Эльбрусоид :: Форум :: Архив форумов

Сакъламагъан затынга джолукъсанг, не бек къууанаса, не бек ачыйса.
Джарлы эскисин джамаса, къууаныр.
Чабакъгъа акъыл, табагъа тюшсе келеди.
Нарт сёз къарт болмаз.
Хар адамгъа кеси миннген тау кибик.
Ишни аллы бла къууанма да, арты бла къууан.
Кесинге джетмегенни, кёб сёлешме.
Ёлюр джаннга, ёкюл джокъ.
Ач отунчуну ачыуу – бурнунда.
Иги сёз – джаннга азыкъ, аман сёз башха – къазыкъ.
Тойгъанлыкъ къойгъа джарашады.
Къатыны харакетли болса, эри къымсыз болур.
Чабакъсыз кёлге къармакъ салгъанлыкъгъа, чабакъ тутмазса.
Тенгни тенглиги джашай барсанг билинир.
Тил бла келеди джыр да.
Юреннген ауруу къалмаз.
Къарнынг ауруса, ауузунгу тый
Мухарны эси – ашарыкъда.
Бет бетге къараса, бет да джерге къарар.
Суу да къайтады чыкъгъан джерине.
Тас болгъан бычакъны сабы – алтын.
Ауузу аманнга «иги», деме.
Джыйырма къойну юч джыйырма эбзе кюте эди.
Къумурсхала джыйылсала, пилни да джыгъадыла.
Тик ёргени, тик энгишгеси да болады.
Тели турса – той бузар.
Чёбню кёлтюрсенг, тюбюнден сёз чыгъар.
Билим насыб берир, билим джолну керир.
Аз сёлеш, кёб ишле.
Азыкъ аз болса, эртде орун сал.
Аман адам этегингден тутса, кес да къач.
Джумушакъ сёз къаты таякъны сындырыр.
Чыкълы кюнде чыкъмагъан, чыкъса къуру кирмеген.
Агъач халкъгъа алтынды, иссиликге салкъынды.
Айтылгъан сёз ызына къайтмаз.
Бастасын ашагъан, хантусун да ичер.
Къарыусузгъа кюлме, онгсузгъа тийме.
Кёзню ачылгъаны – иги, ауузну джабылгъаны – иги.
Аманнга да, игиге да оноусуз къатышма.
Тёгюлген тюгел джыйылмайды.
Гыдай эчки суугъа къараб, мюйюзле кёрмесе, джашма алкъын, дегенди.
Адеб этмеген, адеб кёрмез.
Джарлыны тону джаз битер.
Акъыллы айтыр эди, акъылсыз къоймайды.
Дуния мал дунияда къалады.
Окъдан джара эртде-кеч болса да бителир, сёз джара, ёмюрге къалыр.
Джашынгы кесинг юретмесенг, джашау юретир.
Иги болса, тамадама – махтау, аман болса, меннге – айыб.
Таукел тауну аудурур.
Бойнуму джети джерден кессенг да, мен ол ишни этеллик тюлме.

Логин:
Пароль:
	Запомнить меня на этом компьютере

Забыли свой пароль?
Регистрация