- Джолда аягъынга сакъ бол, ушакъда тилинге сакъ бол.
- Джолунга кёре – джюрюшюнг, джагъанга кёре – юлюшюнг.
- Ач келгенни – тойдур, кеч келгенни – къондур.
- Баланы адам этген анады.
- Джеринден айырылгъан – джети джылар, джуртундан айырылгъан – ёлгюнчю джылар.
- Джукъу тёшек сайламайды.
- Адебни адебсизден юрен.
- Аман адамны тепсинге олтуртсанг, къызынгы тилер.
- Нафысынгы айтханын этме, намысынгы айтханын эт.
- Суу да къайтады чыкъгъан джерине.
- Ашда – бёрю, ишде – ёлю.
- Тил бла келеди джыр да.
- Сёз сёзню айтдырыр.
- Келгинчи, къонакъ уялыр, келгенден сора, къонакъбай уялыр.
- Билгенни къолу къарны джандырыр.
- Аллахха ийнаннган кишини, Аллах онгдурур ишин.
- Джумушакъ сёз къаты таякъны сындырыр.
- Эки ойлашыб, бир сёлешген.
- Хата – гитчеден.
- Ауругъан – джашаудан умутчу.
- Насыб бютеу халкъны юлюшюдю.
- Чомарт къолда мал къалмаз.
- Баш – акъыл ючюн, акъылман – халкъ ючюн.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джашда акъыл джокъ, къартда къарыу джокъ.
- Тёрени джагъы джокъ.
- Ат басханны джер билед.
- Кесине гебен этелмеген, биреуге черен эте эди.
- «Ма», - дегенни билмесенг, «бер», - дегенни билмезсе.
- Айран тёгюлсе, джугъусу къалыр.
- Кёзден кетген, кёлден да кетеди.
- Ёлген эшек бёрюден къоркъмайды.
- Тойгъан антын унутур.
- Бек ашыкъгъан меннге джетсин, дегенди аракъы.
- Ариу сёз джыланны орнундан чыгъарыр.
- Тойгъанлыкъ къойгъа джарашады.
- Огъурлуну сёзю – суу, огъурсузну сёзю – уу.
- Ашхы – джыяр, аман – джояр.
- Насыблы элин сюер, насыбсыз кесин сюер.
- Къайгъы тюбю – тенгиз.
- Мал кёб болса, джууукъ кёб болур.
- Намыс сатылыб алынмайды.
- Ариу сёз – джаннга азыкъ, аман сёз – башха къазыкъ.
- Чоюнну башы ачыкъ болса, итге уят керекди.
- Азыкълы ат арымаз, къатыны аман джарымаз.
- Сабий болмагъан джерде, мёлек болмаз.
- Къар – келтирди, суу – элтди.
- Ач, тоймам, дейди, тойгъан, ач болмам, дейди.
- Ётюрюкню башын керти кесер.
- Бал – татлы, балдан да бала – татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72