- Биреу къой излей, биреу той излей.
- Ишлегенде эринме, ишде чолакъ кёрюнме.
- Тёгюлген тюгел джыйылмайды.
- Тойчу джашха къарама, къойчу джашха къара.
- Аджашхан тёгерек айланыр.
- Джашда акъыл джокъ, къартда къарыу джокъ.
- Тюз сёз баргъан сууну тыяр.
- Ишни аллы бла къууанма да, арты бла къууан.
- Сёз къанатсыз учар.
- Терслик кетер, тюзлюк джетер.
- Этек чакъмакълары баш джаргъан, сёлешген сёзлери таш джаргъан.
- Уллу къашыкъ эрин джыртар.
- Чабакъгъа акъыл, табагъа тюшсе келеди.
- Ашда уялгъан – мухар, ишде уялгъан – хомух.
- Ат да турмайды бир териде.
- Къарт айтханны этмеген, къартаймаз.
- Тили узунну, намысы – къысха.
- Кёлсюзден сёзсюз тууар.
- Халкъны джырын джырласанг, халкъ санга эжиу этер.
- Ойнай билмеген, уруб къачар.
- Билгенни къолу къарны джандырыр.
- Ач келгенни – тойдур, кеч келгенни – къондур.
- Олтуруб кёрюнмей эди да, ёрге туруб кёрюне эди.
- Илму – джашауну джолу.
- Ойнаб айтсанг да, эслеб айт.
- Ёзденликни кёбю ётюрюк.
- Таукел адам тау тешер.
- Этим кетсе да, сюегим къалыр.
- Мен да «сен», дейме, сен да «кесим», дейсе.
- Рысхысына кёре, джаш ёсер, къышлыгъына кёре, мал ёсер.
- Бюгюн дуния кибик, тамбла ахыратды.
- Байлыкъ адамны сокъур этер.
- Кёл ашады да, кеси ашады.
- Мураты болгъанны джюрек тебюую башхады.
- Ач бёрюге мекям джокъ.
- Тыш элде солтан болгъандан эсе, кесинги элде олтан болгъан игиди!
- Садакъачыны джаны – къапчыгъында.
- Экеулен сёлеше тура эселе, орталарына барыб кирме.
- Гугурук къычырмаса да, тангны атары къалмаз.
- Ашхы адам – халкъ байлыгъы, ашхы джер – джашау байлыгъы.
- Билмезни кёзю кёрмез, этмезни къулагъы эшитмез.
- Аманнга да, игиге да оноусуз къатышма.
- Эки ойлашыб, бир сёлешген.
- Ашлыкъны арба юйге келтирир, чана базаргъа элтир.
- Гугук кесини атын айтыб къычыргъанча, мен, мен деб нек тураса?
- Орундукъ тюбюнде атылсам да, орта джиликме, де да айлан.
- Нарт сёз – тилни бети.
- Чакъырылмай келген къонакъ сыйланмай кетер.
- Арыгъан къош чамчы болур.
- Джырына кёре эжиую.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72