- Баш болса, бёрк табылыр.
- Къарт айтханны этмеген, къартаймаз.
- Джуртун къоругъан озар.
- Суу да къайтады чыкъгъан джерине.
- Билимсиз иш бармаз.
- Джырчы джырчыгъа – къарнаш.
- Кюлме джашха – келир башха.
- Джарлы тюеге минсе да, ит къабар.
- Сёз – кюмюш, джыр – алтын.
- Ёмюрлюк шохлукъну джел элтмез.
- Аман къатын сабий табса, бий болур…
- Ишлегенден, къарагъан уста.
- Юреннген ауруу къалмаз.
- Къолу уллу – асыу, аягъы уллу – джарсыу.
- Азыкълы ат арымаз, къатыны аман джарымаз.
- Акъылсызны джууукъгъа алма, акъыллыны кенгнге салма.
- Бети – къучакълар, джюреги – бычакълар.
- Мал ёлсе, сюек къалыр, адам ёлсе, иши къалыр.
- Баргъанынга кёре болур келгенинг.
- Келгинчи, къонакъ уялыр, келгенден сора, къонакъбай уялыр.
- Илму – джашауну джолу.
- Атадан ёксюз – бир ёксюз, анадан ёксюз – эки ёксюз.
- Чакъырылмагъан къонакъ къачан кетерин сормаз.
- Мадар болса, къадар болур.
- Ёпкелегенни ашы татлы болады.
- Ат да турмайды бир териде.
- Тойгъандан сора, ашны сёкме.
- Ашхы сёз таш тешер.
- Ариу сёз – джаннга азыкъ, аман сёз – башха къазыкъ.
- Ат басханны джер билед.
- Гугурук къычырмаса да, тангны атары къалмаз.
- Аджалсыз ёлюм болмаз.
- Махтаннган къыз, тойда джукълар.
- Таукел тауну аудурур.
- Кёзю сокъурдан – къоркъма, кёлю сокъурдан – къоркъ.
- Ата – баланы уясы.
- Таякъ этден ётер, тил сюекден ётер.
- Джыгъылгъанны сырты джерден тоймаз.
- Тойгъа барсанг, тоюб бар, эски тонунгу къоюб бар.
- Кеси юйюмде мен да ханма.
- Тилчи тилден къаныкъмаз.
- Арбаз къынгырды да, ийнек сауалмайма.
- Таугъа чыгъаллыкъ эсенг, тюзде къалма.
- Бал ашаргъа сюе эсенг, чибин ургъаннга тёз.
- Ашхы адам – халкъ байлыгъы, ашхы джер – джашау байлыгъы.
- Адеб этмеген, адеб кёрмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Айтханы чапыракъдан ётмеген.
- Кирсизни – саны таза, халалны – къаны таза.
- Бозанг болмагъан джерге, къалагъынгы сукъма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72