- Билим ат болуб да чабар, къуш болуб да учар.
- Къыз чыгъаргъан – къызыл къымжа.
- Тас болгъан бычакъны сабы – алтын.
- Уруну арты – къуру.
- Джарлыны тону джаз битер.
- Ашын ашагъанынгы, башын да сыйла.
- Къызгъанчдан ычхыныр, мухардан ычхынмаз.
- Окъ къызбайны джокълайды.
- Насыблы элин сюер, насыбсыз кесин сюер.
- Хоншуну тауугъу къаз кёрюнюр, келини къыз кёрюнюр.
- Джарлы джети элни сёзюн этер.
- Аз айтсам, кёб ангылагъыз.
- Кёл – къызбай, къол – батыр.
- Адам туугъан джеринде, ит тойгъан джеринде.
- Окъдан джара эртде-кеч болса да бителир, сёз джара, ёмюрге къалыр.
- Таула не мийик болсала да, аууш табылыр.
- Байлыкъ болгъан джерде, тынчлыкъ джокъду.
- Адебни адебсизден юрен.
- Аууз сакълагъан – джан сакълар.
- Кийимни бир кюнню аясанг, минг кюннге джарар.
- Джыгъылгъанны сырты джерден тоймаз.
- Чомартха хар кюн да байрамды.
- Тюзлюк тас болмайды.
- Къартны бурнун сюрт да, оноугъа тут.
- Кёкдеги болмаса, джердегин кёрмейди.
- Байлыкъдан саулукъ ашхыды.
- Эртде тургъан джылкъычыны эркек аты тай табар.
- Таукелге нюр джауар.
- Тилсиз миллет джокъ болур.
- Сагъышы джокъ – джукъучу, акъылы джокъ – къаугъачы.
- Къонакъ кёб келюучю юйню, къазаны отдан тюшмез.
- Итли къонакъ джарашмаз.
- Джырына кёре эжиую.
- Мухарны эси – ашарыкъда.
- Ашда – бёрю, ишде – ёлю.
- Джылар джаш, атасыны сакъалы бла ойнар.
- Ёлген аслан – сау чычхан.
- Кёб джат да, бек чаб.
- Чомарт джарлы болмаз.
- Дженгил джетерикме деб, узун джолну къоюб, къысхасын барма.
- Къуру гыбыт бек дыгъырдар.
- Таукел тауну аудурур.
- Тилчиден кери бол.
- Ургъан суудан башынгы сакъла.
- Эркишини аманы тиширыуну джылатыр.
- Ётюрюкден тюбю джокъ, кёлтюрюрге джиби джокъ.
- Къазанда болса, чолпугъа чыгъар.
- Терслик кетер, тюзлюк джетер.
- Тёрени джагъы джокъ.
- Байлыкъ адамны сокъур этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72