана – джюрек!
Джырына кёре эжиую.
«Ёгюз, джаргъа джууукъ барма, меннге джюк боллукъса», - дегенди эшек.
Аджашханны ызындагъы кёреди, джангылгъанны джанындагъы биледи.

Логин:
Пароль:
	Запомнить меня на этом компьютере

Забыли свой пароль?
Регистрация