Эльбрусоид :: Форум :: Архив форумов

Чоюнну башы ачыкъ болса, итге уят керекди.
Элни кючю – эмеген.
Кёзден кетген, кёлден да кетеди.
Хар ишни да аллы къыйынды.
Къатын байлыкъны сюер, эр саулукъну сюер.
Киштикге къанат битсе, чыпчыкъ къалмаз эди.
Ёлген эшек бёрюден къоркъмайды.
Адамны аты башхача, акъылы да башхады.
Душманны тышы – акъ, ичи – къара.
Садакъачыны джаны – къапчыгъында.
Ач, тоймам, дейди, тойгъан, ач болмам, дейди.
Сёз къанатсыз учар.
Биреуге аманлыкъ этиб, кесинге игилик табмазса.
Билимли ёлмез, билимсиз кёрмез.
Джашны джигитлиги сорулур, къызны джигерлиги сорулур.
Керилген да, ургъан кибикди.
Кирсизни – саны таза, халалны – къаны таза.
Чыкълы кюнде чыкъмагъан, чыкъса къуру кирмеген.
Аман къатын алгъан, арыр, иги къатын алгъан джарыр.
Ариу – кёзге, акъыл – джюрекге.
Билген билмегенни юретген адетди.
Ач къалгъандан, кеч къалгъан къолай.
Уруну арты – къуру.
Сагъышы джокъ – джукъучу, акъылы джокъ – къаугъачы.
Миллетни бойну – базыкъ, аны бла кюрешген – джазыкъ.
Бойнуму джети джерден кессенг да, мен ол ишни этеллик тюлме.
Билгенни къолу къарны джандырыр.
Сёз – кюмюш, джыр – алтын.
Уллу къазанда бишген эт, чий къалмаз.
Айырылгъанланы айю ашар, бёлюннгенлени бёрю ашар.
Онгсузну – джакъла, тенгликни – сакъла.
Ата – билек, ана – джюрек!
Башы джабылгъан челекге, кир тюшмез.
Мал кёб болса, джууукъ кёб болур.
Намыс сатылыб алынмайды.
Эки итни арасына сюек атма, эки адамны арасында сёз чыгъарма.
Байны оноуу, джарлыгъа джарамаз.
Гырджын – тепсини тамадасы.
Минг тенг да азды, бир джау да кёбдю.
Сангырау къулакъ эл бузар.
Къартха ушагъан джаш – акъыллы, джашха ушагъан къарт – тели.
Ата Джуртун танымагъан, атасын да танымаз.
Ёлген ийнек сютлю болур.
Накъырда – кертини келечиси.
Кёл – къызбай, къол – батыр.
Къыйынлы джети элни къайгъысын этер.
Ашатыргъа иш – ашхы, ишлетирге аш – ашхы.
Къалгъан ишге къар джауар.
Кёбден умут этиб, аздан къуру къалма.
Ач къарным, тынч къулагъым.

Логин:
Пароль:
	Запомнить меня на этом компьютере

Забыли свой пароль?
Регистрация