- Эркиши – от, тиширыу – суу.
- Ишни аллы бла къууанма да, арты бла къууан.
- Бойнуму джети джерден кессенг да, мен ол ишни этеллик тюлме.
- Аманны эки битли тону болур, бирин сеннге кийдирир, бирин кеси киер.
- Къуру гыбыт бек дыгъырдар.
- Мадар болса, къадар болур.
- Сескекли кесин билдирир.
- Тил бла келеди джыр да.
- Эри аманны, къатыны – аман.
- Адамны джюреги нени кёрюрге сюйсе, кёзю да аны кёрюрге ёч болады.
- Тил джюрекге джол ишлейди.
- Аз сёлешген, къайгъысыз турур.
- Тау башында, тау болмаз, джангыз терек, бау болмаз.
- Башсыз урчукъ тюзюне айланмаз.
- Ата Джуртун танымагъан, атасын да танымаз.
- Аман адам этегингден тутса, кес да къач.
- Ёпкелегенни ашы татлы болады.
- Джаханимни кёрмей, джандетге кёл салмазса.
- Башынга джетмегенни сорма.
- Кечеси – аяз, кюню – къыш, джарлы къаргъагъа бир аш тюш!
- Адамны артындан къара сабан сюрме.
- Къыз чыгъаргъан – къызыл къымжа.
- Дууулдаса – бал чибин, къонса – къара чибин.
- Ким бла джюрюсенг, аны кёзю бла кёрюнюрсе.
- Чомартха Тейри да борчлуду.
- Адам сёзге тынгыла, акъыл сёзню ангыла.
- Биреуге аманлыкъ этиб, кесинге игилик табмазса.
- Джашлыкъ этмеген, башлыкъ этмез.
- Джаным-тиним – окъуу, билим.
- Терслик кетер, тюзлюк джетер.
- Билмегенинги, билгеннге сор.
- Тёгюлген тюгел джыйылмайды.
- Билимли ёлмез, билимсиз кёрмез.
- Татлы сёз – балдан татлы.
- Ёксюзню къалачы уллу кёрюнюр.
- Тилде сюек болмаса да, сюек сындырыр.
- Джарлыны тону джаз битер.
- Ишге юренсин къоллары, халкъ бла болсун джоллары.
- Ашхы тенг джолгъа салыр, аман тенг джолдан тайдырыр.
- Ач келгенни – тойдур, кеч келгенни – къондур.
- Акъдан къара болмаз.
- Уллу къашыкъ эрин джыртар.
- Кютгени беш эчки, сызгъыргъаны уа, джерни джарады.
- Сабийликде юретмесенг, уллу болса – тюзелмез.
- Ёгюзню мюйюзюнден тутадыла, адамны сёзюнден тутадыла.
- Мени джылытмагъан кюн, меннге тиймесин!
- Адамны сабийин сюйген джюреги, бычакъча, джитиди.
- Терек ауса, отунчу – кёб.
- Чомартны къолун джокълукъ байлар.
- Къыйынлы джети элге оноу этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72