- Джукъу тёшек сайламайды.
- Садакъачыны джаны – къапчыгъында.
- Ач къарынны, токъ билмез
- Ётюрюкню къуйругъу – бир тутум.
- Чомарт къонакъ юй иесин сыйлар.
- Мал кёб болса, джууукъ кёб болур.
- Эм ашхы къайын ана мамукъ бла башынгы тешер.
- Таукел тауну аудурур.
- Ашхы тенг джолгъа салыр, аман тенг джолдан тайдырыр.
- Кёл – къызбай, къол – батыр.
- Ашыкъгъанны этеги бутуна чырмалыр.
- Насыблы элин сюер, насыбсыз кесин сюер.
- Ат басханны джер билед.
- Айран тёгюлсе, джугъусу къалыр.
- Байны къызы баймакъ болса да, юйде къалмаз!
- Баланы адам этген анады.
- Ёнгкюч къууана барыр, джылай келир.
- Ушамагъан – джукъмаз.
- Игини сыйлагъан адетди.
- Тик ёргени, тик энгишгеси да болады.
- Борчунг бар эсе, хурджунунга ойлаб узал.
- Айныгъанлы алты кюн, тогъайгъанлы тогъуз кюн.
- Ашда уялгъан – мухар, ишде уялгъан – хомух.
- Таш ата билмеген, башына урур.
- Кёбден умут этиб, аздан къуру къалма.
- Джарлы джети элни сёзюн этер.
- Биреуге аманлыкъ этиб, кесинге игилик табмазса.
- Арбаз сайлама да, хоншу сайла.
- Экеу тутушса, биреу джыгъылыр.
- Къатын къылыкъсыз, эр тынчлыкъсыз.
- Чомартны къолун джокълукъ байлар.
- Ишлерге уял да, ашаргъа табма.
- Къоркъакъны кёзю экили кёрюр.
- Аууздан келген, къолдан келсе, ким да патчах болур эди.
- Тилсиз миллет джокъ болур.
- Сёз къанатсыз учар.
- Агъач – джерни чырайы, кийим – эрни чырайы.
- Артына баргъанны, къатына барма.
- Къарт бла баш аша, джаш бла аякъ аша.
- Адеб этмеген, адеб кёрмез.
- Ашлыкъны арба юйге келтирир, чана базаргъа элтир.
- Аз айтсам, кёб ангылагъыз.
- Ашыкъгъан cуу, тенгизге джетмез.
- Билген билмегенни юретген адетди.
- Сыфатында болмагъаны, суратында болмаз.
- Джыгъылгъанны сырты джерден тоймаз.
- Уллу суу бла уллу ауруудан башынгы сакъла.
- Ёгюзню мюйюзюнден тутадыла, адамны сёзюнден тутадыла.
- Башынга джетмегенни сорма.
- Кеси юйюмде мен да ханма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72