- Ишлегенде эринме, ишде чолакъ кёрюнме.
- Джауумдан сора, кюн кюйдюрюр, ётюрюкден сора, айыб кюйдюрюр.
- Таш бла ургъанны, аш бла ур.
- Ач къарным, тынч къулагъым.
- Джаным-тиним – окъуу, билим.
- Окъумагъан сокъурду, сокъур ташха абыныр!
- Джети тилни билген джети кишиди.
- Сыфатында болмагъаны, суратында болмаз.
- Дуния малгъа сатылма, кесингден телиге къатылма.
- Джукъу тёшек сайламайды.
- Хата – гитчеден.
- Айран ичген – къутулду, джугъусун джалагъан – тутулду.
- Эртде тургъан бла эртде юйленнген сокъуранмаз.
- Билмегенинги, билгеннге сор.
- Адамны бетине къарама, адетине къара.
- Тамырсыз терекге таянма – джыгъылырса.
- Бети бедерден, намыс сакълама.
- Уясында не кёрсе, учханында аны этер.
- Джаралыны джастыгъында сау ёлюр.
- Бир онгсуз адам адет чыгъарды, деб эштирик тюлсе.
- Адамны аманы адамны бети бла ойнар.
- Сагъышы джокъ – джукъучу, акъылы джокъ – къаугъачы.
- Ойнаб айтсанг да, эслеб айт.
- Аш берме да, къаш бер.
- Мени джылытмагъан кюн, меннге тиймесин!
- Аякъларынгы джууургъанынга кёре узат.
- Телиге от эт десенг, юйюнге от салыр.
- Чакъырылмагъан къонакъ къачан кетерин сормаз.
- Кёлю джокъну – джолу джокъ.
- Юйюнг бла джау болгъандан эсе, элинг бла джау бол.
- Джан саулукъ бермей, сан саулукъ бермезсе.
- Шекер бла туз – бир болмаз, ушамагъан – юй болмаз.
- Къолу уллу – асыу, аягъы уллу – джарсыу.
- Чалманны аллы къалай башланса, арты да алай барады.
- «Ма», - дегенни билмесенг, «бер», - дегенни билмезсе.
- Къызын тута билмеген, тул этер, джашын тута билмеген, къул этер.
- Чомарт къолда мал къалмаз.
- Окъ къызбайны джокълайды.
- Игини сыйлагъан адетди.
- Ашаса, ашамаса да, бёрюню ауузу – къан.
- Хар зат кесини орнуна иги.
- Чомартны къолун джокълукъ байлар.
- Кесинг сынамагъан затны, адамгъа буюрма.
- Тюз сёз баргъан сууну тыяр.
- Аманны эки битли тону болур, бирин сеннге кийдирир, бирин кеси киер.
- Тиширыусуз юй – отсуз от джагъа.
- Тили узунну, намысы – къысха.
- Миллетни бойну – базыкъ, аны бла кюрешген – джазыкъ.
- Иги адамны бир сёзю эки болмаз.
- Адамны аты башхача, акъылы да башхады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72