- Къан бла кирген, джан бла чыгъар.
- Кюн кёрмеген, кюн кёрсе, кюндюз чыракъ джандырыр.
- Тас болгъан бычакъны сабы – алтын.
- Билген билмегенни юретген адетди.
- Тёрде – темир таякълы, къаяда – чыпчыкъ аякълы.
- Мал ёлсе, сюек къалыр, адам ёлсе, иши къалыр.
- Аякъларынгы джууургъанынга кёре узат.
- Танг атмайма десе да, кюн къоярыкъ тюйюлдю.
- Сабий кёргенин унутмаз.
- Халкъны джырын джырласанг, халкъ санга эжиу этер.
- Джангыз торгъай джырламаз.
- Джашны джигитлиги сорулур, къызны джигерлиги сорулур.
- Ишин билген, аны сыйын чыгъарады.
- Къралынгы – душмандан, башынгы от бла суудан сакъла.
- Эркишиге тары кебек танг кёрюнюр.
- Ана къойну – балагъа джандет.
- Эл бла кёргенинг эрелей.
- Тойгъа барсанг, тоюб бар, эски тонунгу къоюб бар.
- Ариу сёзде ауруу джокъ.
- Джаралыны джастыгъында сау ёлюр.
- Тиширыусуз юй – отсуз от джагъа.
- Кёпюр салгъан кеси ётер, уру къазгъан кеси кетер.
- Иги сеники эсе да, сюйген кесимикин этеме.
- Билимсиз иш бармаз.
- Сескекли кесин билдирир.
- Джогъун бар этген, барын бал этген.
- Нафысынгы айтханын этме, намысынгы айтханын эт.
- Хар зат кесини орнуна иги.
- Джылыгъа джылан илешир.
- Ашхылыкъ джерде джатмайды, аманлыкъ суугъа батмайды.
- Ёнгкюч къууана барыр, джылай келир.
- Арбаз къынгырды да, ийнек сауалмайма.
- Рысхы – насыбха къор.
- Ариуну – ауруу кёб.
- Таугъа чыгъаллыкъ эсенг, тюзде къалма.
- Суу ичген шауданынга тюкюрме.
- Ётюрюк хапар аякъ тюбю бла джюрюйдю.
- Къонакъ кёб келюучю юйню, къазаны отдан тюшмез.
- Айтылгъан буйрукъ, сёгюлмез
- Атадан ёксюз – бир ёксюз, анадан ёксюз – эки ёксюз.
- Ёзденликни кёбю ётюрюк.
- Ач бёрюге мекям джокъ.
- Адамны адамлыгъы къыйынлыкъда айгъакъланады.
- Акъыл аздырмаз, билим тоздурмаз.
- Чёбню кёлтюрсенг, тюбюнден сёз чыгъар.
- Адеб джокъда, намыс джокъ.
- Къазанны башы ачыкъ болса, итге уят керекди.
- Иши джокъну, сыйы джокъ.
- Баланы адам этген анады.
- Туз, гырджын аша, тюзлюк бла джаша.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72