- Танг атмайма десе да, кюн къоярыкъ тюйюлдю.
- Таула не мийик болсала да, аууш табылыр.
- Кюн кёрмеген, кюн кёрсе, кюндюз чыракъ джандырыр.
- Къызбайны юйюне дери сюрсенг, батыр болур.
- Атлыны ашхысы, ат тизгининден билинир
- Сагъышы джокъ – джукъучу, акъылы джокъ – къаугъачы.
- Бермеген къол, алмайды.
- Ата Джуртча джер болмаз, туугъан элча эл болмаз.
- Халкъны юйю – туугъан джери.
- Босагъа таш юйге кирмей эди, тыбыр таш эшикге чыкъмай эди.
- Экиндини кеч къылсанг, чабыб джетер ашхам.
- Зар адам ашынгы ашар, кесинги сатар.
- Элни кючю – эмеген.
- Адамны адамлыгъы къыйынлыкъда айгъакъланады.
- Эл бла кёргенинг эрелей.
- Этни да ашады, бетни да ашады.
- Адамны сыфатына къарама, сёзюне къара.
- Ауузу аманнга «иги», деме.
- Накъырданы арты керти болур.
- Берекет берсин деген джерде, берекет болур.
- Ана къойну – балагъа джандет.
- Юреннген ауруу къалмаз.
- Акъыл бла адеб эгизледиле.
- Чакъырылмагъан джерге барма, чакъырылгъан джерден къалма.
- Элиб деген, элге болушур.
- Хаухну атма, ёнгкючню сатма.
- Алтыда кюлмеген, алтмышда кюлмез.
- Байма, деб да, къууанма, джарлыма, деб да, джылама.
- Бети – къучакълар, джюреги – бычакълар.
- Чакъырылгъанны аты, чакъырылмагъанны багъасы болур.
- Къарт айтханны этмеген, къартаймаз.
- Адебни адебсизден юрен.
- Огъурлуну сёзю – суу, огъурсузну сёзю – уу.
- Кёрмегеннге кебек – танг, битмегеннге сакъал – танг.
- Кесине гебен этелмеген, биреуге черен эте эди.
- Адеб джокъда, намыс джокъ.
- Къая джолда джортма, ачыкъ сёзден къоркъма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бек ашыкъгъан меннге джетсин, дегенди аракъы.
- Татлы сёз – балдан татлы.
- Чакъырылмагъан къонакъ – орунсуз.
- Экеулен сёлеше тура эселе, орталарына барыб кирме.
- Тёзгеннге, джабылгъан эшик ачылыр.
- Кийиминг бла танылма, адамлыкъ бла таныл.
- Ана – юйню кюн джарыгъы.
- Айтылгъан сёз ызына къайтмаз.
- Байлыкъ болгъан джерде, тынчлыкъ джокъду.
- Чабар ат – джетген къыз.
- Джуртун къоругъан озар.
- Ариу джол аджал келтирмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72