- Аманнга игилик этсенг, юйюнге сау бармазса.
- Къонагъы джокъну – шоху джокъ.
- Баланы адам этген анады.
- Эринчекни эр алмаз, эр алса да, кёл салмаз, кёл салса да, кёб бармаз!
- Тюзлюк шохлукъну бегитир.
- Эки къатын алгъан – эки ташны ортасына башын салгъан.
- Тиширыусуз юй – отсуз от джагъа.
- Къуру гыбыт бек дыгъырдар.
- Кёбден умут этиб, аздан къуру къалма.
- Дуния малгъа сатылма, кесингден телиге къатылма.
- Асхат ашлыкъ сата, юйдегиси ачдан къата.
- Адамны сабийин сюйген джюреги, бычакъча, джитиди.
- Келинин тута билмеген, къул этер, къызын тута билмеген, тул этер.
- Чомартны къолун джокълукъ байлар.
- Ушамагъан – джукъмаз.
- Ёзденликни кёбю ётюрюк.
- Орну джокъну – сыйы джокъ.
- Ашарыкъда сайлагъаннга – чий гырджын.
- Къонакъ болсанг, ийнакъ бол.
- Ишлегенден, къарагъан уста.
- Мал тутхан – май джалар.
- Къайгъыны сюйген, къайгъы табар.
- Болджал ишни бёрю ашар.
- Тил бла келеди джыр да.
- Акъыллы айтыр эди, акъылсыз къоймайды.
- Кёб джашагъан – кёб билир.
- Чомарт бергенин айтмаз.
- Сабий кёргенин унутмаз.
- Джашынгы кесинг юретмесенг, джашау юретир.
- Билим къая тешер.
- Ариу сёз – къылычдан джити.
- Аш иеси бла татлыды.
- Малны кют, джерни тюрт.
- Кёзню ачылгъаны – иги, ауузну джабылгъаны – иги.
- Эли джокъну – кёлю джокъ.
- Таш бла ургъанны, аш бла ур.
- Ашхы адам – халкъ байлыгъы, ашхы джер – джашау байлыгъы.
- Адам сёзге тынгыла, акъыл сёзню ангыла.
- Тин – байлыгъынг, терен саулугъунг.
- Джерни букъусу кёкге къонмаз.
- Уллу къазанда бишген эт, чий къалмаз.
- Окъугъан озар, окъумагъан тозар.
- Бек анасы джыламаз.
- Кёбге таш атма.
- Ашлыкъны арба юйге келтирир, чана базаргъа элтир.
- Айыбны суу бла джууалмазса.
- Игиге айтсанг – билир, аманнга айтсанг – кюлюр.
- Ач къалгъандан, кеч къалгъан къолай.
- Хар адамгъа кеси миннген тау кибик.
- Телиге от эт десенг, юйюнге от салыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72