- Джетген къыз джерли эшекни танымаз.
- Аман адам этегингден тутса, кес да къач.
- Мадар болса, къадар болур.
- Джашынгы кесинг юретмесенг, джашау юретир.
- Эки элинги тыйсанг, джети элде махталырса.
- Ана къойну – балагъа джандет.
- Ариу сёз джыланны орнундан чыгъарыр.
- Таула не мийик болсала да, аууш табылыр.
- Ётюрюк хапар аякъ тюбю бла джюрюйдю.
- Рысхысына кёре, джаш ёсер, къышлыгъына кёре, мал ёсер.
- Джерни букъусу кёкге къонмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Ата – баланы уясы.
- Ишге юренсин къоллары, халкъ бла болсун джоллары.
- Айтылгъан буйрукъ, сёгюлмез
- Тюзлюк тас болмайды.
- Тас болгъан бычакъны сабы – алтын.
- Кёб къычыргъандан – къоркъма, тынч олтургъандан – къоркъ.
- Ашхы адам – халкъ байлыгъы, ашхы джер – джашау байлыгъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аш иеси бла татлыды.
- Эл бла кёргенинг эрелей.
- Къыз тиширыу кеси юйюнде да къонакъды.
- Къатын байлыкъны сюер, эр саулукъну сюер.
- Ёзденликни кёбю ётюрюк.
- Окъуусуз билим – джокъ, билимсиз кюнюнг – джокъ.
- Акъдан къара болмаз.
- Ауурну тюбю бла, дженгилни башы бла джюрюген.
- Атадан ёксюз – бир ёксюз, анадан ёксюз – эки ёксюз.
- Чомартха Тейри да борчлуду.
- Джуртун къоругъан озар.
- Этни бети бла шорпасы.
- Ышармагъан – кюлмез, кюлмеген – къууанчны билмез.
- Джаз бир кюнню джатсанг, къыш талай кюнню абынырса.
- Къайтырыкъ эшигинги, къаты уруб чыкъма.
- Ушамагъан – джукъмаз.
- Алим болгъандан эсе, адам болгъан къыйынды.
- Айран ичген – къутулду, джугъусун джалагъан – тутулду.
- Чомарт къонакъ юй иесин сыйлар.
- Алма терегинден кери кетмез.
- Эрине къаргъыш этген къатын, эрнин къабар.
- Хар адамгъа кеси миннген тау кибик.
- Ачылгъан эт джабылыр, кёрген кёз унутмаз.
- Тамбла алтындан бюгюн багъыр ашхы.
- Ашда уялгъан – мухар, ишде уялгъан – хомух.
- Ким бла джюрюсенг, аны кёзю бла кёрюнюрсе.
- Сёз сёзню айтдырыр.
- Къарнынг бла ёч алма.
- Къонакъ аман болса, къонакъбай джунчур
- Билим – акъылны чырагъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72