- Эринчекни эр алмаз, эр алса да, кёл салмаз, кёл салса да, кёб бармаз!
- Адамны сабийин сюйген джюреги, бычакъча, джитиди.
- Джырына кёре эжиую.
- Тамчы таш тешер.
- Эринчекни аурууу – кёб.
- Сабий болмагъан джерде, мёлек болмаз.
- Джети тилни билген джети кишиди.
- Тилчи бир сагъатха айлыкъ хата этер.
- Кёрмегеннге кебек – танг, битмегеннге сакъал – танг.
- Агъач халкъгъа алтынды, иссиликге салкъынды.
- Ойнай-ойнай кёз чыгъар.
- Бичгенде ашыкъма, тикгенде ашыкъ.
- Айранын берсенг, челегин да къызгъанма.
- Ачлыкъда тары гырджын халыуадан татлы.
- Ёпкелегенни ашы татлы болады.
- Тёрдеги кюлсе, эшикдеги ышарыр.
- Терек ауса, отунчу – кёб.
- Ауругъаннга – кийик саулукъ, джетген къызгъа – чилле джаулукъ.
- Аууз сакълагъан – джан сакълар.
- Аз сёлешген, къайгъысыз турур.
- Кёз – сюйген джерде, къол – ауругъан джерде.
- Айтхан – тынч, этген – къыйын.
- Эл элде бирер малынг болгъандан эсе, бирер тенгинг болсун.
- Ишин билген, аны сыйын чыгъарады.
- Тёрде – темир таякълы, къаяда – чыпчыкъ аякълы.
- Аууздан келген, къолдан келсе, ким да патчах болур эди.
- Къартны сыйын кёрмеген, къартлыгъында сыйлы болмаз.
- Мал тутхан – май джалар.
- Чомартха хар кюн да байрамды.
- Дуния малгъа сатылма, кесингден телиге къатылма.
- Дуния аламаты сен эсенг да, игиме деб айтма.
- Тенгни тенглиги джашай барсанг билинир.
- Кюн кёрмеген, кюн кёрсе, кюндюз чыракъ джандырыр.
- Ёлген эшек бёрюден къоркъмайды.
- Ашыкъгъанны этеги бутуна чырмалыр.
- Чалманны аллы къалай башланса, арты да алай барады.
- Телиге от эт десенг, юйюнге от салыр.
- Сибиртки да сыйлы болду, кюрек да кюнлю болду.
- Мураты болгъанны джюрек тебюую башхады.
- Джаш къарыу бла кючлю, къарт акъыл бла кючлю.
- Тёрени джагъы джокъ.
- Кимни – тили, тиши онглу, кимни – къолу, иши онглу.
- Бал чибинни ургъаны – ачы, балы – татлы.
- Джюз элде джюз ёгюзюм болгъандан эсе, джюз джууугъум болсун.
- Билим насыб берир, билим джолну керир.
- Рысхы – сют юсюнде кёмюк кибикди.
- Джашны джигитлиги сорулур, къызны джигерлиги сорулур.
- Тил джюрекге джол ишлейди.
- «Ёгюз, джаргъа джууукъ барма, меннге джюк боллукъса», - дегенди эшек.
- Аман киши кеси юйюнде – къонакъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72