- Акъыл сабырлыкъ берир.
- Узун джолну барсанг, бюгюн келирсе, къысха джолну барсанг, тамбла келирсе.
- Намысы болмагъанны, сыйы болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Эли джокъну – кёлю джокъ.
- Кёбден умут этиб, аздан къуру къалма.
- Къалгъан ишге къар джауар.
- Ач бёрюге мекям джокъ.
- Къонакъ аман болса, къонакъбай джунчур
- Сабий болмагъан джерде, мёлек болмаз.
- Суу ичген шауданынга тюкюрме.
- Башынга джетмегенни сорма.
- Бюгюн дуния кибик, тамбла ахыратды.
- Къатыны харакетли болса, эри къымсыз болур.
- Бастасын ашагъан, хантусун да ичер.
- Адамны адамлыгъы къыйынлыкъда айгъакъланады.
- Хар зат кесини орнуна иги.
- Термилгенинги табмазса, кюлгенинге тюберсе.
- Ашаса, ашамаса да, бёрюню ауузу – къан.
- Аман къатын алгъан, арыр, иги къатын алгъан джарыр.
- Кеси юйюмде мен да ханма.
- Уллу айтханны этмеген – уллаймаз.
- Нёгер болсанг, тенг бол, тенг болмасанг, кенг бол.
- Уллу сёлешме да, уллу къаб.
- Ата Джуртуму башы болмасам да, босагъасында ташы болайым.
- Адам боллукъ, атламындан белгили болур.
- Ач къарным, тынч къулагъым.
- Сёз – кюмюш, джыр – алтын.
- Аш иеси бла татлыды.
- Насыблы элин сюер, насыбсыз кесин сюер.
- Биреуню къыйынлыгъы бла кесинге джол ишлеме.
- Ариу сёз – джаннга азыкъ, аман сёз – башха къазыкъ.
- Адамны аты башхача, акъылы да башхады.
- Иги болса, тамадама – махтау, аман болса, меннге – айыб.
- Алтыда кюлмеген, алтмышда кюлмез.
- Сёз садакъдан кючлюдю.
- Хазыр ашха – терен къашыкъ.
- Къарт айтханны этмеген, къартаймаз.
- Чыбыкълыкъда бюгюлмеген, къазыкълыкъда бюгюлмей эди.
- Шайтан алдады, тюзлюк къаргъады.
- Ашын ашагъанынгы, башын да сыйла.
- Джарлы джети элни сёзюн этер.
- Байны оноуу, джарлыгъа джарамаз.
- Аманнга да, игиге да оноусуз къатышма.
- Уясында не кёрсе, учханында аны этер.
- Кечеси – аяз, кюню – къыш, джарлы къаргъагъа бир аш тюш!
- Ёзденликни кёбю ётюрюк.
- Билмегенинги, билгеннге сор.
- Къуру гыбыт бек дыгъырдар.
- Малны кют, джерни тюрт.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72