- Къошда джокъгъа – юлюш джокъ.
- Ашхылыкъ джерде джатмайды, аманлыкъ суугъа батмайды.
- Дуния аламаты сен эсенг да, игиме деб айтма.
- Зарда марда джокъ.
- Эркишини аманы тиширыуну джылатыр.
- Юй кюйдю да, кюйюз чыкъды, ортасындан тюйюш чыкъды.
- Адам къыйынлыгъын кёлтюрюр, зауукълугъун кёлтюрмез.
- Элиб деген, элге болушур.
- Хазыр ашха – терен къашыкъ.
- Къызбайны юйюне дери сюрсенг, батыр болур.
- Ашда уялгъан – мухар, ишде уялгъан – хомух.
- Къыз келсе, джумуш эте келеди, къатын келсе, ушакъ эте келеди.
- Къайгъыны сюйген, къайгъы табар.
- Тили узунну, намысы – къысха.
- Кечеси – аяз, кюню – къыш, джарлы къаргъагъа бир аш тюш!
- Къарын къуру болса, джюрек уру болур.
- Акъылсызны джууукъгъа алма, акъыллыны кенгнге салма.
- Тёрени джагъы джокъ.
- Этек чакъмакълары баш джаргъан, сёлешген сёзлери таш джаргъан.
- Адамны артындан къара сабан сюрме.
- Харам къарнашдан, халал тенг ашхы.
- Ойнай-ойнай кёз чыгъар.
- Кесине гебен этелмеген, биреуге черен эте эди.
- Ёксюзню тилеги къабыл болур.
- Эки итни арасына сюек атма, эки адамны арасында сёз чыгъарма.
- Эки къатын алгъан – эки ташны ортасына башын салгъан.
- Аманны эки битли тону болур, бирин сеннге кийдирир, бирин кеси киер.
- Джаш къарыу бла кючлю, къарт акъыл бла кючлю.
- Къонакъ болсанг, ийнакъ бол.
- Мадар болса, къадар болур.
- Чалманны аллы къалай башланса, арты да алай барады.
- Ата Джуртун танымагъан, атасын да танымаз.
- Сабийликде юретмесенг, уллу болса – тюзелмез.
- Джолунга кёре – джюрюшюнг, джагъанга кёре – юлюшюнг.
- Къарт болгъан джерде, берекет болур, сабий болгъан джерде, оюн болур.
- Къуру гыбыт бек дыгъырдар.
- Ач келгенни – тойдур, кеч келгенни – къондур.
- Ашын ашагъанынгы, башын да сыйла.
- Ач, тоймам, дейди, тойгъан, ач болмам, дейди.
- Ата Джуртча джер болмаз, туугъан элча эл болмаз.
- Телиге от эт десенг, юйюнге от салыр.
- Миллетни бойну – базыкъ, аны бла кюрешген – джазыкъ.
- Чабакъгъа акъыл, табагъа тюшсе келеди.
- Баргъанынга кёре болур келгенинг.
- Баланы адам этген анады.
- Тас болгъан бычакъны сабы – алтын.
- Босагъагъа джууукъ орун болса, ашыгъыб тёрге озма.
- Ётюрюк хапар аякъ тюбю бла джюрюйдю.
- Чомарт бергенин айтмаз.
- Ишленмеклик адамлыкъды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72