- Терслик кетер, тюзлюк джетер.
- Сёлеш деб шай берген, тохта деб, сом берген.
- Уллу къазанда бишген эт, чий къалмаз.
- Акъыл аздырмаз, билим тоздурмаз.
- Чакъырылмагъан джерге барма, чакъырылгъан джерден къалма.
- Къанны къан бла джуума, аманны аман бла къуума.
- Нафысынгы айтханын этме, намысынгы айтханын эт.
- Гитче джилтин уллу элни джандырыр.
- Сабий кёргенин унутмаз.
- Тюзню ётмеги тюзде къалса да, тас болмаз.
- Тенгни тенглиги джашай барсанг билинир.
- Эл элде бирер малынг болгъандан эсе, бирер тенгинг болсун.
- Уллу суу бла уллу ауруудан башынгы сакъла.
- Абынмазлыкъ аякъ джокъ, джангылмазлыкъ джаякъ джокъ.
- Билмейме деген – бир сёз
- Ашаса, ашамаса да, бёрюню ауузу – къан.
- Харам къарнашдан, халал тенг ашхы.
- Туз, гырджын аша, тюзлюк бла джаша.
- Нёгерсизни джолу узун.
- Кютгени беш эчки, сызгъыргъаны уа, джерни джарады.
- Бичгенде ашыкъма, тикгенде ашыкъ.
- Иги – алгъыш этер, аман – къаргъыш этер.
- Ашхы адам – халкъ байлыгъы, ашхы джер – джашау байлыгъы.
- Эрине къаргъыш этген къатын, эрнин къабар.
- Арбаз къынгырды да, ийнек сауалмайма.
- Телини эшигин, махтау джабар.
- Кесине гебен этелмеген, биреуге черен эте эди.
- Онгсузну – джакъла, тенгликни – сакъла.
- Татлы сёз – балдан татлы.
- Ауурну тюбю бла, дженгилни башы бла джюрюген.
- Ауругъанны сау билмез, ач къарынны токъ билмез.
- Азыкъ аз болса, эртде орун сал.
- Акъыл къартда, джашда тюйюлдю – башдады.
- Кирсизни – саны таза, халалны – къаны таза.
- «Ёгюз, джаргъа джууукъ барма, меннге джюк боллукъса», - дегенди эшек.
- Гыдай эчки суугъа къараб, мюйюзле кёрмесе, джашма алкъын, дегенди.
- Къолунгдан къуймакъ ашатсанг да, атаны борчундан къутулмазса.
- Окъуу – билимни ачхычы, окъуу – дунияны бачхычы.
- Чыбыкълыкъда бюгюлмеген, къазыкълыкъда бюгюлмей эди.
- Кёлю джокъну – джолу джокъ.
- Таукел тауну аудурур.
- Джогъун бар этген, барын бал этген.
- Тёрдеги кюлсе, эшикдеги ышарыр.
- Игиге айтсанг – билир, аманнга айтсанг – кюлюр.
- Билим насыб берир, билим джолну керир.
- Ашыкъгъанны этеги бутуна чырмалыр.
- Сормай – алма, чакъырылмай – барма.
- Къыз келсе, джумуш эте келеди, къатын келсе, ушакъ эте келеди.
- Джаз бир кюнню джатсанг, къыш талай кюнню абынырса.
- Сескекли кесин билдирир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72