- Кёбден умут этиб, аздан къуру къалма.
- Адам сёзге тынгыла, акъыл сёзню ангыла.
- Билим ат болуб да чабар, къуш болуб да учар.
- Къулакъдан эсе, кёзге ышан.
- Аманнга игилик этсенг, юйюнге сау бармазса.
- Байлыкъ келсе, акъыл кетер.
- Берекет берсин деген джерде, берекет болур.
- Къазанчы аман болса, къазаны къайнамаз.
- Аш иеси бла татлыды.
- Окъуу – билимни ачхычы, окъуу – дунияны бачхычы.
- Ашарыкъда сайлагъаннга – чий гырджын.
- Къатыны харакетли болса, эри къымсыз болур.
- Ишлерге уял да, ашаргъа табма.
- Къартны бурнун сюрт да, оноугъа тут.
- Кёзю сокъурдан – къоркъма, кёлю сокъурдан – къоркъ.
- Юйюнг бла джау болгъандан эсе, элинг бла джау бол.
- Келлик заман – къартлыкъ келтирир, кетген заман – джашлыкъ ёлтюрюр.
- Тойну къарнашы – харс, джырны къарнашы – эжиу.
- Сакъалы текени да бар, мыйыгъы киштикни да бар.
- Ёпкелегенни ашы татлы болады.
- Садакъачыны джаны – къапчыгъында.
- Джумушакъ сёз къаты таякъны сындырыр.
- Джарлы эскисин джамаса, къууаныр.
- Сабий болмагъан джерде, мёлек болмаз.
- Тенгинг джокъ эсе – изле, бар эсе – сакъла!
- Къыйынлы джети элни къайгъысын этер.
- Душманны тышы – акъ, ичи – къара.
- Аман эсирсе, юйюн ояр.
- Таукел адам тау тешер.
- Ёгюзню мюйюзюнден тутадыла, адамны сёзюнден тутадыла.
- Кюл тюбюндеги от кёрюнмейди.
- Байдан умут эте, джарлыдан ёгюз багъасы къорады.
- Тыш элде солтан болгъандан эсе, кесинги элде олтан болгъан игиди!
- Тешик этген тынчды, аны джамагъан къыйынды.
- Сёз садакъдан кючлюдю.
- Термилгенинги табмазса, кюлгенинге тюберсе.
- Чомартны къолун джокълукъ байлар.
- Эр сокъур болсун, къатын тилсиз болсун.
- Ауругъан – джашаудан умутчу.
- Бал – татлы, балдан да бала – татлы.
- Къыз келсе, джумуш эте келеди, къатын келсе, ушакъ эте келеди.
- Билим – акъылны чырагъы.
- Байлыкъдан саулукъ ашхыды.
- Къызны минг тилер, бир алыр.
- Адам туугъан джеринде, ит тойгъан джеринде.
- Юйлю уругъа ит чабмаз.
- Халкъны джырын джырласанг, халкъ санга эжиу этер.
- Аман къатын сабий табса, бий болур…
- Чакъырылмай келген къонакъ сыйланмай кетер.
- Дженгил джетерикме деб, узун джолну къоюб, къысхасын барма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72