- Адеб этмеген, адеб кёрмез.
- Зарда марда джокъ.
- Кёб джашагъан – кёб билир.
- Ач да бол, токъ да бол – намысынга бек бол.
- Таш бла ургъанны, аш бла ур.
- Акъылсызны джууукъгъа алма, акъыллыны кенгнге салма.
- Игиге айтсанг – билир, аманнга айтсанг – кюлюр.
- Эл ауузу – элек, анга ийнаннган – халек.
- Ат да турмайды бир териде.
- Миллетни бойну – базыкъ, аны бла кюрешген – джазыкъ.
- Алтыда кюлмеген, алтмышда кюлмез.
- Ёмюрлюк шохлукъну джел элтмез.
- Тели турса – той бузар.
- Байма, деб да, къууанма, джарлыма, деб да, джылама.
- Къулакъдан эсе, кёзге ышан.
- Насыблы элин сюер, насыбсыз кесин сюер.
- Урама да – ёледи, сатама да – келеди.
- Къыз чыгъаргъан – къызыл къымжа.
- Аш хазыр болса, иш харам болур.
- Къайтырыкъ эшигинги, къаты уруб чыкъма.
- Аман хансны – урлугъу кёб.
- Акъыл бла адеб эгизледиле.
- Юйюнгден чыкъдынг – кюнюнгден чыкъдынг.
- Терек ауса, отунчу – кёб.
- Кийимни бичсенг, кенг бич, тар этген къыйын тюлдю.
- «Ёгюз, джаргъа джууукъ барма, меннге джюк боллукъса», - дегенди эшек.
- Хансыз джомакъ болмаз.
- Эшекге миннген – биринчи айыб, андан джыгъылгъан – экинчи айыб.
- Таукел тауну аудурур.
- Ач къарным, тынч къулагъым.
- Аманны эки битли тону болур, бирин сеннге кийдирир, бирин кеси киер.
- Къарнынг бла ёч алма.
- Хаухну атма, ёнгкючню сатма.
- Бек ашыкъгъан меннге джетсин, дегенди аракъы.
- Билмезни кёзю кёрмез, этмезни къулагъы эшитмез.
- Эки элинги тыйсанг, джети элде махталырса.
- Мадар болса, къадар болур.
- Чакъырылгъанны аты, чакъырылмагъанны багъасы болур.
- Кимни – тили, тиши онглу, кимни – къолу, иши онглу.
- Юйлю уругъа ит чабмаз.
- Эл тойса, тоймагъан, эл къойса, къоймагъан.
- Чомартны къолун джокълукъ байлар.
- Рысхы – сют юсюнде кёмюк кибикди.
- Джыланны къуйругъундан басарынг келсе, аны башы болгъанын унутма.
- Рысхысына кёре, джаш ёсер, къышлыгъына кёре, мал ёсер.
- Айранын берсенг, челегин да къызгъанма.
- Кёб джат да, бек чаб.
- Кенгеш болса, уруш болмаз.
- Акъдан къара болмаз.
- Адам къыйынлыгъын кёлтюрюр, зауукълугъун кёлтюрмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72