- Кёбню кёрген – кёб билир.
- Уллу сёзде уят джокъ.
- Сакъ юйюне сау барыр.
- Босагъа таш юйге кирмей эди, тыбыр таш эшикге чыкъмай эди.
- Адамны аманы адамны бети бла ойнар.
- Ашлыкъны арба юйге келтирир, чана базаргъа элтир.
- Аман адамны тепсинге олтуртсанг, къызынгы тилер.
- Аджалсыз ёлюм болмаз.
- Бюгюн дуния кибик, тамбла ахыратды.
- Джумушакъ терекни къурт ашар.
- Намысы джокъну – дуниясы джокъ.
- Сёз къанатсыз учар.
- Сибиртки да сыйлы болду, кюрек да кюнлю болду.
- Болджал ишни бёрю ашар.
- Къайгъы тюбю – тенгиз.
- Къатыны харакетли болса, эри къымсыз болур.
- Бети къызарыучу адамны, джюреги харам болмаз.
- Этек чакъмакълары баш джаргъан, сёлешген сёзлери таш джаргъан.
- Акъыллы эркиши атын махтар, акъылсыз эркиши къатынын махтар.
- Аманнга алтын чыдамаз.
- Шекер бла туз – бир болмаз, ушамагъан – юй болмаз.
- Итли къонакъ джарашмаз.
- Агъач – джерни чырайы, кийим – эрни чырайы.
- Башы ишлегенни, ауузу да ишлер.
- Атлыны ашхысы, ат тизгининден билинир
- Тил – кесген бычакъ, сёз – атылгъан окъ.
- Кютгени беш эчки, сызгъыргъаны уа, джерни джарады.
- Окъугъанны бети джарыкъ.
- Тойчу джашха къарама, къойчу джашха къара.
- Адам къыйынлыгъын кёлтюрюр, зауукълугъун кёлтюрмез.
- Бичгенде ашыкъма, тикгенде ашыкъ.
- Тешигини къатында, чычхан да батыр болур.
- Келинин тута билмеген, къул этер, къызын тута билмеген, тул этер.
- Ариу сёзде ауруу джокъ.
- Джюрекден джюрекге джол барды.
- Айныгъанлы алты кюн, тогъайгъанлы тогъуз кюн.
- Биреуге аманлыкъ этиб, кесинге игилик табмазса.
- Туз, гырджын аша, тюзлюк бла джаша.
- Малны кют, джерни тюрт.
- Иги джашны ышаны – аз сёлешиб, кёб тынгылар.
- Ат басханны джер билед.
- Чакъырылмагъан джерге барма, чакъырылгъан джерден къалма.
- «Ёгюз, джаргъа джууукъ барма, меннге джюк боллукъса», - дегенди эшек.
- Адебни адебсизден юрен.
- Джаралыны джастыгъында сау ёлюр.
- Халкъны джырын джырласанг, халкъ санга эжиу этер.
- Ётген ёмюр – акъгъан суу.
- Халкъгъа джарагъан, джарлы къалмаз.
- Мухардан ач ычхынмаз.
- Экиндини кеч къылсанг, чабыб джетер ашхам.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72