- Къошда джокъгъа – юлюш джокъ.
- Тойгъандан сора, ашны сёкме.
- Нарт сёз къарт болмаз.
- Аш берме да, къаш бер.
- Аман къатын алгъан, арыр, иги къатын алгъан джарыр.
- Эки итни арасына сюек атма, эки адамны арасында сёз чыгъарма.
- Къыйынлы джети элге оноу этер.
- Ата – билек, ана – джюрек!
- Биреуге аманлыкъны тилеме да, кесинге ашхылыкъны тиле.
- Келгинчи, къонакъ уялыр, келгенден сора, къонакъбай уялыр.
- Къарын къуру болса, джюрек уру болур.
- Накъырданы арты керти болур.
- Аджалсыз ёлюм болмаз.
- Орну джокъну – сыйы джокъ.
- Ишлерге уял да, ашаргъа табма.
- Тюзлюк тас болмайды.
- Байдан умут эте, джарлыдан ёгюз багъасы къорады.
- Артына баргъанны, къатына барма.
- Ауругъаннга – кийик саулукъ, джетген къызгъа – чилле джаулукъ.
- Ёксюзню тилеги къабыл болур.
- Сормай – алма, чакъырылмай – барма.
- Билмейме деген – бир сёз
- Къайгъыны сюйген, къайгъы табар.
- Ишге юренсин къоллары, халкъ бла болсун джоллары.
- Бойнуму джети джерден кессенг да, мен ол ишни этеллик тюлме.
- Ачыу алгъа келсе, акъыл артха къалады.
- Минг тенг да азды, бир джау да кёбдю.
- Дуния аламаты сен эсенг да, игиме деб айтма.
- Болджал ишни бёрю ашар.
- Ёзденликни кёбю ётюрюк.
- Билим насыб берир, билим джолну керир.
- Бозаны арты дауур болур.
- Эр сокъур болсун, къатын тилсиз болсун.
- Бёрю да ач къалмасын, эчки да ашалмасын.
- Ёлюк кебинсиз къалмаз.
- Башынга джетмегенни сорма.
- Эшекге миннген – биринчи айыб, андан джыгъылгъан – экинчи айыб.
- Къыйынлы джети элни къайгъысын этер.
- Чакъырылгъанны аты, чакъырылмагъанны багъасы болур.
- Aдам боллукъ, сыфатындан белгили.
- Насыб бютеу халкъны юлюшюдю.
- Тешигини къатында, чычхан да батыр болур.
- Джахил болса анасы, не билликди баласы?
- Ач келгенни – тойдур, кеч келгенни – къондур.
- Этни бети бла шорпасы.
- Къуру гыбыт бек дыгъырдар.
- Уллу къашыкъ эрин джыртар.
- Эте билген, этген этеди, эте билмеген, юретген этеди!
- Джыланны къуйругъундан басарынг келсе, аны башы болгъанын унутма.
- Къонакъ аз олтурур, кёб сынар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72