- Ата джурт – алтын бешик.
- Берекет берсин деген джерде, берекет болур.
- Намысы джокъну – дуниясы джокъ.
- Иги адамны бир сёзю эки болмаз.
- Таякъ этден ётер, тил сюекден ётер.
- Ач, тоймам, дейди, тойгъан, ач болмам, дейди.
- Джюрекге ариу – кёзге да ариу.
- Ашаса, ашамаса да, бёрюню ауузу – къан.
- Джангыз торгъай джырламаз.
- Окъугъан озар, окъумагъан тозар.
- Суу кетер, таш къалыр.
- Кюл тюбюндеги от кёрюнмейди.
- Чалманны аллы къалай башланса, арты да алай барады.
- Эл ауузу – элия.
- Ишин билген, аны сыйын чыгъарады.
- Джол бла сёзню къыйыры джокъ.
- Джылар джаш, атасыны сакъалы бла ойнар.
- Азыгъы аз, алгъа къабар, аты аман, алгъа чабар.
- Кёб джат да, бек чаб.
- Чоюнну башы ачыкъ болса, итге уят керекди.
- Баланы адам этген анады.
- Билим ат болуб да чабар, къуш болуб да учар.
- Алгъанда – джууукъ, бергенде – джау.
- Башы ишлегенни, ауузу да ишлер.
- Адеби болмагъан къыз – тузсуз хант.
- Бёрю да ач къалмасын, эчки да ашалмасын.
- Ёлюр джаннга, ёкюл джокъ.
- Къолунгдан къуймакъ ашатсанг да, атаны борчундан къутулмазса.
- Адамгъа аман кюн соруб келмейди.
- Джаз бир кюнню джатсанг, къыш талай кюнню абынырса.
- Сёз – кюмюш, джыр – алтын.
- Акъылсызны джууукъгъа алма, акъыллыны кенгнге салма.
- Билим насыб берир, билим джолну керир.
- Эли джокъну – кёлю джокъ.
- Алим болгъандан эсе, адам болгъан къыйынды.
- Ариу сёзде ауруу джокъ.
- Тойгъан антын унутур.
- Хантына кёре тузу, юйюне кёре къызы.
- Аман адамны тепсинге олтуртсанг, къызынгы тилер.
- Кёзню ачылгъаны – иги, ауузну джабылгъаны – иги.
- Тойгъанлыкъ къойгъа джарашады.
- Тилчи тилден къаныкъмаз.
- Ёпкелегенни ашы татлы болады.
- Тёзгеннге, джабылгъан эшик ачылыр.
- Миллетни бойну – базыкъ, аны бла кюрешген – джазыкъ.
- Аурууну келиую тынч, кетиую – къыйын.
- Таукел къуру къалмаз.
- Акъыллы эркиши атын махтар, акъылсыз эркиши къатынын махтар.
- Суу ичген шауданынга тюкюрме.
- Дуния аламаты сен эсенг да, игиме деб айтма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72