- Джюз элде джюз ёгюзюм болгъандан эсе, джюз джууугъум болсун.
- Арпа, будай – ащды, алтын, кюмюш а – ташды.
- Байлыкъдан саулукъ ашхыды.
- Душманны тышы – акъ, ичи – къара.
- Тилчиден кери бол.
- Кюлме джашха – келир башха.
- Алим болгъандан эсе, адам болгъан къыйынды.
- Кёлсюзден сёзсюз тууар.
- Тамбла алтындан бюгюн багъыр ашхы.
- Эллинг бла джау болсанг да, юйюнг бла джау болма.
- Суу кетер, таш къалыр.
- Зарда марда джокъ.
- Адам сёзге тынгыла, акъыл сёзню ангыла.
- Арба аугъандан сора, джол кёргюзтюучю кёб болур.
- Юйюнг бла джау болгъандан эсе, элинг бла джау бол.
- Орну джокъну – сыйы джокъ.
- Къартны сыйын кёрмеген, къартлыгъында сыйлы болмаз.
- Битмегеннге сакъал – танг.
- Къарын къуру болса, джюрек уру болур.
- Харам къарнашдан, халал тенг ашхы.
- Чомарт къонакъ юй иесин сыйлар.
- Кёб джашагъан – кёб билир.
- Джаным-тиним – окъуу, билим.
- Къарнынг къанлынга кийирир.
- Къарт болгъан джерде, берекет болур, сабий болгъан джерде, оюн болур.
- Ургъан суудан башынгы сакъла.
- Рысхы – насыбха къор.
- Бастасын ашагъан, хантусун да ичер.
- Къыйынлы джети элни къайгъысын этер.
- Бал – татлы, балдан да бала – татлы.
- Джюрекге ариу – кёзге да ариу.
- Тюз сёз баргъан сууну тыяр.
- Азыкълы ат арымаз, къатыны аман джарымаз.
- Зар адамны насыбы болмаз.
- Тойгъан джерге джети къайт.
- Халкъны юйю – туугъан джери.
- Къулакъдан эсе, кёзге ышан.
- Ач къарным, тынч къулагъым.
- Иги джашны ышаны – аз сёлешиб, кёб тынгылар.
- Къонакъ аз олтурур, кёб сынар.
- Азыкъ аз болса, эртде орун сал.
- Чабакъсыз кёлге къармакъ салгъанлыкъгъа, чабакъ тутмазса.
- Ичимден чыкъды хата, къайры барайым сата?
- Бетинги сатма, малынгы сат.
- Эрине къаргъыш этген къатын, эрнин къабар.
- Джангыз терек къынгыр ёсер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Адебни адебсизден юрен.
- Тамырсыз терекге таянма – джыгъылырса.
- Ата джурт – алтын бешик.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72