- Ёксюзню къалачы уллу кёрюнюр.
- Къуллукъчума, деб махтанма, къуллукъ – хаух джамчыды!
- Къыз келсе, джумуш эте келеди, къатын келсе, ушакъ эте келеди.
- Чабакъ башындан чирийди.
- Чомарт къонакъ юй иесин сыйлар.
- Эл ауузу – элек, анга ийнаннган – халек.
- Байлыкъ тауусулур, билим тауусулмаз.
- Атынг аманнга чыкъгъандан эсе, джанынг тамагъынгдан чыкъсын.
- Чомартха хар кюн да байрамды.
- Тин – байлыгъынг, терен саулугъунг.
- Аман къатын сабий табса, бий болур…
- Джукъу тёшек сайламайды.
- Ачыу алгъа келсе, акъыл артха къалады.
- Насыб бютеу халкъны юлюшюдю.
- Терек ауса, отунчу – кёб.
- Ариу джол аджал келтирмез.
- Къазанны башы ачыкъ болса, итге уят керекди.
- «Ёгюз, джаргъа джууукъ барма, меннге джюк боллукъса», - дегенди эшек.
- Мен да «сен», дейме, сен да «кесим», дейсе.
- Сууда джау джокъ, кёб сёзде магъана джокъ.
- Мухардан ач ычхынмаз.
- Тил – миллетни джаны.
- Юре билмеген ит, къонакъ келтирир.
- Къызын тута билмеген, тул этер, джашын тута билмеген, къул этер.
- Бастасын ашагъан, хантусун да ичер.
- Окъугъан – асыу, окъумагъан – джарсыу.
- Сибиртки да сыйлы болду, кюрек да кюнлю болду.
- Биреуню тёрюнден, кесинги эшик артынг игиди.
- Гырджын – тепсини тамадасы.
- Иши джокъну, сыйы джокъ.
- Намысы джокъну – дуниясы джокъ.
- Сакъалы текени да бар, мыйыгъы киштикни да бар.
- Ауругъаннга – кийик саулукъ, джетген къызгъа – чилле джаулукъ.
- Билимли ёлмез, билимсиз кёрмез.
- Ётюрюк хапар аякъ тюбю бла джюрюйдю.
- Къыйынлы джети элни къайгъысын этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Джумушакъ терекни къурт ашар.
- Къонагъы джокъну – шоху джокъ.
- Бети къызарыучу адамны, джюреги харам болмаз.
- Ата джурт – алтын бешик.
- Байны къызы баймакъ болса да, юйде къалмаз!
- Джаным-тиним – окъуу, билим.
- Байма, деб да, къууанма, джарлыма, деб да, джылама.
- Ана – юйню кюн джарыгъы.
- Тили узунну, намысы – къысха.
- Гугук кесини атын айтыб къычыргъанча, мен, мен деб нек тураса?
- Башы ишлегенни, ауузу да ишлер.
- Таукелге нюр джауар.
- Ётюрюкчюню шагъаты – къатында.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72