- Сакъалы текени да бар, мыйыгъы киштикни да бар.
- Адеб базарда сатылмаз.
- Чакъырылмагъан къонакъ тёрге атламаз.
- Окъуусуз билим – джокъ, билимсиз кюнюнг – джокъ.
- Къалгъан ишге къар джауар.
- Биреуге аманлыкъ этиб, кесинге игилик табмазса.
- Ишлегенде эринме, ишде чолакъ кёрюнме.
- Зарда марда джокъ.
- Ач къарынны, токъ билмез
- Чомартны къолу берекет.
- Келлик заман – къартлыкъ келтирир, кетген заман – джашлыкъ ёлтюрюр.
- Терек ауса, отунчу – кёб.
- Ойнаб айтсанг да, эслеб айт.
- Накъырда – кертини келечиси.
- Акъыллы – эл иеси, тели – эл баласы.
- Кюн – узун, ёмюр – къысха.
- Артына баргъанны, къатына барма.
- Тёгюлген тюгел джыйылмайды.
- Урама да – ёледи, сатама да – келеди.
- Къарт айтханны этмеген, къартаймаз.
- Адамны адамлыгъы къыйынлыкъда айгъакъланады.
- Къралынгы – душмандан, башынгы от бла суудан сакъла.
- Ичимден чыкъды хата, къайры барайым сата?
- Ариу сёз – къылычдан джити.
- Келгинчи, къонакъ уялыр, келгенден сора, къонакъбай уялыр.
- Кёл ашады да, кеси ашады.
- Акъыллы эркиши атын махтар, акъылсыз эркиши къатынын махтар.
- Хар зат кесини орнуна иги.
- Джашлыкъ этмеген, башлыкъ этмез.
- Джырчы ёлсе, джыры къалыр.
- Адамны джюреги нени кёрюрге сюйсе, кёзю да аны кёрюрге ёч болады.
- Мухар, кеси тойса да, кёзю тоймаз.
- Кёл – къызбай, къол – батыр.
- Тил джюрекге джол ишлейди.
- Хата – гитчеден.
- Къуллукъчума, деб махтанма, къуллукъ – хаух джамчыды!
- Ышармагъан – кюлмез, кюлмеген – къууанчны билмез.
- Кесине гебен этелмеген, биреуге черен эте эди.
- Тойгъан джерден туугъан джер игиди.
- Тил бла келеди джыр да.
- Биреуню къыйынлыгъы бла кесинге джол ишлеме.
- Биреу къой излей, биреу той излей.
- Джыйырма къойну юч джыйырма эбзе кюте эди.
- Тойгъанлыкъ къойгъа джарашады.
- Сибиртки да сыйлы болду, кюрек да кюнлю болду.
- Аз сёлешген, къайгъысыз турур.
- Ишлерге уял да, ашаргъа табма.
- Ат да турмайды бир териде.
- Экеу тутушса, биреу джыгъылыр.
- Халкъны юйю – туугъан джери.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72