- Уруну арты – къуру.
- Бек анасы джыламаз.
- Суу кетер, таш къалыр.
- Ёнгкюч къууана барыр, джылай келир.
- Телини эшигин, махтау джабар.
- Сакъ юйюне сау барыр.
- Хансыз джомакъ болмаз.
- Айырылгъанланы айю ашар, бёлюннгенлени бёрю ашар.
- Рысхысына кёре, джаш ёсер, къышлыгъына кёре, мал ёсер.
- Къыз келсе, джумуш эте келеди, къатын келсе, ушакъ эте келеди.
- Билим насыб берир, билим джолну керир.
- Тойгъа барсанг, тоюб бар, эски тонунгу къоюб бар.
- Окъ къызбайны джокълайды.
- Тынгылагъан тынгы бузар.
- Къанны къан бла джуума, аманны аман бла къуума.
- Къыйынлы джети элге оноу этер.
- Эрни эр этерик да, къара джер этерик да, тиширыуду.
- Тилде сюек болмаса да, сюек сындырыр.
- Арбаз къынгырды да, ийнек сауалмайма.
- Джырына кёре эжиую.
- Суугъа – таянма, джаугъа – ийнанма.
- Аджал соруб келмез, келсе, къайтыб кетмез.
- Адам къаллай бир ишленмесе, аллай бир кесин уллу кёреди.
- Джаралыны джастыгъында сау ёлюр.
- Уллу айтханны этмеген – уллаймаз.
- Агъач халкъгъа алтынды, иссиликге салкъынды.
- Итли къонакъ джарашмаз.
- Къартны сыйын кёрмеген, къартлыгъында сыйлы болмаз.
- Аманнга алтын чыдамаз.
- Сютден ауузу кюйген, суугъа юфгюре эди.
- Эр сокъур болсун, къатын тилсиз болсун.
- Терек ауса, отунчу – кёб.
- Джырчы ёлсе, джыры къалыр.
- Аман къатын сабий табса, бий болур…
- Соргъан айыб тюлдю, билмеген айыбды.
- Терслик кетер, тюзлюк джетер.
- Джумушакъ терекни къурт ашар.
- Чакъырылмай келген къонакъ сыйланмай кетер.
- Билеги кючлю, бирни джыгъар, билими кючлю, мингни джыгъар.
- Чакъырылмагъан джерге барма, чакъырылгъан джерден къалма.
- Чабар ат – джетген къыз.
- Кёпюр салгъан кеси ётер, уру къазгъан кеси кетер.
- Хар зат кесини орнуна иги.
- Билмегенинги, билгеннге сор.
- Къарнынг бла ёч алма.
- Джырчы джырчыгъа – къарнаш.
- Эски джаугъа ышанма.
- Акъыл бла адеб эгизледиле.
- Джарлы джети элни сёзюн этер.
- Бозанг болмагъан джерге, къалагъынгы сукъма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72