- Къонагъынгы артмагъын алма да, алгъышын ал.
- Джаш болсун, къыз болсун, акъылы, саны тюз болсун.
- Босагъа таш юйге кирмей эди, тыбыр таш эшикге чыкъмай эди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Байма, деб да, къууанма, джарлыма, деб да, джылама.
- Аурууну келиую тынч, кетиую – къыйын.
- Адеб базарда сатылмаз.
- Къарт болгъан джерде, берекет болур, сабий болгъан джерде, оюн болур.
- Арыгъан къош чамчы болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Агъач – джерни чырайы, кийим – эрни чырайы.
- Рысхы – сют юсюнде кёмюк кибикди.
- Насыблы элин сюер, насыбсыз кесин сюер.
- Къарт айтханны этмеген, къартаймаз.
- Иги болса, тамадама – махтау, аман болса, меннге – айыб.
- Сабыр джетер муратха, сабырсыз къалыр уятха.
- Эрине къаргъыш этген къатын, эрнин къабар.
- Ёксюзню тилеги къабыл болур.
- Иши джокъну, сыйы джокъ.
- Акъылсызны джууукъгъа алма, акъыллыны кенгнге салма.
- Къуллукъчума, деб махтанма, къуллукъ – хаух джамчыды!
- Джигер – джаннга къыйынлыкъ.
- Тёрени джагъы джокъ.
- Джаханимни кёрмей, джандетге кёл салмазса.
- Татлы тилде – сёз ариу, чемер къолда – иш ариу.
- Къар – келтирди, суу – элтди.
- Къарнынг къанлынга кийирир.
- Ариу сёзде ауруу джокъ.
- Билим къая тешер.
- Керек ташны ауурлугъу джокъ.
- Элде адам къалмаса, ит тахтагъа минер.
- Айраннга суу къош, телиге джол бош.
- Ёзденликни джайгъан – джокълукъ.
- Чомарт джарлы болмаз.
- Нарт сёз – тилни бети.
- Таукел къуру къалмаз.
- Аджал соруб келмез, келсе, къайтыб кетмез.
- Айранын берсенг, челегин да къызгъанма.
- Байлыкъ тауусулур, билим тауусулмаз.
- Чыкълы кюнде чыкъмагъан, чыкъса къуру кирмеген.
- Ана – юйню кюн джарыгъы.
- Накъырданы арты керти болур.
- Ётюрюкчюню шагъаты – къатында.
- Сангырау къулакъ эл бузар.
- Нёгер болсанг, тенг бол, тенг болмасанг, кенг бол.
- Тамбла алтындан бюгюн багъыр ашхы.
- Ойнай-ойнай кёз чыгъар.
- Уллу суу бла уллу ауруудан башынгы сакъла.
- Кюлме джашха – келир башха.
- Насыб бютеу халкъны юлюшюдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72