- Бир абыннган – минг сюрюнюр.
- Джаханимни кёрмей, джандетге кёл салмазса.
- Джетген къыз джерли эшекни танымаз.
- Ёзденликни кёбю ётюрюк.
- Тамчы таш тешер.
- Тёзген – тёш ашар!
- Атадан ёксюз – бир ёксюз, анадан ёксюз – эки ёксюз.
- Ётген ёмюр – акъгъан суу.
- Чомарт бергенин айтмаз.
- Мал тутхан – май джалар.
- Рысхы – насыбха къор.
- Уллу атлама – абынырса, уллу къабма – къарылырса.
- Къатын къылыкъсыз, эр тынчлыкъсыз.
- Бети – къучакълар, джюреги – бычакълар.
- Ёгюзню мюйюзлери ауурлукъ этмейдиле.
- Кёлю джокъну – джолу джокъ.
- Кийим тукъум сордурур.
- Келинин тута билмеген, къул этер, къызын тута билмеген, тул этер.
- Къарыусузгъа кюлме, онгсузгъа тийме.
- Биреуню тёрюнден, кесинги эшик артынг игиди.
- Къазанчы аман болса, къазаны къайнамаз.
- Ачылгъан эт джабылыр, кёрген кёз унутмаз.
- Мураты болгъанны джюрек тебюую башхады.
- Ариу джол аджал келтирмез.
- Ана кёлю – балада, бала кёлю – талада.
- Ишин билген, аны сыйын чыгъарады.
- Чыкълы кюнде чыкъмагъан, чыкъса къуру кирмеген.
- Къалгъан ишге къар джауар.
- Ата Джуртча джер болмаз, туугъан элча эл болмаз.
- Ашатыргъа иш – ашхы, ишлетирге аш – ашхы.
- Акъыллы эркиши атын махтар, акъылсыз эркиши къатынын махтар.
- Сабийликде юретмесенг, уллу болса – тюзелмез.
- Таукел адам тау тешер.
- Аман къатын алгъан, арыр, иги къатын алгъан джарыр.
- Джангыз торгъай джырламаз.
- Тёрени джагъы джокъ.
- Таш бла ургъанны, аш бла ур.
- Телиге акъыл салгъандан эсе, ёлгеннге джан салырса.
- Арыгъан къош чамчы болур.
- Тойгъа алгъа да барма, тойда артха да къалма.
- Джерни букъусу кёкге къонмаз.
- Магъанасыз сёз – тауушсуз сыбызгъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кюн – узун, ёмюр – къысха.
- Адеби болмагъан къыз – тузсуз хант.
- Гугурук къычырмаса да, тангны атары къалмаз.
- Ёнгкюч къууана барыр, джылай келир.
- Мухарны эси – ашарыкъда.
- Байлыкъ адамны сокъур этер.
- Къая джолда джортма, ачыкъ сёзден къоркъма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72