- Ёгюзню мюйюзюнден тутадыла, адамны сёзюнден тутадыла.
- Тура эдим джата, къайдан чыкъды хата?
- Ариуну – ауруу кёб.
- Суу ичген шауданынга тюкюрме.
- Кенгеш болса, уруш болмаз.
- Ишлерге уял да, ашаргъа табма.
- Иши джокъну, сыйы джокъ.
- Хазыр ашха – терен къашыкъ.
- Адам туугъан джеринде, ит тойгъан джеринде.
- Татлы сёз – балдан татлы.
- Билмегенинги, билгеннге сор.
- Эки элинги тыйсанг, джети элде махталырса.
- Кёзден кетген, кёлден да кетеди.
- Эллинг бла джау болсанг да, юйюнг бла джау болма.
- Аман киши кеси юйюнде – къонакъ.
- Джашынгы кесинг юретмесенг, джашау юретир.
- Термилгенинги табмазса, кюлгенинге тюберсе.
- Тулпарлыкъ, билекден тюл – джюрекден.
- Джаханимни кёрмей, джандетге кёл салмазса.
- Болджал ишни бёрю ашар.
- Арба аугъандан сора, джол кёргюзтюучю кёб болур.
- Ётюрюкню къуйругъу – бир тутум.
- Айранын берсенг, челегин да къызгъанма.
- Къатын байлыкъны сюер, эр саулукъну сюер.
- Эр сокъур болсун, къатын тилсиз болсун.
- Тойгъа алгъа да барма, тойда артха да къалма.
- Джиби бир къат джетмей эди да, эки къат тарта эди.
- Чабар ат – джетген къыз.
- Терек ауса, отунчу – кёб.
- Аман эсирсе, юйюн ояр.
- Джаш къарыу бла кючлю, къарт акъыл бла кючлю.
- Кийимни бир кюнню аясанг, минг кюннге джарар.
- Мухар, кеси тойса да, кёзю тоймаз.
- Къатын къылыкъсыз, эр тынчлыкъсыз.
- Таякъ этден ётер, тил сюекден ётер.
- Рысхы джалгъанды: келген да этер, кетген да этер.
- Къайтырыкъ эшигинги, къаты уруб чыкъма.
- Аманнга алтын чыдамаз.
- Башынга джетмегенни сорма.
- Хар сёзню орну барды.
- Сакъ юйюне сау барыр.
- Намыс сатылыб алынмайды.
- Иги сёз – джаннга азыкъ, аман сёз башха – къазыкъ.
- Накъырданы арты керти болур.
- Джахил болса анасы, не билликди баласы?
- Сютню башын джалагъан къутулур, тюбюн ичген тутулур.
- Айран ичген – къутулду, джугъусун джалагъан – тутулду.
- Бал – татлы, балдан да бала – татлы.
- Элге къуллукъ этмеген, элге ие болмаз.
- Нарт сёз – тилни бети.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72