- Илму – джашауну джолу.
- Мухарны эси – ашарыкъда.
- Мен да «сен», дейме, сен да «кесим», дейсе.
- Халкъны джырын джырласанг, халкъ санга эжиу этер.
- Джашынгы кесинг юретмесенг, джашау юретир.
- Къыйынлы джети элге оноу этер.
- Мал кёб болса, джууукъ кёб болур.
- Намысы джокъну – дуниясы джокъ.
- Экеу тутушса, биреу джыгъылыр.
- Кёб къычыргъандан – къоркъма, тынч олтургъандан – къоркъ.
- Биреуге аманлыкъ этиб, кесинге игилик табмазса.
- Ана къойну – балагъа джандет.
- Башы ишлегенни, ауузу да ишлер.
- Къууут – джелге, берне – бошха.
- Аманнга да, игиге да оноусуз къатышма.
- Юйюнгден чыкъдынг – кюнюнгден чыкъдынг.
- От кюйдюрген, сау болса да, тот кюйдюрген, сау болмаз.
- Хаухну атма, ёнгкючню сатма.
- Азыкълы ат арымаз, къатыны аман джарымаз.
- Къатын къылыкъсыз, эр тынчлыкъсыз.
- Джолунга кёре – джюрюшюнг, джагъанга кёре – юлюшюнг.
- Рысхы – насыбха къор.
- Ачлыкъда тары гырджын халыуадан татлы.
- Адамны бетине къарама, адетине къара.
- Бек ашыкъгъан меннге джетсин, дегенди аракъы.
- Чакъырылмагъан джерге барма, чакъырылгъан джерден къалма.
- Ашына кёре табагъы, балына кёре къалагъы.
- Къайгъы тюбю – тенгиз.
- Тойгъандан сора, ашны сёкме.
- Къарнынг бла ёч алма.
- Ишни аллы бла къууанма да, арты бла къууан.
- Накъырданы арты керти болур.
- Биреуге аманлыкъны тилеме да, кесинге ашхылыкъны тиле.
- Кёб ант этген, кёб ётюрюк айтыр.
- Адамны артындан къара сабан сюрме.
- Ётюрюкню башын керти кесер.
- Башы джабылгъан челекге, кир тюшмез.
- Хунаны тюбюн къазсанг, юсюнге ауар.
- Ач да бол, токъ да бол – намысынга бек бол.
- Ётюрюкден тюбю джокъ, кёлтюрюрге джиби джокъ.
- Башда акъыл болмаса, эки аякъгъа кюч джетер.
- Сибиртки да сыйлы болду, кюрек да кюнлю болду.
- Шекер бла туз – бир болмаз, ушамагъан – юй болмаз.
- Эринчекге кюн узун.
- Окъдан джара эртде-кеч болса да бителир, сёз джара, ёмюрге къалыр.
- Эртде тургъан бла эртде юйленнген сокъуранмаз.
- Этни да ашады, бетни да ашады.
- Эл ауузу – элек, анга ийнаннган – халек.
- Аш иеси бла татлыды.
- Ашлыкъ – бюртюкден, джюн – тюкден.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72