- Къолунгдан къуймакъ ашатсанг да, атаны борчундан къутулмазса.
- Тил бла келеди джыр да.
- Аманны тукъумуна къарама, игини тукъумун сорма.
- Игилик игилик бла сингдирилиучю затды.
- Аз сёлеш, кёб ишле.
- Билимсиз иш бармаз.
- Атынг аманнга чыкъгъандан эсе, джанынг тамагъынгдан чыкъсын.
- Аякъларынгы джууургъанынга кёре узат.
- Ата – билек, ана – джюрек!
- Суугъа – таянма, джаугъа – ийнанма.
- Аш кетер да бет къалыр.
- Джахил болса анасы, не билликди баласы?
- Сагъыш – къартлыкъгъа сюйюмчю.
- Акъылсызны джууукъгъа алма, акъыллыны кенгнге салма.
- Иги адамны бир сёзю эки болмаз.
- Акъыллы башны – тили къысха.
- Къартха ушагъан джаш – акъыллы, джашха ушагъан къарт – тели.
- Къолу уллу – асыу, аягъы уллу – джарсыу.
- Ёгюзню мюйюзюнден тутадыла, адамны сёзюнден тутадыла.
- Татлы сёз – балдан татлы.
- Адебсиз адам – джюгенсиз ат.
- Намысы джокъну – дуниясы джокъ.
- Башы ишлегенни, ауузу да ишлер.
- Ичимден чыкъды хата, къайры барайым сата?
- Иесиз малны бёрю ашар.
- Чомартны къолун джокълукъ байлар.
- Кюн кёрмеген, кюн кёрсе, кюндюз чыракъ джандырыр.
- Тилчи тилден къаныкъмаз.
- Огъурлуну сёзю – суу, огъурсузну сёзю – уу.
- Чакъырылмагъан джерге барма, чакъырылгъан джерден къалма.
- Адам къаллай бир ишленмесе, аллай бир кесин уллу кёреди.
- Ойнай-ойнай кёз чыгъар.
- Къозулугъунда тоймагъан, къойлугъунда тоймаз.
- Къартны сыйын кёрмеген, къартлыгъында сыйлы болмаз.
- Ургъан суудан башынгы сакъла.
- Дженгил джетерикме деб, узун джолну къоюб, къысхасын барма.
- Таякъ этден ётер, тил сюекден ётер.
- Эшекни не къадар тюйсенг да, ат болмаз.
- Эки ойлашыб, бир сёлешген.
- Джылыгъа джылан илешир.
- Келинин тута билмеген, къул этер, къызын тута билмеген, тул этер.
- Зар адамны насыбы болмаз.
- Билген билмегенни юретген адетди.
- Кёбден умут этиб, аздан къуру къалма.
- Билимли ёлмез, билимсиз кёрмез.
- Ариу сёз – джаннга азыкъ, аман сёз – башха къазыкъ.
- Кёбню кёрген – кёб билир.
- Чабакъсыз кёлге къармакъ салгъанлыкъгъа, чабакъ тутмазса.
- Аманны къуугъан, аманлыкъ табар.
- Окъдан джара эртде-кеч болса да бителир, сёз джара, ёмюрге къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72