- Юй ишлеген балта эшикде къалыр.
- Эрни эр этерик да, къара джер этерик да, тиширыуду.
- Адамгъа аман кюн соруб келмейди.
- Миллетни бойну – базыкъ, аны бла кюрешген – джазыкъ.
- Ким бла джюрюсенг, аны кёзю бла кёрюнюрсе.
- Джаханимни кёрмей, джандетге кёл салмазса.
- Босагъагъа джууукъ орун болса, ашыгъыб тёрге озма.
- Мадар болса, къадар болур.
- Джарашыу сюйген – джалынчакъ.
- Атлыны ашхысы, ат тизгининден билинир
- Къонакъ болсанг, ийнакъ бол.
- Ашарыкъда сайлагъаннга – чий гырджын.
- Ата – билек, ана – джюрек!
- Уллу къазанда бишген эт, чий къалмаз.
- Малны кют, джерни тюрт.
- Джумушакъ сёз къаты таякъны сындырыр.
- Джигер – джаннга къыйынлыкъ.
- Чомарт бергенин айтмаз.
- Къуру гыбыт бек дыгъырдар.
- Къызгъанчдан ычхыныр, мухардан ычхынмаз.
- Аман къатын сабий табса, бий болур…
- Кийиминг бла танылма, адамлыкъ бла таныл.
- Къонакъны къачан кетерин сорма, къачан келлигин сор.
- Окъ къызбайны джокълайды.
- Ачыу алгъа келсе, акъыл артха къалады.
- Тамчы таш тешер.
- Намыс болмагъан джерде, насыб болмаз.
- Тил – кесген бычакъ, сёз – атылгъан окъ.
- Къонагъынгы артмагъын алма да, алгъышын ал.
- Уллу атлама – абынырса, уллу къабма – къарылырса.
- Мал тутхан – май джалар.
- Юйюнгден чыкъдынг – кюнюнгден чыкъдынг.
- Алим болгъандан эсе, адам болгъан къыйынды.
- Къатыны харакетли болса, эри къымсыз болур.
- Урунуу – насыбны анасы.
- Накъырда – кертини келечиси.
- Чабакъгъа акъыл, табагъа тюшсе келеди.
- Джангызны оту джарыкъ джанмаз!
- Ётюрюкню къуйругъу – бир тутум.
- Азыкълы ат арымаз, къатыны аман джарымаз.
- Аякъларынгы джууургъанынга кёре узат.
- Къызны минг тилер, бир алыр.
- Орундукъ тюбюнде атылсам да, орта джиликме, де да айлан.
- Биреу къой излей, биреу той излей.
- Борчунг бар эсе, хурджунунга ойлаб узал.
- Мал кёб болса, джууукъ кёб болур.
- Кенгеш болса, уруш болмаз.
- Джарлыны тону джаз битер.
- Билимден уллу байлыкъ джокъду.
- Уллу суу бла уллу ауруудан башынгы сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72