- Адам сёзге тынгыла, акъыл сёзню ангыла.
- Джюз элде джюз ёгюзюм болгъандан эсе, джюз джууугъум болсун.
- Чакъырылмагъан къонакъ – орунсуз.
- Ишлегенден, къарагъан уста.
- Чомартны къолун джокълукъ байлар.
- Ишин билген, аны сыйын чыгъарады.
- Чабакъ башындан чирийди.
- Тойгъанлыкъ къойгъа джарашады.
- Биреуге аманлыкъ этиб, кесинге игилик табмазса.
- Билген билмегенни юретген адетди.
- Акъыл аздырмаз, билим тоздурмаз.
- Игиге айтсанг – билир, аманнга айтсанг – кюлюр.
- Аман къатын сабий табса, бий болур…
- Ушамагъан – джукъмаз.
- Окъуусуз билим – джокъ, билимсиз кюнюнг – джокъ.
- Акъыл къартда, джашда тюйюлдю – башдады.
- Нёгер болсанг, тенг бол, тенг болмасанг, кенг бол.
- Хантына кёре тузу, юйюне кёре къызы.
- Чакъырылгъанны аты, чакъырылмагъанны багъасы болур.
- От кюйдюрген, сау болса да, тот кюйдюрген, сау болмаз.
- Ачыкъ джюрекге джол – ачыкъ.
- Арба аугъандан сора, джол кёргюзтюучю кёб болур.
- Къобан да къуру да къобханлай турмайды, адам да къуру да патчахлай турмайды.
- Къарт бла баш аша, джаш бла аякъ аша.
- Къоркъакъны кёзю экили кёрюр.
- Кирсизни – саны таза, халалны – къаны таза.
- Эте билген, этген этеди, эте билмеген, юретген этеди!
- Мени джылытмагъан кюн, меннге тиймесин!
- Ата Джуртун танымагъан, атасын да танымаз.
- Къызны минг тилер, бир алыр.
- Джарлы эскисин джамаса, къууаныр.
- Окъугъан – асыу, окъумагъан – джарсыу.
- Окъдан джара эртде-кеч болса да бителир, сёз джара, ёмюрге къалыр.
- Къонакъ хазыр болгъанлыкъгъа, къонакъбай хазыр тюлдю.
- Танг атмайма десе да, кюн къоярыкъ тюйюлдю.
- Чомарт бергенин айтмаз.
- Бозанг болмагъан джерге, къалагъынгы сукъма.
- Къаллай салам берсенг, аллай джууаб алырса.
- Къайгъыны сюйген, къайгъы табар.
- Мухарны эси – ашарыкъда.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джюрекге ариу – кёзге да ариу.
- Чабакъсыз кёлге къармакъ салгъанлыкъгъа, чабакъ тутмазса.
- Кёзден кетген, кёлден да кетеди.
- Ётюрюк хапар аякъ тюбю бла джюрюйдю.
- Ишленмеген джаш – джюгенсиз ат, ишленмеген къыз – тузсуз хант.
- Зар адам ашынгы ашар, кесинги сатар.
- Этни бети бла шорпасы.
- Дуния аламаты сен эсенг да, игиме деб айтма.
- Кёб ант этген, кёб ётюрюк айтыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72