- Аш кетер да бет къалыр.
- Айтхан сёзюне табылгъан.
- Джырчы ёлсе, джыры къалыр.
- Гугурук къычырмаса да, тангны атары къалмаз.
- Къарт айтханны этмеген, къартаймаз.
- Къартны бурнун сюрт да, оноугъа тут.
- Аджаллыгъа окъсуз шкок атылыр.
- Байлыкъдан саулукъ ашхыды.
- Ёлмесенг да, къарт дамы болмазса?
- Къонакъ болсанг, ийнакъ бол.
- Кёб къычыргъандан – къоркъма, тынч олтургъандан – къоркъ.
- Ишлемеген – тишлемез.
- Аман киши кеси юйюнде – къонакъ.
- Джаным-тиним – окъуу, билим.
- Башда акъыл болмаса, эки аякъгъа кюч джетер.
- Тели турса – той бузар.
- Ёгюзню мюйюзлери ауурлукъ этмейдиле.
- Ёгюзню мюйюзюнден тутадыла, адамны сёзюнден тутадыла.
- Сабий кёргенин унутмаз.
- Адам сёзюнден белгили.
- Адам къаллай бир ишленмесе, аллай бир кесин уллу кёреди.
- Иесиз малны бёрю ашар.
- Джюрекге ариу – кёзге да ариу.
- Тёзгеннге, джабылгъан эшик ачылыр.
- Кюл тюбюндеги от кёрюнмейди.
- Башы джабылгъан челекге, кир тюшмез.
- Юйюнг бла джау болгъандан эсе, элинг бла джау бол.
- Ата Джуртуму башы болмасам да, босагъасында ташы болайым.
- Уруну арты – къуру.
- Эл ауузу – элек, анга ийнаннган – халек.
- Накъырданы арты керти болур.
- Тойгъан джерден туугъан джер игиди.
- Кёкдеги болмаса, джердегин кёрмейди.
- Сёз къанатсыз учар.
- «Ёгюз, джаргъа джууукъ барма, меннге джюк боллукъса», - дегенди эшек.
- Ачны эсинде – аш.
- Ёмюрлюк шохлукъну джел элтмез.
- Акъыл неден да кючлюдю.
- Урунуу – насыбны анасы.
- Телиге акъыл салгъандан эсе, ёлгеннге джан салырса.
- Къарны аманнга къазан такъдырма, къолу аманнга от джакъдырма.
- Баш – акъыл ючюн, акъылман – халкъ ючюн.
- Бермеген къол, алмайды.
- Кёпюр салгъан кеси ётер, уру къазгъан кеси кетер.
- Ашхы сёз таш тешер.
- Ойнай билмеген, уруб къачар.
- Сабийни джумушха джибер да, ызындан бар.
- Къазанда болса, чолпугъа чыгъар.
- Кесинге джетмегенни, кёб сёлешме.
- Чакъырылмагъан къонакъ тёрге атламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72