- Айныгъанлы алты кюн, тогъайгъанлы тогъуз кюн.
- Юре билмеген ит, къонакъ келтирир.
- Адамны адамлыгъы къыйынлыкъда айгъакъланады.
- Адеби болмагъан къыз – тузсуз хант.
- Махтаннган къыз, тойда джукълар.
- Ариу сёзде ауруу джокъ.
- Адам къаллай бир ишленмесе, аллай бир кесин уллу кёреди.
- Тюзню ётмеги тюзде къалса да, тас болмаз.
- Чакъырылгъанны аты, чакъырылмагъанны багъасы болур.
- Халкъны юйю – туугъан джери.
- Уллу атлама – абынырса, уллу къабма – къарылырса.
- Айраннга суу къош, телиге джол бош.
- Башланнган иш битер, къымылдагъан тиш тюшер.
- Тёрде – темир таякълы, къаяда – чыпчыкъ аякълы.
- Биреу къой излей, биреу той излей.
- Ариу сёз аурууунгу алыр.
- Сёз – кюмюш, джыр – алтын.
- Ханнга да келеди хариблик.
- Эркишиге тары кебек танг кёрюнюр.
- Къызын тута билмеген, тул этер, джашын тута билмеген, къул этер.
- Намыс сатылыб алынмайды.
- Джюз элде джюз ёгюзюм болгъандан эсе, джюз джууугъум болсун.
- Чакъырылмагъан къонакъ къачан кетерин сормаз.
- Къонакъ кёб келюучю юйню, къазаны отдан тюшмез.
- Ишин билген, аны сыйын чыгъарады.
- Мен да «сен», дейме, сен да «кесим», дейсе.
- Хар сёзню орну барды.
- Адамны артындан къара сабан сюрме.
- Ач отунчуну ачыуу – бурнунда.
- Тёзгеннге, джабылгъан эшик ачылыр.
- Аман адамны тепсинге олтуртсанг, къызынгы тилер.
- Ёлген эшек бёрюден къоркъмайды.
- Уллу къазанда бишген эт, чий къалмаз.
- Аман адам этегингден тутса, кес да къач.
- Дженгил джетерикме деб, узун джолну къоюб, къысхасын барма.
- Ариу – кёзге, акъыл – джюрекге.
- Уллу суу бла уллу ауруудан башынгы сакъла.
- Ачлыкъ отха секиртир.
- Гитче джилтин уллу элни джандырыр.
- Атадан ёксюз – бир ёксюз, анадан ёксюз – эки ёксюз.
- Ёлюк кебинсиз къалмаз.
- Чоюнну башы ачыкъ болса, итге уят керекди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аллахха ийнаннган кишини, Аллах онгдурур ишин.
- Джашлыкъ этмеген, башлыкъ этмез.
- Башда акъыл болмаса, эки аякъгъа кюч джетер.
- Урама да – ёледи, сатама да – келеди.
- Джаным-тиним – окъуу, билим.
- Ачылгъан эт джабылыр, кёрген кёз унутмаз.
- Итли къонакъ джарашмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72