- Мал кёб болса, джууукъ кёб болур.
- Эркишини аманы тиширыуну джылатыр.
- Джарлыны тону джаз битер.
- Бети – къучакълар, джюреги – бычакълар.
- Ётюрюкню башын керти кесер.
- Кийимни бир кюнню аясанг, минг кюннге джарар.
- Келлик заман – къартлыкъ келтирир, кетген заман – джашлыкъ ёлтюрюр.
- Накъырда – кертини келечиси.
- Кёзден кетген, кёлден да кетеди.
- Ариуну – ауруу кёб.
- Акъыллы – эл иеси, тели – эл баласы.
- Къарыусузгъа кюлме, онгсузгъа тийме.
- Кёкдеги болмаса, джердегин кёрмейди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тилсиз миллет джокъ болур.
- Телини эшигин, махтау джабар.
- Асхат ашлыкъ сата, юйдегиси ачдан къата.
- Акъдан къара болмаз.
- Сангырау къулакъ эл бузар.
- Рысхы джалгъанды: келген да этер, кетген да этер.
- Чалманны аллы къалай башланса, арты да алай барады.
- Тюзлюк тас болмайды.
- Бир онгсуз адам адет чыгъарды, деб эштирик тюлсе.
- Ашлыкъ – бюртюкден, джюн – тюкден.
- Джол бла сёзню къыйыры джокъ.
- Чыкълы кюнде чыкъмагъан, чыкъса къуру кирмеген.
- Юреннген ауруу къалмаз.
- Хар сёзню орну барды.
- Юй ишлеген балта эшикде къалыр.
- Джан саулукъ бермей, сан саулукъ бермезсе.
- Тас болгъан бычакъны сабы – алтын.
- Элиб деген, элге болушур.
- Эр абынмай, эл танымаз.
- Аманнга алтын чыдамаз.
- Халкъгъа джарагъан, джарлы къалмаз.
- Таш ата билмеген, башына урур.
- Туз, гырджын аша, тюзлюк бла джаша.
- Къыйынлы джети элге оноу этер.
- Аджаллыгъа окъсуз шкок атылыр.
- Ауругъанны сау билмез, ач къарынны токъ билмез.
- Айран тёгюлсе, джугъусу къалыр.
- Джумушакъ сёз къаты таякъны сындырыр.
- Къатыны харакетли болса, эри къымсыз болур.
- Айыбны суу бла джууалмазса.
- Душманны тышы – акъ, ичи – къара.
- Ёлген ийнек сютлю болур.
- Алим болгъандан эсе, адам болгъан къыйынды.
- Башы ишлегенни, ауузу да ишлер.
- Къралынгы – душмандан, башынгы от бла суудан сакъла.
- Адебни адебсизден юрен.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72