- Олтуруб кёрюнмей эди да, ёрге туруб кёрюне эди.
- Нарт сёз – тилни бети.
- Тыш элде солтан болгъандан эсе, кесинги элде олтан болгъан игиди!
- Асхат ашлыкъ сата, юйдегиси ачдан къата.
- Ёлген аслан – сау чычхан.
- Чомартха Тейри да борчлуду.
- Хатерли къул болур.
- Тюзню ётмеги тюзде къалса да, тас болмаз.
- Арпа, будай – ащды, алтын, кюмюш а – ташды.
- Адам къыйынлыгъын кёлтюрюр, зауукълугъун кёлтюрмез.
- Биреуге кёлтюрген таягъынг, кесинги башынга урур.
- Игиге айтсанг – билир, аманнга айтсанг – кюлюр.
- Билмезни кёзю кёрмез, этмезни къулагъы эшитмез.
- Таугъа чыгъаллыкъ эсенг, тюзде къалма.
- Джетген къыз джерли эшекни танымаз.
- Ач, тоймам, дейди, тойгъан, ач болмам, дейди.
- Къарт бла баш аша, джаш бла аякъ аша.
- Суугъа – таянма, джаугъа – ийнанма.
- Джарашыу сюйген – джалынчакъ.
- Кёл – къызбай, къол – батыр.
- Юреннген ауруу къалмаз.
- Тёзген – тёш ашар!
- Бёрю да ач къалмасын, эчки да ашалмасын.
- Арбаз къынгырды да, ийнек сауалмайма.
- Эл ауузу – элек, анга ийнаннган – халек.
- Къызбайны юйюне дери сюрсенг, батыр болур.
- Къайтырыкъ эшигинги, къаты уруб чыкъма.
- Ётюрюкден тюбю джокъ, кёлтюрюрге джиби джокъ.
- Алтыннга тот къонмаз.
- Къарнынг ауруса, ауузунгу тый
- Кеси юйюмде мен да ханма.
- Ётюрюк хапар аякъ тюбю бла джюрюйдю.
- Ач келгенни – тойдур, кеч келгенни – къондур.
- Окъугъанны бети джарыкъ.
- Байдан умут эте, джарлыдан ёгюз багъасы къорады.
- Юйюнг бла джау болгъандан эсе, элинг бла джау бол.
- Аз сёлешген, къайгъысыз турур.
- Эрни эр этерик да, къара джер этерик да, тиширыуду.
- Тил бла келеди джыр да.
- Джерни букъусу кёкге къонмаз.
- Сабийликде юретмесенг, уллу болса – тюзелмез.
- Джюз элде джюз ёгюзюм болгъандан эсе, джюз джууугъум болсун.
- Къанны къан бла джуума, аманны аман бла къуума.
- Нёгер болсанг, тенг бол, тенг болмасанг, кенг бол.
- Ётюрюкню башын керти кесер.
- Ётген ёмюр – акъгъан суу.
- Сакъ юйюне сау барыр.
- Джумушакъ сёз къаты таякъны сындырыр.
- Джашынгы кесинг юретмесенг, джашау юретир.
- Ёксюзню къалачы уллу кёрюнюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72