- Насыб бютеу халкъны юлюшюдю.
- Ётюрюкню къуйругъу – бир тутум.
- Огъурлуну сёзю – суу, огъурсузну сёзю – уу.
- Шекер бла туз – бир болмаз, ушамагъан – юй болмаз.
- Ёзденликни кёбю ётюрюк.
- Шайтан алдады, тюзлюк къаргъады.
- Аз сёлешген, къайгъысыз турур.
- Ат да турмайды бир териде.
- Къошда джокъгъа – юлюш джокъ.
- Кечеси – аяз, кюню – къыш, джарлы къаргъагъа бир аш тюш!
- Ариу сёзде ауруу джокъ.
- Ашыкъгъан cуу, тенгизге джетмез.
- Урунуу – насыбны анасы.
- Юреннген ауруу къалмаз.
- Эринчекни аурууу – кёб.
- Адам къаллай бир ишленмесе, аллай бир кесин уллу кёреди.
- Эртде тургъан джылкъычыны эркек аты тай табар.
- Сыфатында болмагъаны, суратында болмаз.
- Къайгъы тюбю – тенгиз.
- Тамбла алтындан бюгюн багъыр ашхы.
- Бермеген къол, алмайды.
- Аманнга да, игиге да оноусуз къатышма.
- Хунаны тюбюн къазсанг, юсюнге ауар.
- Экеу тутушса, биреу джыгъылыр.
- Аш кетер да бет къалыр.
- Билеги кючлю, бирни джыгъар, билими кючлю, мингни джыгъар.
- Байлыкъдан саулукъ ашхыды.
- Билими азны – ауузунда кирит.
- Ишни ахырын ойламай, аллын башлама.
- Къоркъакъны кёзю экили кёрюр.
- Суугъа – таянма, джаугъа – ийнанма.
- Окъдан джара эртде-кеч болса да бителир, сёз джара, ёмюрге къалыр.
- Адамны артындан къара сабан сюрме.
- Къазанда болса, чолпугъа чыгъар.
- Байны оноуу, джарлыгъа джарамаз.
- Уллу сёзде уят джокъ.
- Мадар болса, къадар болур.
- Кюн – узун, ёмюр – къысха.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къыйынлы джети элге оноу этер.
- Айныгъанлы алты кюн, тогъайгъанлы тогъуз кюн.
- Аш хазыр болса, иш харам болур.
- Рысхы – насыбха къор.
- Сибиртки да сыйлы болду, кюрек да кюнлю болду.
- Къонакъны къачан кетерин сорма, къачан келлигин сор.
- Байлыкъ тауусулур, билим тауусулмаз.
- Айырылмаз джууугъунга, унутмаз сёзню айтма.
- Къазанчы аман болса, къазаны къайнамаз.
- Ач – эснер, ат – кишнер.
- Тойну къарнашы – харс, джырны къарнашы – эжиу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72