- Билмейме деген – бир сёз
- Ашхылыкъ джерде джатмайды, аманлыкъ суугъа батмайды.
- Ёзденликни кёбю ётюрюк.
- Аш кетер да бет къалыр.
- Арба аугъандан сора, джол кёргюзтюучю кёб болур.
- Сангырау къулакъ эл бузар.
- Адамны аманы адамны бети бла ойнар.
- Ауругъан – джашаудан умутчу.
- Сакъалы текени да бар, мыйыгъы киштикни да бар.
- Уясында не кёрсе, учханында аны этер.
- Рысхысына кёре, джаш ёсер, къышлыгъына кёре, мал ёсер.
- Чабар ат – джетген къыз.
- Aдам боллукъ, сыфатындан белгили.
- Керти сёзге тёре джокъ.
- Эки къатын алгъанны къулагъы тынгнгаймаз.
- Намысы джокъну – дуниясы джокъ.
- Экеу тутушса, биреу джыгъылыр.
- Биреуню къыйынлыгъы бла кесинге джол ишлеме.
- Тёзгеннге, джабылгъан эшик ачылыр.
- Чабакъ башындан чирийди.
- Юй ишлеген балта эшикде къалыр.
- Мухардан ач ычхынмаз.
- Душманны тышы – акъ, ичи – къара.
- Танг атмайма десе да, кюн къоярыкъ тюйюлдю.
- Башы джабылгъан челекге, кир тюшмез.
- Халкъгъа джарагъан, джарлы къалмаз.
- Атлыны ашхысы, ат тизгининден билинир
- Айныгъанлы алты кюн, тогъайгъанлы тогъуз кюн.
- Къыйынлы джети элни къайгъысын этер.
- Тилсиз миллет джокъ болур.
- Тамбла алтындан бюгюн багъыр ашхы.
- Джумушакъ терекни къурт ашар.
- Джарлы эскисин джамаса, къууаныр.
- Кютгени беш эчки, сызгъыргъаны уа, джерни джарады.
- Кюл тюбюндеги от кёрюнмейди.
- Сёз сёзню айтдырыр.
- Суу кетер, таш къалыр.
- Иги адамны бир сёзю эки болмаз.
- Ач да бол, токъ да бол – намысынга бек бол.
- Элни кючю – эмеген.
- Джюз элде джюз ёгюзюм болгъандан эсе, джюз джууугъум болсун.
- Чомарт къонакъ юй иесин сыйлар.
- Сёз къанатсыз учар.
- Къар – келтирди, суу – элтди.
- Байны къызы баймакъ болса да, юйде къалмаз!
- Ёпкелегенни ашы татлы болады.
- Ауругъаннга – кийик саулукъ, джетген къызгъа – чилле джаулукъ.
- Джашда акъыл джокъ, къартда къарыу джокъ.
- Аманнга алтын чыдамаз.
- Къартха ушагъан джаш – акъыллы, джашха ушагъан къарт – тели.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72