- Эри аманны, къатыны – аман.
- Рысхысына кёре, джаш ёсер, къышлыгъына кёре, мал ёсер.
- Хазыр ашха – терен къашыкъ.
- Махтаннган къыз, тойда джукълар.
- Ичимден чыкъды хата, къайры барайым сата?
- Къыйынлы джети элге оноу этер.
- Кёл ашады да, кеси ашады.
- Азыкъ аз болса, эртде орун сал.
- Чакъырылгъанны аты, чакъырылмагъанны багъасы болур.
- Ышармагъан – кюлмез, кюлмеген – къууанчны билмез.
- Кюн – узун, ёмюр – къысха.
- Къар – келтирди, суу – элтди.
- Сангырау къулакъ эл бузар.
- Сютден ауузу кюйген, суугъа юфгюре эди.
- Чомартха хар кюн да байрамды.
- Къызын тута билмеген, тул этер, джашын тута билмеген, къул этер.
- Билим къая тешер.
- Бек ашыкъгъан меннге джетсин, дегенди аракъы.
- Уруну арты – къуру.
- Урунуу – насыбны анасы.
- Ёгюзню мюйюзлери ауурлукъ этмейдиле.
- Ханнга да келеди хариблик.
- Аллахдан тилесенг, кёб тиле.
- Джолунга кёре – джюрюшюнг, джагъанга кёре – юлюшюнг.
- Адам къаллай бир ишленмесе, аллай бир кесин уллу кёреди.
- Къызны минг тилер, бир алыр.
- Биреу ашаб къутулур, биреу джалаб тутулур.
- Чёбню кёлтюрсенг, тюбюнден сёз чыгъар.
- Билгенни къолу къарны джандырыр.
- Джогъун бар этген, барын бал этген.
- Накъырда – кертини келечиси.
- Ишленмеген джаш – джюгенсиз ат, ишленмеген къыз – тузсуз хант.
- Бети къызарыучу адамны, джюреги харам болмаз.
- Эки къатын алгъанны къулагъы тынгнгаймаз.
- Экиндини кеч къылсанг, чабыб джетер ашхам.
- Хунаны тюбюн къазсанг, юсюнге ауар.
- Игиге айтсанг – билир, аманнга айтсанг – кюлюр.
- Чыкълы кюнде чыкъмагъан, чыкъса къуру кирмеген.
- Ариу сёз аурууунгу алыр.
- Ургъан суудан башынгы сакъла.
- Кёбден умут этиб, аздан къуру къалма.
- Киштикге къанат битсе, чыпчыкъ къалмаз эди.
- Таш бла ургъанны, аш бла ур.
- Джангыз терек къынгыр ёсер.
- Джашынгы кесинг юретмесенг, джашау юретир.
- Тыш элде солтан болгъандан эсе, кесинги элде олтан болгъан игиди!
- Къызгъанчдан ычхыныр, мухардан ычхынмаз.
- Телиге от эт десенг, юйюнге от салыр.
- Къуру гыбыт бек дыгъырдар.
- Рысхы – сют юсюнде кёмюк кибикди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72