- Ашарыкъда сайлагъаннга – чий гырджын.
- Суугъа – таянма, джаугъа – ийнанма.
- Мураты болгъанны джюрек тебюую башхады.
- Джарлы джети элни сёзюн этер.
- Иесиз малны бёрю ашар.
- Ариу сёз – джаннга азыкъ, аман сёз – башха къазыкъ.
- Аууз сакълагъан – джан сакълар.
- Кенгеш болса, уруш болмаз.
- Тюз сёз баргъан сууну тыяр.
- Адамны сабийин сюйген джюреги, бычакъча, джитиди.
- Этни да ашады, бетни да ашады.
- Тойну къарнашы – харс, джырны къарнашы – эжиу.
- Аман адам элни бир-бирине джау этер.
- Ариу сёз – къылычдан джити.
- Тюкюрюк баш джармаз, налат кёз чыгъармаз!
- Хар ишни да аллы къыйынды.
- Бичгенде ашыкъма, тикгенде ашыкъ.
- Бек анасы джыламаз.
- Арба аугъандан сора, джол кёргюзтюучю кёб болур.
- Байдан умут эте, джарлыдан ёгюз багъасы къорады.
- Къыз тиширыу кеси юйюнде да къонакъды.
- Айран тёгюлсе, джугъусу къалыр.
- Билмезни кёзю кёрмез, этмезни къулагъы эшитмез.
- Билмегенинги, билгеннге сор.
- Алма терегинден кери кетмез.
- Азыкъ аз болса, эртде орун сал.
- Къайгъыны сюйген, къайгъы табар.
- Аманнга алтын чыдамаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Билмейме деген – бир сёз
- Джашынгы кесинг юретмесенг, джашау юретир.
- Арпа, будай – ащды, алтын, кюмюш а – ташды.
- Аджал соруб келмез, келсе, къайтыб кетмез.
- Ариу сёз аурууунгу алыр.
- Аман киши кеси юйюнде – къонакъ.
- Ойнаб айтсанг да, эслеб айт.
- Джангыз торгъай джырламаз.
- Эки къатын алгъанны къулагъы тынгнгаймаз.
- Эте билген, этген этеди, эте билмеген, юретген этеди!
- Мухар, кеси тойса да, кёзю тоймаз.
- Чакъырылмагъан джерге барма, чакъырылгъан джерден къалма.
- Ана – юйню кюн джарыгъы.
- Билим – акъылны чырагъы.
- Тюзлюк тас болмайды.
- Аманны эки битли тону болур, бирин сеннге кийдирир, бирин кеси киер.
- Тенгинг джокъ эсе – изле, бар эсе – сакъла!
- Таугъа чыгъаллыкъ эсенг, тюзде къалма.
- Эрни эр этерик да, къара джер этерик да, тиширыуду.
- Бал чибинни ургъаны – ачы, балы – татлы.
- Джан саулукъ бермей, сан саулукъ бермезсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72