- Ашхы атаны – джашы ашхы, ашхы ананы – къызы ашхы.
- Джолунга кёре – джюрюшюнг, джагъанга кёре – юлюшюнг.
- Сабийликде юретмесенг, уллу болса – тюзелмез.
- Асхат ашлыкъ сата, юйдегиси ачдан къата.
- Борчунг бар эсе, хурджунунга ойлаб узал.
- Адам къыйынлыгъын кёлтюрюр, зауукълугъун кёлтюрмез.
- Ариуну – ауруу кёб.
- Джаралыны джастыгъында сау ёлюр.
- Нёгер болсанг, тенг бол, тенг болмасанг, кенг бол.
- Ётюрюкню башын керти кесер.
- Ёлген аслан – сау чычхан.
- Ач бёрюге мекям джокъ.
- Суу да къайтады чыкъгъан джерине.
- Ишленмеклик адамлыкъды.
- Адамны аты башхача, акъылы да башхады.
- Бозаны арты дауур болур.
- Джарлы эскисин джамаса, къууаныр.
- Эр сокъур болсун, къатын тилсиз болсун.
- Аманны къуугъан, аманлыкъ табар.
- Кесинг сынамагъан затны, адамгъа буюрма.
- Кесине гебен этелмеген, биреуге черен эте эди.
- Мадар болса, къадар болур.
- Къуллукъчума, деб махтанма, къуллукъ – хаух джамчыды!
- Аурууну келиую тынч, кетиую – къыйын.
- Эринчекни аурууу – кёб.
- Башы ишлегенни, ауузу да ишлер.
- Ата Джуртча джер болмаз, туугъан элча эл болмаз.
- Айран ичген – къутулду, джугъусун джалагъан – тутулду.
- Таула не мийик болсала да, аууш табылыр.
- Зарда марда джокъ.
- Айныгъанлы алты кюн, тогъайгъанлы тогъуз кюн.
- Кёб ант этген, кёб ётюрюк айтыр.
- Айтханы чапыракъдан ётмеген.
- Кимни – тили, тиши онглу, кимни – къолу, иши онглу.
- Къыз чыгъаргъан – къызыл къымжа.
- Ойнаб айтсанг да, эслеб айт.
- Бетинги сатма, малынгы сат.
- Ашыкъгъанны этеги бутуна чырмалыр.
- Джашда акъыл джокъ, къартда къарыу джокъ.
- Эки къатын алгъанны къулагъы тынгнгаймаз.
- Ишлемеген – тишлемез.
- Экеулен сёлеше тура эселе, орталарына барыб кирме.
- Атлыны ашхысы, ат тизгининден билинир
- Ёлген эшек бёрюден къоркъмайды.
- Къонагъынгы артмагъын алма да, алгъышын ал.
- Тил джюрекге джол ишлейди.
- Урама да – ёледи, сатама да – келеди.
- Къонакъ болсанг, ийнакъ бол.
- Акъыл аздырмаз, билим тоздурмаз.
- Джол бла сёзню къыйыры джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72