- Чалманны аллы къалай башланса, арты да алай барады.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёгюзню мюйюзюнден тутадыла, адамны сёзюнден тутадыла.
- Джюрекге ариу – кёзге да ариу.
- Ханы къызы буюгъа-буюгъа киштик болду.
- Туз, гырджын аша, тюзлюк бла джаша.
- Бети бедерден, намыс сакълама.
- Тенгни тенглиги джашай барсанг билинир.
- Къууут – джелге, берне – бошха.
- Байлыкъ болгъан джерде, тынчлыкъ джокъду.
- Акъыл сабырлыкъ берир.
- Кийимни бичсенг, кенг бич, тар этген къыйын тюлдю.
- Алгъанда – джууукъ, бергенде – джау.
- Билимсиз иш бармаз.
- Аман къатын сабий табса, бий болур…
- Зар адамны насыбы болмаз.
- Ишлерге уял да, ашаргъа табма.
- Баланы адам этген анады.
- Босагъа таш юйге кирмей эди, тыбыр таш эшикге чыкъмай эди.
- Алим болгъандан эсе, адам болгъан къыйынды.
- Бет бетге къараса, бет да джерге къарар.
- Келинни – келгинчи, бёркню кийгинчи кёр.
- Экеулен сёлеше тура эселе, орталарына барыб кирме.
- Сакъалы текени да бар, мыйыгъы киштикни да бар.
- Кесине оноу эте билмеген, халкъына да эте билмез.
- Ашарыкъда сайлагъаннга – чий гырджын.
- Адам сёзге тынгыла, акъыл сёзню ангыла.
- Гырджын – тепсини тамадасы.
- Кюлме джашха – келир башха.
- Къолунгдан къуймакъ ашатсанг да, атаны борчундан къутулмазса.
- Гугук кесини атын айтыб къычыргъанча, мен, мен деб нек тураса?
- Къарнынг тойгъунчу аша да, белинг талгъынчы ишле.
- Къыйынлы джети элни къайгъысын этер.
- Къызны минг тилер, бир алыр.
- Чакъырылмагъан къонакъ къачан кетерин сормаз.
- Тойгъан джерден туугъан джер игиди.
- Сагъышы джокъ – джукъучу, акъылы джокъ – къаугъачы.
- Суу ичген шауданынга тюкюрме.
- Сёз къанатсыз учар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тенгинг джокъ эсе – изле, бар эсе – сакъла!
- Тюкюрюк баш джармаз, налат кёз чыгъармаз!
- Уллу суу бла уллу ауруудан башынгы сакъла.
- Таугъа чыгъаллыкъ эсенг, тюзде къалма.
- Биреуге аманлыкъны тилеме да, кесинге ашхылыкъны тиле.
- От этилмеген джерден тютюн чыкъмайды.
- Миллетни бойну – базыкъ, аны бла кюрешген – джазыкъ.
- Мухардан ач ычхынмаз.
- Чомартны къолун джокълукъ байлар.
- Рысхы – сют юсюнде кёмюк кибикди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72