- Aдам боллукъ, сыфатындан белгили.
- Бетинги сатма, малынгы сат.
- Алим болгъандан эсе, адам болгъан къыйынды.
- Ётюрюкден тюбю джокъ, кёлтюрюрге джиби джокъ.
- Аш хазыр болса, иш харам болур.
- Къарнынг бла ёч алма.
- Ашаса, ашамаса да, бёрюню ауузу – къан.
- Этек чакъмакълары баш джаргъан, сёлешген сёзлери таш джаргъан.
- Джангыз торгъай джырламаз.
- Джашда акъыл джокъ, къартда къарыу джокъ.
- Тойну къарнашы – харс, джырны къарнашы – эжиу.
- Соргъан айыб тюлдю, билмеген айыбды.
- Къатыны харакетли болса, эри къымсыз болур.
- Гырджын – тепсини тамадасы.
- Кирсизни – саны таза, халалны – къаны таза.
- Джылар джаш, атасыны сакъалы бла ойнар.
- Кёлсюзден сёзсюз тууар.
- Рысхы – насыбха къор.
- Биреуню къыйынлыгъы бла кесинге джол ишлеме.
- Минг тенг да азды, бир джау да кёбдю.
- Эки итни арасына сюек атма, эки адамны арасында сёз чыгъарма.
- Баш – акъыл ючюн, акъылман – халкъ ючюн.
- Бети – къучакълар, джюреги – бычакълар.
- Ойнаб айтсанг да, эслеб айт.
- Джырына кёре эжиую.
- Тойгъан джерге джети къайт.
- Нёгер болсанг, тенг бол, тенг болмасанг, кенг бол.
- Атлыны ашхысы, ат тизгининден билинир
- Тилсиз миллет джокъ болур.
- Чакъырылмагъан джерге барма, чакъырылгъан джерден къалма.
- Ишлемеген – тишлемез.
- Айтхан – тынч, этген – къыйын.
- Эки элинги тыйсанг, джети элде махталырса.
- Тюзлюк тас болмайды.
- Ургъан суудан башынгы сакъла.
- Джырчы джырчыгъа – къарнаш.
- Битмегеннге сакъал – танг.
- Юй ишлеген балта эшикде къалыр.
- Ач уят къоймаз.
- Къонагъы джокъну – шоху джокъ.
- Байлыкъ тауусулур, билим тауусулмаз.
- Бек анасы джыламаз.
- Этни да ашады, бетни да ашады.
- Адеб джокъда, намыс джокъ.
- Чомартха хар кюн да байрамды.
- Окъугъанны бети джарыкъ.
- Ариу сёз аурууунгу алыр.
- Керек ташны ауурлугъу джокъ.
- Арбаз къынгырды да, ийнек сауалмайма.
- Билими азны – ауузунда кирит.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72