Эльбрусоид :: Форум :: Архив форумов

Къазанчы аман болса, къазаны къайнамаз.
Иги джашны ышаны – аз сёлешиб, кёб тынгылар.
Аджаллыгъа окъсуз шкок атылыр.
Ауузу аманнга «иги», деме.
Ариу сёз джыланны орнундан чыгъарыр.
Байлыкъ адамны сокъур этер.
Къошда джокъгъа – юлюш джокъ.
Бичгенде ашыкъма, тикгенде ашыкъ.
Таукел къуру къалмаз.
Ач отунчуну ачыуу – бурнунда.
Джарлыны тону джаз битер.
Къонакъ болсанг, ийнакъ бол.
Аууздан келген, къолдан келсе, ким да патчах болур эди.
Бир абыннган – минг сюрюнюр.
Баргъанынга кёре болур келгенинг.
Таугъа чыгъаллыкъ эсенг, тюзде къалма.
Къызын тута билмеген, тул этер, джашын тута билмеген, къул этер.
Акъылсызны джууукъгъа алма, акъыллыны кенгнге салма.
Ёлген ийнек сютлю болур.
Хата – гитчеден.
Экеулен сёлеше тура эселе, орталарына барыб кирме.
От этилмеген джерден тютюн чыкъмайды.
Ашхылыкъ джерде джатмайды, аманлыкъ суугъа батмайды.
Къызгъанчдан ычхыныр, мухардан ычхынмаз.
Билим ат болуб да чабар, къуш болуб да учар.
Ана къойну – балагъа джандет.
Ана – юйню кюн джарыгъы.
Бир онгсуз адам адет чыгъарды, деб эштирик тюлсе.
Кёрмегеннге кебек – танг, битмегеннге сакъал – танг.
Эм уллу байлыкъ – джан саулукъ.
Иги адам абынса да, джангылмаз.
Тулпарлыкъ, билекден тюл – джюрекден.
Кёлю джокъну – джолу джокъ.
Джарлы эскисин джамаса, къууаныр.
Ойнай-ойнай кёз чыгъар.
Къазанда болса, чолпугъа чыгъар.
Уруну арты – къуру.
Хунаны тюбюн къазсанг, юсюнге ауар.
Аман адам этегингден тутса, кес да къач.
Чомартны къолу берекет.
Алма терегинден кери кетмез.
Арбаз сайлама да, хоншу сайла.
Тамбла алтындан бюгюн багъыр ашхы.
Бойнуму джети джерден кессенг да, мен ол ишни этеллик тюлме.
Джарашыу сюйген – джалынчакъ.
Адамны сабийин сюйген джюреги, бычакъча, джитиди.
Ариу сёз аурууунгу алыр.
Ашарыкъда сайлагъаннга – чий гырджын.
Баш болса, бёрк табылыр.
Борчунг бар эсе, хурджунунга ойлаб узал.

Логин:
Пароль:
	Запомнить меня на этом компьютере

Забыли свой пароль?
Регистрация